නබි (සල්ලල්ලාහු අලයිහි වසල්ලම්) තුමාණෝ තම සහාබාවරුන්ගෙන් මෙසේ විමසා සිටියහ: සෑම දිනකම දහසක් පින් උපයන්නට ඔබ අතරින් කිසිවෙකු හෝ අපොහොසත් වනවා නොවේ ද?" එවිට එතුමාණන්ගේ සභාවේ සිටි අයකු මෙසේ විමසා සිටියේය: 'අප අතරින් කිසිවෙකු හෝ දිනක පහසුවෙන් පින් දහසක් උපයා ගත හැකි වනුයේ කෙසේ ද?' එතුමාණෝ: "ඔහු සිය වරක් 'සුබ්හානල්ලාහ' යැයි පවසයි. එවිට ඔහුට පින් දහසක් ලියනු ලැබේ. මක්නිසාදයත් එක් යහපතකට ඒ හා සමාන කුසල් දහයක් හිමි වීමේ පදනම යටතේය. එසේ නැතහොත් පව් දහසක් ඔහුගෙන් මකා දමනු ලැබේ." යැයි පැවසුහ.

• මහිම පිළිබඳ දිරිමත් කිරීම; මක්නිසාදයත් එය කීකරුකමේ ඉණිමඟයි.
• තස්බීහ් හා දික්ර්හි මහිමය. සැබැවින්ම මිනිසාට කිසිදු බරක් නොවන මෙම සුළු ක්‍රියාව තුළින් ඔහු අතිමහත් ප්‍රතිඵල හිමි කර ගනු ඇත.
• කිසිදු ප්‍රමාදයකින් තොරව යහපත් කටයුතු සඳහා සහාබාවරුන් මූලිකත්වය ගැනීම.
• කුසල් දස ගුණයක් දක්වා ගුණ වීම. එය උත්තරීතර අල්ලාහ්ගේ ප්‍රකාශය පරිදිය. "කවරෙකු යහපත ගෙන එන්නේ ද ඔහුට ඒ හා සමාන දස ගුණයක් හිමිය." (අල්-අන්ආම්: 160) මෙය ගුණ කිරීමේ අවම මට්ටම ය. එය හත්සීය දක්වා ගුණ වන බව සඳහන් වී ඇත.
• ඇතැම් වාර්තාවල "හෝ ඔහුගෙන් මකා දමනු ලැබේ...." යන ප්‍රකාශයේ 'අව්' (හෝ) යන පදය වෙනුවට 'ව' (තවද) යන පදය යෙදී ඇත. කාරී තුමා මෙසේ පවසයි: මෙහි 'ව' කියන පදය 'අව්' කියන පදයේ අර්ථයෙන් පැමිණ ඇත. වාර්තා දෙක අතර කිසිදු පරස්පරතාවක් නැත. එහි අර්ථය: සැබැවින්ම කවරෙකු එය පවසන්නේ ද ඔහුට දහසක් කුසල් හිමි වනු ඇත. එසේ නොවී නම්, ඇතැමක් මැකී ඇතැමක් උපයනු ඇත. යන්නයි. එමෙන්ම 'ව' (තවද) යන අර්ථයෙන් හෝ 'බල්' (එසේ නොව) යන අර්ථයෙන් පැමිණිය හැක. ඒවිට ඒ දෙක අතර ඒකාබද්ධ කෙරේ. අල්ලාහ්ගේ භාග්‍යය ඊට වඩා විශාල ය. එනම්: දහසක් කුසල් ඔහුට නියම කර දහසක් පාපයන් ඔහුගෙන් මකා දමනු ඇත.

1. මුල් පිටුව
2. මහිමයන් සහ ආචාරධර්ම
3. මෙනෙහි කිරීම් හා ප්රාර්ථනාවන්හි නීති විද්යාව
4. උත්තරීතර කීර්තිමත් අල්ලාහ්ව මෙනෙහි කිරීමේ පල ප්රයෝජන
5. නබි වදන

• උත්තරීතර අල්ලාහ්ගේ හෙවණ හැර වෙනත් කිසිදු හෙවණක් නැති දිනයේ ඔහුගේ හෙවණ තුළ ඔහු හෙවණ ලබා දෙන හත් දෙනෙකු සිටිති...
• “ඔබ අතරින් කිසිවකු හෝ නින්දට වැටුණු විට ඔහුගේ හිස් කෙළවරෙහි ගැට තුනක් ෂෙයිතාන් ගැට ගසයි. ‘ඔබට දිගු රාත්‍රියක්, හොදින් නිදා ගන්න’...
• “මාගේ ගැත්තා මා ගැන සිතන සිතුවිලි අබියස මම වෙමි. ඔහු මා මෙනෙහි කරන පරිදිම මම ඔහු සමග වෙමි
• පිරිසිදුකම විශ්වාසයේ අඩකි. "අල්හම්දු ලිල්ලාහ්" (සියලු ප්‍රශංසා අල්ලාහ් සතුය) යන ප්‍රකාශය තුලාව පුරවාලයි. "සුබ්හානල්ලාහි, වල් හම්දුලිල්ලාහි" (අල්ලාහ් සුවිශුද්ධය, සියලු ප්‍රශංසා අල්ලාහ් සතුය) යන ප්‍රකාශ දෙක අහස් හා පොළොව...