پێغەمبەر -صلی الله علیه وسلم- ڕوونی کردۆتەوە کە هەركەسێک بەهۆی منداڵبوون و ڕەچەڵەکەوە حەرام بێت، وەک خاڵ و مام و برا و...، بەهۆی شیرپێدانیشەوە حەرام دەبێت، و ئەو حوکمانەی بەهۆی شیرپێدانەوە ڕێگەپێدراو دەبن بەهەمان شێوەی ئەو حوكمانەیە بەهۆی منداڵبوونەوە -ڕەچەڵەكەوە- ڕێگەپێدراون.

• فەرموودەکە بنچینەیەكە لە حوکمەکانی شیرپێداندا.
• كاتێك دەفەرموێت: (شیر پێدان ئەو شتانە حەرام دەکات؛ وەکو هەمان ئەو شتانەی کە بە هۆی منداڵبوونەوە حەرام دەبن)؛ ئیبن حەجەر دەڵێـت: واتە: ئەوەیش كە بەهۆی منداڵبوونەوە ڕێگەپێدراوە بەهەمان شێوە بەهۆی شیرپێدانەوە ڕێگەپێدراوە، و ئەمەیش بە یەكدەنگی زانایان پەیوەندی هەیە بە حەرامکردنی هاوسەرگیری و پاشکۆکانییەوە، و جێگیربوونی حەرامێتی لە نێوان شیرخۆر و منداڵەکانی شیردەرەکەدا، و دانانیان لە پلەی خزمایەتیدا لە ڕووی ڕێگەپێدانی سەیرکردن و تەنیا بوون و گەشت کردن لەگەڵیاندا، بەڵام حوکمەکانی تری دایکایەتی نایگرێتەوە وەكو میرات و واجب بوونی خەرجی و ئازادکردن بەهۆی خاوەندارێتی و شاهێدیدان و ديە -پارەی خوێن- و هەڵگرتنی تۆڵەسەندنەوە.
• جەختکردنەوە لەسەر حوکمی حەرامبوون لە شیرپێدانەوە بە حەرامبوونێکی هەتاهەتایی.
• فەرموودەکانی تر ئاماژەیان بۆ ئەوە كردووە کە حەرامێتی بەهۆی شیرپێدانەوە بە پێنج شیرپێدانی زانراو جێگیر دەبێت، و دەبێت لە دوو ساڵی یەکەمدا بێت.
• ئەو کەسانەی بەهۆی ڕەچەڵەکەوە حەرامن بریتین لە: دایکان، و داپیرەکانیش دەگرێتەوە؛ هەرچەندە بەرز ببنەوە لەلایەن دایک یان باوکەوە. و کچان: و کچەكانی کچەكان و کچەكانی کوڕەکانیش دەگرێتەوە؛ هەرچەندە نزم ببنەوە. و خوشکان: جا چ لەلایەن دایک و باوکەوە بن؛ یان لەلایەن یەکێکیانەوە. و پوورەکان (خوشکی باوک): و هەموو جۆرە خوشکەكانی باوک دەگرێتەوە، هەروەها هەموو خوشکەکانی باپیرانت؛ هەرچەندە بەرز ببنەوە. و پوورەكان (خوشکی دایک): و هەموو جۆرە خوشکەكانی دایک دەگرێتەوە، هەروەها هەموو خوشکەکانی داپیران؛ هەرچەندە بەرز ببنەوە، جا چ داپیرەكان لەلایەن باوکەوە بن یان لەلایەن دایکەوە. و کچی برا، و کچی خوشک، و کچەکانیشیان دەگرێتەوە؛ هەرچەندە نزم ببنەوە.
• ئەو کەسانەی بەهۆی شیرپێدانەوە حەرامن: هەرچییەک بەهۆی ڕەچەڵەکەوە -منداڵبوونەوە- حەرام بێت بەهۆی شیرپێدانیشەوە حەرام دەبێت، جا هەر ئافرەتێک بەهۆی ڕەچەڵەکەوە حەرام بووبێت؛ هاوشێوەکەیشی بەهۆی شیرپێدانەوە حەرام دەبێت، جگە لەمانە نەبێت: دایکی برا و خوشکی کوڕ لە شیرپێداندا کە حەرام نابن.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی خێزان
4. شیردان
5. فەرموودە

• لەو ئایەتانەى دەخوێندران لە قورئاندا: (عَشْرُ رَضَعَاتٍ مَعْلُومَاتٍ يُحَرِّمْنَ)، پاشان هەڵوەشێندراوە بە (پێنج -شیرپێدانی- زانراو)، پێغەمبەری خودا -صلى اللە علیە وسلم- کۆچی دواییکرد، لەکاتێکدا ئەم وشانە هەر دەخوێندران لە قورئاندا...
• پێغەمبەری خودا -صلى اللە علیە وسلم- سەبارەت بە کچەکەى حەمزە فەرمووی: حەڵاڵ نییە بۆ من (مارەی بکەم)، ئەوەی بەهۆی شیرپێدانیشەوە حەرام دەبێت (مارەکردنی)؛ هەروەکو حەرامبوونی (مارەکردنیەتی) بەهۆی ڕەچەڵەکەوە، ئەو کچی برامە لە شیرپێدانەوە...