پێغەمبەر -صلى اللە علیە وسلم- پرسیاری لە هاوەڵانی كرد: ئایا هیچ یەکێکتان ناتوانێت لە هەموو ڕۆژێکدا هەزار چاکە بەدەست بهێنێت؟! یەکێک لەوانەى لەگەڵی دانیشتبوون پرسیاری لێكرد: چۆن مرۆڤ دەتوانێت بەم ئاسانییە هەزار چاکە بەدەست بهێنێت لە ڕۆژێكدا؟ ئەویش فەرمووی: دەڵێت: (سبحان الله) سەد جار؛ هەزار چاکەى بۆ دەنووسرێت، چونكە چاكە پاداشتەكەی بە دە هێندەیە، یان هەزار خراپەی لەسەر دەسڕێتەوە.

• هاندان بۆ ئەنجامدانی كردەوە چاكەكان؛ چونكە پەیژەن بۆ بەرزبوونەوە لە بەندایەتیدا.
• فەزڵ وپاداشتی سبحان الله وزیكر كردن، وئەم كردەوە ئاسانە نابێتە هۆی هیچ ناڕەحەتیەك لەسەر مرۆڤ، وبەهۆیەوە ئەم پاداشتە مەزنە بەدەست دەهێنێت.
• پەلەکردن ودەستپێشخەری هاوەڵان بۆ ئەنجامدانى کردەوە خێر وچاکەکان بەبێ دواکەوتن.
• چەندەها جاربوونی چاکەکان بۆ دە هێندە، هەروەکو خواى گەورە دەفەرموێت: {مَنْ جَاءَ بِالْحَسَنَةِ فَلَهُ عَشْرُ أَمْثَالِهَا} [الأنعام: 160] واتە: {ھەر کەسێک چاکە بکات ئەوە (لەڕۆژی دواییدا) دە ھێندەی چاکەکەی پاداشتی بۆ ھەیە}، وئەمە کەمترین بڕی چەندەها جار بوونە، ئەگەر نا گێڕانەوە هاتووە کە لەوەیە چاکە هەتاوەکو حەوت سەد هێندە زیاد بێت.
• لە هەندێك گێڕانەوەدا لە جیاتی (یان: أو) پیتی (و) هاتووە؛ كاتێك دەفەرموێت: (یان هەزار خراپەی...)، عەلی قاری دەڵێت: لەوەیە (و) بە واتای (یان: أو) بێت بۆیە هیچ دژە نییە لە نێوان دوو گێڕانەوەكەدا، واتای ئەوەیە: ئەوەی بیڵێت هەزار چاكەی بۆ دەنووسرێت، ئەم چاكەیە هەندێكی گوناهی لەسەر دەسڕێتەوە وهەندێكی تری پاداشتی پێدەستدەكەوێت، ولەوەیە (یان: أو) بە مانای (و) بێت یان بە مانای (بەڵكو) بێت بۆیە لەم حاڵەتەتدا هەردووكیانی پێكەوە پێدەبەخشرێت وفەزڵ وبەخشندەیی الله لەمە فراوانترە، واتا هەزار چاكەی بۆ دەنووسرێت وهەزار خراپەی لەسەر دەسڕێتەوە.

1. سه‌ره‌كی
2. فەزڵەکان وئادابەکان
3. فیقهی نزا وزیکرەکان
4. سوودەکانی یاد کردنی خوای گەورە
5. فەرموودە

• دەستنوێژگرتن نیوەی ئیمانە، و (ووتنی) -الحمد لله- تەرازووەکان پڕ دەکات، و (ووتنی) -سبحان الله- نێوان ئاسمانەکان وزەوی پڕ دەکات
• شەیتان دێت بۆ لای یەکێکتان دەڵێت: کێ ئەو شتەى دروستکردووە، کێ ئەو شتەى دروستکردووە، هەتاوەکو دەڵێت: کێ پەروەردگارتی دروستکردووە؟ ئەگەر گەیشت بەمە با پەنا بە خواى گەورە بکرێـت و واز بهێنێت...
• هەندێک زیکر هەیە هەرکەسێک بیانخوێنێت لە پاش هەموو نوێژێک؛ ئەوا بێبەش ودۆڕاو نابێت: (سبحان الله) سی وسێ جار، و(الحمد لله) سی وسێ جار، و(الله أکبر) سی وچوار جار...
• ئەگەر پیاو بچێتە ماڵەوە، وناوی خودا بهێنێت لە کاتی چوونە ژوورەوەی ولەکاتی خواردنی، ئەوا شەیتان دەڵێت (بە هاوڕێکانی): ئیمڕۆ هیچ شوێنێکی خەوتن وهیچ خواردنێکتان بۆ نییە...