ነቢዩ - የአላህ ሶላትና ሰላም በርሳቸው ላይ ይስፈንና - ባልደረቦቻቸውን እንዲህ በማለት ጠየቁ: አንዳችሁ በየቀኑ አንድ ሺህ ምንዳ ማግኘት አይችልምን? እዛው ከተቀመጡት መካከል አንዱ "አንድ ሰው በቀላሉ በየቀኑ አንድ ሺህ ምንዳ እንዴት ሊያገኝ ይችላል?" በማለት ጠየቀ። እርሳቸውም "መቶ ጊዜ ሱብሓነላህ ይበል። በዚህም አንድ ሺህ ምንዳ ይፃፍለታል።" አሉ። አንድ መልካም ስራ በአስር ትባዛለችና። ወይም አንድ ሺህ ወንጀሉ ይራገፍለታል።

• ትርፍ ስራዎችን በመስራት ላይ መነሳሳቱን እንረዳለን። ይህም ትርፍ ስራዎች ወደ አምልኮዎች የሚወስዱ መሰላል ስለሆኑ ነው።
• ተስቢሕና ዚክር የማድረግን ደረጃ እንረዳለን። ይህም ሰው በማይከብደው ትንሽ ስራ አማካኝነት ይህንን ያህል ትልቅ ምንዳ ያስገኛልና።
• ሶሓቦች መልካም ስራዎችን ሳያዘገዩ ለመስራት ይቻኮሉ እንደነበረ እንረዳለን።
• መልካም ስራዎች በአስር ይባዛሉ። ይህንንም በማስመልከት አላህ እንዲህ ብሏል: (በመልካም ስራ የመጣ ሰው ለርሱ አስር ብጤዎቿ አሉት።) [አልአንዓም: 160] ይህም ትንሹ የብዜት ደረጃ ነው። እንጂማ እስከ ሰባት መቶ እጥፍ ድረስ እንደሚባዛም ተዘግቧል።
• በዚህ ሐዲሥ አንዳንድ ዘገባዎች (ወይም ከርሱ አንድ ሺህ ወንጀል ይሰረዝለታል።) ከሚለው ነቢያዊ ንግግር (ወይም) የሚለው ቃል ሳይጠቀስ (و) (ሁለቱንም እንደሚያገኝ በሚጠቁም መስተፃምር) መጥቷል። ቃሪይ እንዲህ ብለዋል: "አንዳንዴ (و) (ወይም) የሚለውን ትርጉም ለመጠቆም ትመጣለች። በሁለቱ ዘገባዎች መካከል መጋጨት የለውም። ትርጉሙም: ይህቺን ዚክር ያለ ሰው በርሱ ላይ ወንጀል ከሌለበት አንድ ሺህ ምንዳ ይፃፍለታል። በተወሰነው ይሰረዝለታል በተወሰነው ይፃፍለታል ማለት ነው። ወይም ደግሞ (ወይም) በአረብኛው (او) የምትለዋ ቃል የተፈለገባት (و) ወይም (بل) ማለት ነው። ይህ ከሆነ ደግሞ ይህንን ዚክር ያለ ሰው ሁለቱንም ያገኛል ማለት ነው። የአላህ ችሮታ ከዚህም በላይ ነውና።" ተጠናቀቀ። ማለትም አንድ ሺህ ምንዳም ያገኛል። አንድ ሺህ ወንጀሉም ይሰረዝለታል እንደማለት ነው።

1. ዋና ገፅ
2. ትርፍ ተግባራትና ስነ-ስርዓት
3. የዱዓና አዝካር ፊቅህ
4. አላህን የማውሳት ጥቅሞች
5. ሓዲሥ

• ሰባት አካላቶች ከአላህ ጥላ በቀር ጥላ በሌለበት ቀን አላህ በጥላው ስር ያስጠልላቸዋል።
• ከሁሉም ግዴታ ሶላቶች በኋላ አስከትሎ የሚላቸው ወይም የሚተገበራቸው የማይከስርባቸው ቃላት: ሰላሳ ሶስት ጊዜ "ተስቢሕ" (ሱብሐነሏህ)፣ ሰላሳ ሶስት ጊዜ "ተሕሚድ" (አልሐምዱ ሊላህ)፣ ሰላሳ አራት ጊዜ "ተክቢራ" (አላሁ አክበር) ማለት ናቸው።...
• ጌታውን የሚያወሳና የማያወሳ ሰው ምሳሌ እንደ ህያውና እንደ ሞተ ሰው ምሳሌ ነው።
• ንፅህና የኢማን ግማሽ ነው 'አልሐምዱ ሊላህ' (ምስጋና ለአላህ የተገባ ነው) የሚለው ሚዛን ይሞላል፤ 'ሱብሐነላህ ወል'ሐምዱ ሊላህ' (አላህ ጥራት የተገባው ነው፤ ምስጋናም ሁሉ ለአላህ ነው) የሚለው በሰማያትና በምድር መካከል ያለውን ይሞላሉ ወይም ይሞላል...