မုအ်မင်န်တို့၏ မိခင်မွန်ကြီး အာအိရှဟ် (ရဿွိယလ္လာဟုအန်ဟာ)အား နဗီတမန်တော်မြတ်(ဆွလ္လလ္လာဟုအလိုင်ဟိဝစလ္လမ်)၏ အိမ်တွင်ရှိစဥ်အခါ အ‌ခြေအနေနှင့်ပတ်သတ်၍ ကိုယ်တော်သည် မည်သို့ပြုမူဆောင်ရွက်တော်မူလေ့ရှိသနည်းဟု မေးမြန်းခဲ့ရာ သခင်မက ဖြေကြားသည်မှာ - ကိုယ်တော်မြတ်သည် သာမန်လူသားတစ်ဦးပင် ဖြစ်တော်မူပြီး အမျိုးသားများ မိမိတို့၏ အိမ်များတွင်လုပ်ကိုင်လေ့ရှိသည်များကိုပင် လုပ်ကိုင်တော်မူသည်။ မိမိကိုယ်တိုင်နှင့် မိသားစုအတွက် ကူညီလုပ်ကိုင်ဆောင်ရွက်ပေးတော်မူလေ့ရှိသည်။ မိမိ၏ ဆိတ်နို့ကို ကိုယ်တိုင်ညှစ်တော်မူသည်။ မိမိ၏ အဝတ်အစားကို ကိုယ်တိုင်ချုပ်ဖာတော်မူသည်။ မိမိ၏ဖိနပ်ကို ကိုယ်တိုင်ပြင်ဆင်တော်မူသည်။ မိမိ၏ရေပုံးကို ကိုယ်တိုင်တည့်မတ်တော်မူသည်။ ထို့နောက် ဆွလာသ်အတွက် အိကာမသ်ဆိုလိုက်လျှင် မဆိုင်းမတွ ဆွလာသ်ဝတ်ပြုရန် ထွက်ခွါသွားတော်မူလေ့ရှိသည်။

• တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)၏ ပြီးပြည့် စုံလှသော မိမိကိုယ်မိမိ ချိုးနိမ်ခြင်းနှင့် မိသားစုအပေါ် ကောင်းမွန်စွာ ဆက်ဆံခြင်း။
• လောကီအလုပ်များသည် လူသားကို ဆွလာသ်မှ မမေ့မလျော့စေသင့်ပေ။
• တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)၏ ဆွလာသ်ကို ၎င်း၏ပထမဆုံးအချိန်၌ ဂရုတစိုက် အလေးထား ဝတ်ပြုခြင်း။
• အစ်ဗ်နုဟဂျရ်က မိန့်ဆိုသည်မှာ - " ဤဟဒီးစ်တော်တွင် မိမိကိုယ်မိမိချိုးနှိမ်ခြင်း၊ မောက်မာခြင်းမှ ရှောင်ကြဉ်ခြင်းနှင့် လင်ယောက်ျားသည် မိမိအိမ်သူအိမ်သားများအား ကူညီဆောင်ရွက်ပေးရန် တိုက်တွန်းထားသည်။"