ಪ್ರವಾದಿಯವರ (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಒಂದು ನಡವಳಿಕೆ ಏನೆಂದರೆ, ಅವರು ಸುಗಂಧ ದ್ರವ್ಯದ ಉಡುಗೊರೆಯನ್ನು ನಿರಾಕರಿಸುತ್ತಿರಲಿಲ್ಲ. ಅವರು ಅದನ್ನು ಸ್ವೀಕರಿಸುತ್ತಿದ್ದರು. ಏಕೆಂದರೆ ಅದು ಹಗುರವಾಗಿದ್ದು ಸುಲಭವಾಗಿ ಒಯ್ಯಬಹುದಾಗಿದೆ ಮತ್ತು ಅದು ಉತ್ತಮ ಪರಿಮಳವನ್ನು ಹೊಂದಿರುತ್ತದೆ.

• ಸುಗಂಧದ್ರವ್ಯದ ಉಡುಗೊರೆಯನ್ನು ಸ್ವೀಕರಿಸುವುದು ಅಪೇಕ್ಷಣೀಯ ಎಂದು ಈ ಹದೀಸ್ ತಿಳಿಸುತ್ತದೆ. ಏಕೆಂದರೆ ಅದನ್ನು ಒಯ್ಯಲು ಕಷ್ಟವಿಲ್ಲ ಮತ್ತು ಅದನ್ನು ನೀಡುವವರು ನೀಡಿದ್ದನ್ನು ಎತ್ತಿ ಹೇಳುವುದಿಲ್ಲ.
• ಪ್ರವಾದಿಯವರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಸುಗಂಧದ್ರವ್ಯದ ಉಡುಗೊರೆಯನ್ನು ನಿರಾಕರಿಸದೇ ಇರುವುದು ಮತ್ತು ಅವರಿಗೆ ನೀಡಲಾಗುವ ಉಡುಗೊರೆಗಳನ್ನು ಅವರು ಸ್ವೀಕರಿಸುವುದು ಅವರ ಪರಿಪೂರ್ಣ ಮತ್ತು ಉತ್ತಮ ನಡವಳಿಕೆಯನ್ನು ಸೂಚಿಸುತ್ತದೆ.
• ಈ ಹದೀಸ್ ಸುಗಂಧ ಹಚ್ಚುವುದನ್ನು ಪ್ರೋತ್ಸಾಹಿಸುತ್ತದೆ.