Nagtanong ang Propeta (basbasan siya ni Allāh at pangalagaan) sa mga Kasamahan niya: "Hindi ba nakakakaya ang isa sa inyo na magkamit sa bawat araw ng isang libong magandang gawa?" Kaya nagsabi ang isa sa mga kaupuan niya: "Papaano po magtatamo ang tao ng isang libong magandang gawa sa isang araw nang may kadalian?" Nagsabi siya: "Sumambit siya ng: subḥāna -llāh (Kaluwalhatian kay Allāh) nang isang daang ulit saka may maitatala para sa kanya na isang libong magandang gawa dahil ang iisang magandang gawa ay katumbas sa sampung tulad nito o may mapapawi sa kanya na isang libong masagwang gawa mula sa mga masagwang gawa niya."

• Ang pag-udyok sa mga kalamangan dahil ang mga ito ay hagdan ng mga pagtalima.
• Ang kainaman ng pagluwalhati at pagsambit ng dhikr at na ang magaang gawaing ito na hindi nakapagpapahirap sa tao ng anuman ay magdudulot sa kanya dahil dito ng malaking pabuya.
• Ang pagdadali-dali ng mga Kasamahan sa paggawa ng mga kabutihan nang walang pagpapahuli.
• Ang pagpapaibayo ng mga magandang gawa hanggang sa sampung tulad ng mga ito. Iyon ay tulad ng sabi ni Allāh (Qur'ān 6:160): {Ang sinumang naghatid ng magandang gawa ay ukol sa kanya ang sampung tulad nito, ...} Ito ay ang pinakakaunti sa mga antas ng pagpapaibayo at kung hindi ganito, may nasaad na hanggang sa pitong daang ibayo.
• Nasaad sa ilan sa mga salaysay na sa halip ng O ay may nasaad na "AT" sa sabi niyang: "O mababawas sa kanya ..." Nagsabi si Al-Qārī: "Maaaring magbigay ang AT [sa wikang Arabe] ng kahulugang O kaya walang salungatan sa pagitan ng dalawang salaysay. Para bang ang kahulugan ay: na ang sinumang nagsabi nito ay maitatala para sa kanya ang isang libong magandang gawa. Kung hindi nagkaroon sa kanya, may maibabawas na ilan at may matatamo na ilan. Maaaring ang O ay maging may kahulugang AT o may kahulugang BAGKUS. Kaya sa sandaling iyon, magtitipon ito para sa kanya ng dalawang ito. Ang kainaman ni Allāh ay higit na malawak kaysa roon." Ibig sabihin: Na may maitatala para sa kanya na isang libong magandang gawa at may maibabawas sa kanya na isang libong masagwang gawa.

1. Ang Pangunahin
2. Ang mga Kainaman at ang mga Kaasalan
3. Ang Fiqh ng mga Du`ā' at mga Dhikr
4. Ang mga Pakinabang ng Pag-alaala kay Allāh – kamahal-mahalan Siya at kapita-pitagan
5. Ang ḥadīth

• Ang paghahalintulad sa umaalaala sa Panginoon niya at hindi umaalaala sa Panginoon niya ay tulad ng buhay at patay
• Ang pagkadalisay ay kalahati ng pananampalataya. Ang [pagsasabi ng:] alḥamdu lillāh (ang papuri ay ukol kay Allāh) ay pupuno sa timbangan [ng mga gawa]. Ang [pagsasabi ng:] subḥāna –llāh (kaluwalhatian kay Allāh) at alḥamdu lillāh ...
• May pitong maglililim sa kanila si Allāh (napakataas Siya) sa lilim Niya sa araw na walang lilim kundi ang lilim Niya
• Kapag pumasok ang lalaki sa bahay nito saka bumanggit siya kay Allāh sa sandali ng pagpasok niya at sa sandali ng pagkain niya, magsasabi ang Demonyo [sa mga kampon nito]: 'Walang pagmamagdamagan para sa inyo at walang hapunan para sa inyo....