عەلی کوڕی ئەبی تاڵیب -ڕەزای خوای لێبێت- ئیجتیهادی كرد و کۆمەڵێک لە زندیقەکانی بە ئاگر سووتاند کە لە ئیسلام هەڵگەڕابوونەوە، ئەم هەواڵە گەیشت بە عبد الله ی كوڕی عەباس -ڕەزای خوای لێبێت-، ئەویش پشتیوانی كرد لە کوشتنیان؛ بەڵام نكۆڵی كرد لە سووتاندنیان بە ئاگر. ووتی: ئەگەر من لە شوێنی ئەو بوومایە بە ئاگر نەمدەسووتاندن؛ چونکە پێغەمبەر -صلى الله عليه وسلم- ڕوونی کردووەتەوە کە نابێت کەس بە ئاگر سزا بدات جگە لە الله نەبێت كە خوڵقێنەری ئاگرە، بۆیە تەنها کوشتنیان بەسە، چونکە پێغەمبەر -صلى الله عليه وسلم- فەرموویەتی: هەر کەسێک لە ئیسلام هەڵگەڕایەوە و ئاینەکەی گۆڕی بۆ ئایینێکی تر؛ ئەوا بیکوژن.

• واجبێتی کوشتنی هەڵگەڕاوە (مورتەد) لە ئایینی ئیسلام بە کۆدەنگی زانایان، ئەمەیش بە مەرجەکانی خۆیەوە، و ئەم کارە تەنها لەلایەن پێشەوا (دەسەڵاتدار) و دادوەرەوە ئەنجام دەدرێت.
• کاتێک دەفەرموێت: (من بدل دينه، فاقتلوه) واتە: (هەرکەسێک ئاینەکەى گۆڕی، بیکوژن)؛ واتا: هەركەسێك هەڵگەڕایەوە لەئاینی ئیسلام، وئەم حوکمە گشتیە بۆ پیاوان وئافرەتان.
• نابێت فەرمانڕەوا وداوەر ڕازی وبێدەنگ بن لە مورتەد -هەڵگەڕاوە لە ئیسلام- ؛ بەڵکو بانگەوازى دەکرێت بۆ ئاینی ئیسلام، ئەگەر وەڵامی نەدایەوە ؛ دەکوژرێت.
• ئەم فەرموودەیە نەهی دەكات لە سزا وئازاردان بە ئاگر، و سزا شەرعییەكان بە ئاگر جێبەجێ ناکرێن.
• ئاماژەیە بۆ فەزڵ وپلەو یایەی ئیبن عەباس -ڕەزای خوایان لێبێت-، و فراوانی زانست و تێگەیشتنی لە فەرموودەکانی پێغەمبەر -صلی الله علیه وسلم-.
• ئاماژەیە بۆ ڕەوشت وئەدەبی نكۆڵی كردن لە كەسی سەرپێچیکار.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. سنوورەکان (الحدود)
4. سنووری هەڵگەڕانەوە (مورتەد)
5. فەرموودە

• خەڵكانێك لە هۆزی عوكل وعورەینە هاتن، بەڵام هەوای مەدینەیان پێنەكەوت