কিছুমান চাহাবীয়ে এবাৰ নবী চাল্লাল্লাহু আলাইহি অছাল্লামক প্ৰশ্ন কৰিলে যে, আমি খোৱা বোৱা কৰোঁ কিন্তু আমাৰ পেট নভৰে তথা আমি পৰিতৃপ্ত নহওঁ। তেতিয়া নবী চাল্লাল্লাহু আলাইহি অছাল্লামে তেওঁলোকক ক'লেঃ তোমালোকে সম্ভৱতঃ খোৱাৰ সময়ত পৃথকে পৃথকে বহি খোৱা। তোমালোকে প্ৰত্যেকেই অকলশৰীয়াকৈ বহি খোৱা নেকি? তেওঁলোকে ক'লেঃ হয়। তেতিয়া তেখেতে ক'লেঃ শুনা! খোৱাৰ সময়ত একেলগে বহি খাবা, পৃথকে পৃথকে নবহিবা, আৰু খোৱাৰ আগত বিছমিল্লাহ বুলি কৈ খোৱা আৰম্ভ কৰিবা। তেতিয়া আল্লাহে তোমালোকৰ খাদ্যত বৰকত দান কৰিব আৰু তোমালোকে পৰিতৃপ্ত হৈ খাই উঠিবা।

• খোৱাৰ সময়ত একেলগে বহি খোৱা আৰু খোৱাৰ আগত বিছমিল্লাহ বুলি কৈ আৰম্ভ কৰাটো হৈছে খাদ্য দ্ৰৱ্যত বৰকত লাভৰ অন্যতম উপায়। লগতে এইটো হৈছে পৰিতৃপ্ত হোৱাৰো এটা উপায়।
• বিচ্ছেদ সকলো ক্ষেত্ৰতেই বেয়া, ঐক্য সকলো ক্ষেত্ৰতেই উত্তম।
• একেলগে বহি খাবলৈ আৰু খোৱাৰ সময়ত বিছমিল্লাহ ক'বলৈ উৎসাহিত কৰা হৈছে।
• ছিন্ধীয়ে কৈছেঃ একেলগে আহাৰ কৰিলে খাদ্যত বৰকত নাজিল হয়। এইদৰে বিছমিল্লাহ বুলি কৈ খোৱা আৰম্ভ কৰিলে চয়তানে সেই ভোজনত অংশ ল'ব নোৱাৰে।

1. মুখ্য পৃষ্ঠা
2. ফজিলত আৰু শিষ্টাচাৰসমূহ
3. চৰীয়তৰ শিষ্টাচাৰসমূহ
4. পানাহাৰ কৰাৰ শিষ্টাচাৰ
5. হাদীছ

• হে বালক! প্ৰথমে বিছমিল্লাহ কোৱা, আৰু সোঁ হাতেৰে খোৱা, লগতে নিজৰ ওচৰৰ পৰা খোৱা।
• তোমালোকৰ মাজৰ কোনোবাই যেতিয়া আহাৰ কৰে তেতিয়া তেওঁ সোঁহাতেৰে খোৱা উচিত, আৰু কিবা সেৱন কৰিলে সোঁহাতেৰে সেৱন কৰা উচিত। কাৰণ চয়তানে নিজৰ বাওঁ হাতেৰে খায় আৰু সেৱন কৰে।...
• কোনো এজন ব্যক্তিয়ে নবী চাল্লাল্লাহু আলাইহি অছাল্লামৰ সন্মুখত বাওঁ হাতেৰে খানা খোৱাত তেখেতে তাক ক'লেঃ "সোঁ হাতেৰে খোৱা।" সি উত্তৰত ক'লেঃ মই খাব নোৱাৰোঁ। তেখেতে ক'লেঃ "তই যেন খাবও নোৱাৰ'।...
• যিটো খাদ্য খোৱাৰ সময়ত আল্লাহৰ নাম লোৱা হোৱা নাই, সেইটোক চয়তানে হালাল বুলি গণ্য কৰে।