নবী চাল্লাল্লাহু আলাইহি অছাল্লামে যেতিয়া কোনো বেমাৰী ব্যক্তিক চাবলৈ গৈছিল, তেতিয়া তেখেতে তাৰ বাবে দুআ কৰি কৈছিলঃ ভাৱাৰ্থঃ হে আল্লাহ! বেমাৰৰ এই কষ্ট দূৰ কৰি দিয়া। হে মানুহৰ প্ৰতিপালক! এই বেমাৰৰ পৰা তাক আৰোগ্য প্ৰদান কৰা। হে আৰোগ্য প্ৰদানকাৰী মহান আল্লাহ! তুমিয়েই শ্বিফা দানকাৰী, তোমাৰ শ্বিফাৰ বাহিৰে কাৰো শ্বিফা প্ৰদান কৰাৰ ক্ষমতা নাই। তুমি এনেকৈ শ্বিফা প্ৰদান কৰা, যাতে কোনো বেমাৰ বাকী নাথাকে।

• সৰ্বশক্তিমান আল্লাহেই হৈছে একমাত্ৰ শ্বিফা প্ৰদানকাৰী। আনহাতে ডাক্তৰ আৰু ঔষধ আদি হৈছে উপায় মাত্ৰ, আল্লাহৰ অনুমতি নোহোৱাকৈ এইবোৰে উপকাৰো কৰিব নোৱাৰে আৰু অপকাৰো কৰিব নোৱাৰে।
• বেমাৰীক সাক্ষাৎ কৰিবলৈ যোৱাটো হৈছে মুছলিমৰ অধিকাৰ। পৰিয়ালৰ হকে এই দায়িত্ব আৰু অধিক।
• বেমাৰীক সাক্ষাৎ কৰিবলৈ যোৱা ব্যক্তিক উৎসাহিত কৰা হৈছে যে, তেওঁ যেন বেমাৰীৰ হকে এই প্ৰমাণিত দুআটো পাঠ কৰি দুআ কৰে।
• কোৰআনী আয়াতৰ জৰিয়তে আৰু উত্তম দুআৰ জৰিয়তে ৰুকিয়া শ্বাৰইয়্যা (চৰীয়তি জৰাফুঁকা) কৰাটো হৈছে নবী চাল্লাল্লাহু আলাইহি অছাল্লামৰ অন্যতম এটা আদৰ্শ। নবী চাল্লাল্লাহু আলাইহি অছাল্লামে নিজেই নিজকে জৰাফুঁকা কৰিছিল যেতিয়া তেখেত অসুস্থ হৈছিল। এইদৰে তেখেতৰ পৰিয়ালৰ কোনোবাই বেমাৰত পৰিলেও তেখেতে ৰুকিয়া কৰিছিল।
• ইবনু হাজাৰ ৰাহিমাহুল্লাহে কৈছেঃ এইটো এটা প্ৰশ্ন হ'ব পাৰে যে, বেমাৰ হ'লে যিহেতু গুনাহ মাফ হয় আৰু ছোৱাব লাভ হয়, যিটো বিভিন্ন হাদীছৰ দ্বাৰা প্ৰমাণিত, তেনে ক্ষেত্ৰত বেমাৰীৰ আৰোগ্য লাভৰ বাবে দুআ কৰাৰ কি প্ৰয়োজন। ইয়াৰ উত্তৰ হৈছে এই যে, দুআ হৈছে এক প্ৰকাৰ ইবাদত। এইটো ছোৱাব অৰ্জন আৰু প্ৰায়শ্চিত্তৰ পৰিপন্থী নহয়। কিয়নো এই দুয়োটা বস্তু বেমাৰৰ আৰম্ভণিতে লাভ হয়, যদি তাৰ ওপৰত ধৈৰ্য্য ধাৰণ কৰা হয়। দুআকাৰী ব্যক্তিয়ে দুটা উপকাৰৰ যিকোনো এটা নিশ্চয় লাভ কৰে, হয়তো তাৰ উদ্দেশ্য পূৰণ হয়, নাইবা ইয়াৰ ফলত কোনো বিপদ আপদ দূৰ হয়। এই সকলোবোৰ হৈছে আল্লাহৰ কৃপা।

1. মুখ্য পৃষ্ঠা
2. ফিক্হ আৰু উচুলে ফিক্হ
3. চিকিৎসা বিদ্যা আৰু চৰীয়ত অনুমোদিত জৰাফুঁকা
4. চৰীয়ত অনুমোদিত জৰাফুঁকা
5. হাদীছ

1. মুখ্য পৃষ্ঠা
2. ফজিলত আৰু শিষ্টাচাৰসমূহ
3. চৰীয়তৰ শিষ্টাচাৰসমূহ
4. বেমাৰীক শুশ্ৰূষা কৰাৰ শিষ্টাচাৰ
5. হাদীছ

• তোমাৰ শৰীৰৰ যি ঠাইত বিষ অনুভৱ কৰা, সেই ঠাইত তোমাৰ হাত ৰখা আৰু তিনিবাৰ বিছমিল্লাহ কোৱা, আৰু সাতবাৰ এই দুআ পঢ়া, আউজু বিল্লাহি অক্বুদৰাতিহি মিন শ্বাৰ্ৰি মা আজিদু ওৱা উহাজিৰ।...
• এজন মুছলিমৰ ওপৰত আন এজন মুছলিমৰ আছে পাঁচটা অধিকাৰ: ছালামৰ উত্তৰ দিয়া, বেমাৰীক শুশ্ৰূষা কৰা, জানাযাৰ অনুসৰণ কৰা, নিমন্ত্ৰণ গ্ৰহণ কৰা আৰু হাঁচি দিয়া ব্যক্তিৰ উত্তৰ দিয়া।...
• যিয়ে কোনো এনেকুৱা বেমাৰী ব্যক্তিক সাক্ষাৎ কৰিবলৈ যায়, যাৰ মৃত্যুৰ সময় উপস্থিত হোৱা নাই, তেনেকুৱা বেমাৰীৰ ওচৰত এই দুআটো সাতবাৰ পাঠ কৰিব লাগেঃ আছআলুল্লাহাল আজীম, ৰাব্বাল আৰশ্বিল আজীম, আঁইয়্যাশ্বফীক। ফলত আল্লাহে তাক সেই বেমাৰৰ পৰা শ্বিফা দান ক...
• বিছমিল্লাহি আৰকীক, মিন কুল্লি শ্বাইয়িন ইউজীক, অমিন শ্বাৰ্ৰি কুল্লি নাফছিন আও আইনিন হা-ছিদিন, আল্লাহু য়াশ্বফীক, বিছমিল্লাহি আৰকীক।...