ফিৰিস্তা জিব্ৰীল আলাইহিচ্ছালামে নবী চাল্লাল্লাহু আলাইহি অছাল্লামৰ ওচৰলৈ আহি সুধিলেঃ হে মুহাম্মদ! আপুনি অসুস্থ (বেমাৰ হৈছে) নেকি? তেখেতে ক'লেঃ হয়। ইয়াৰ পিছত জিব্ৰীল আলাইহিচ্ছালামে নবী চাল্লাল্লাহু আলাইহি অছাল্লামক এই দুআৰে জৰাফুঁকা কৰিলেঃ «باسم الله» - আল্লাহৰ সহায় লৈ «أرقيك» - মই আপোনাক জৰাফুঁকা কৰিছোঁ «من كل شيء يؤذيك» - প্ৰত্যেক অনিষ্টকাৰী বস্তুৰ পৰা (সৰু হওক বা ডাঙৰ) «من شر كل نفس» - প্ৰত্যেক বেয়া আত্মাৰ অনিষ্টৰ পৰা «أو عين حاسد» - বা হিংসুক দৃষ্টিৰ প্ৰভাৱৰ পৰা «يشفيك» - আল্লাহে আপোনাক সুস্থ কৰিব আৰু ৰক্ষা কৰিব, সকলো প্ৰকাৰ বেমাৰ-আজাৰৰ পৰা «باسم الله أرقيك» - এই বাক্যটো পুনৰাবৃত্তি কৰা হৈছে গুৰুত্ব প্ৰদান কৰিবলৈ। আৰম্ভণিও এই বাক্যৰ দ্বাৰাই কৰিছে আৰু সমাপ্তিও ইয়াৰেই কৰিছে, এইটো বুজাবলৈ যে, আল্লাহৰ বাহিৰে সুস্থতা প্ৰদান কৰিব পৰা শক্তি আন কাৰো নাই।

• বাস্তৱতা প্ৰকাশ কৰিবলৈ বেমাৰ সম্পৰ্কে জনোৱাটো বৈধ, অভিযোগ বা অসন্তুষ্টি প্ৰকাশ কৰাৰ উদ্দেশ্যে নহয়।
• ৰুকিয়া (আধ্যাত্মিক চিকিৎসা) কৰাটো নিম্নলিখিত চৰ্ত সাপেক্ষে বৈধ: ১. এয়া হ’ব লাগিব কেৱল কোৰআনৰ আয়াতৰ দ্বাৰা আৰু আল্লাহৰ নাম তথা চৰীয়তসন্মত দুআৰ দ্বাৰা। ২. জৰাফুঁকাৰ ভাষা হ’ব লাগিব আৰবী, অথবা বেলেগ কোনো ভাষাত হ'লে ইয়াৰ অৰ্থ স্পষ্টভাৱে জনা হ’ব লাগিব। ৩. এই বিশ্বাস থাকিব লাগিব যে, ৰুকিয়া স্বয়ং কোনো ফলদায়ক নহয়; এইটো হৈছে কেৱল এটা মাধ্যমহে, ইয়াৰ প্ৰভাৱ সৰ্বশক্তিমান আল্লাহৰ ইচ্ছাৰ ওপৰত নিৰ্ভৰ কৰে। ৪. জৰাফুঁকা হ’ব লাগিব শ্বিৰ্কমুক্ত তথা হাৰাম কৰ্ম আৰু বিদ্আতমুক্ত, লগতে এইবোৰৰ পিনে লৈ যাব পৰা সকলো বিষয়মুক্ত হ’ব লাগিব।
• হাদীছটোৱে প্ৰমাণ কৰে যে, বদ নজৰ সত্য, ই ক্ষতিকৰ। সেয়ে ইয়াৰ পৰা সুৰক্ষা বিচৰা উচিত।
• উক্ত হাদীছটোত উল্লিখিত বাক্যৰ দ্বাৰা জৰাফুঁকা কৰা মুস্তাহাব।
• নবী চাল্লাল্লাহু আলাইহি অছাল্লামেও অন্যান্য মানুহৰ দৰেই এজন মানুহ। অন্যান্য লোকৰ যিদৰে বেমাৰ-আজাৰ হয়, সেইদৰে তেখেতৰো বেমাৰ হৈছিল।
• মহান আল্লাহে তেওঁৰ নবীক অত্যন্ত যত্ন সহকাৰে সুৰক্ষা প্ৰদান কৰিছিল, আৰু ইয়াৰ বাবে ফিৰিস্তা নিযুক্ত কৰিছিল।

1. মুখ্য পৃষ্ঠা
2. ফিক্হ আৰু উচুলে ফিক্হ
3. চিকিৎসা বিদ্যা আৰু চৰীয়ত অনুমোদিত জৰাফুঁকা
4. চৰীয়ত অনুমোদিত জৰাফুঁকা
5. হাদীছ

• আজহাবিল বা'ছ, ৰাব্বান্না-ছ, অশ্বফি আনতাশ্ব শ্বা-ফী, লা শ্বিফা-আ ইল্লা শ্বিফা-উক, শ্বিফা-আন লা ইগাদিৰু ছাক্বামা।...
• তোমাৰ শৰীৰৰ যি ঠাইত বিষ অনুভৱ কৰা, সেই ঠাইত তোমাৰ হাত ৰখা আৰু তিনিবাৰ বিছমিল্লাহ কোৱা, আৰু সাতবাৰ এই দুআ পঢ়া, আউজু বিল্লাহি অক্বুদৰাতিহি মিন শ্বাৰ্ৰি মা আজিদু ওৱা উহাজিৰ।...
• যিয়ে কোনো এনেকুৱা বেমাৰী ব্যক্তিক সাক্ষাৎ কৰিবলৈ যায়, যাৰ মৃত্যুৰ সময় উপস্থিত হোৱা নাই, তেনেকুৱা বেমাৰীৰ ওচৰত এই দুআটো সাতবাৰ পাঠ কৰিব লাগেঃ আছআলুল্লাহাল আজীম, ৰাব্বাল আৰশ্বিল আজীম, আঁইয়্যাশ্বফীক। ফলত আল্লাহে তাক সেই বেমাৰৰ পৰা শ্বিফা দান ক...
• মন্ত্র, তাৱিজ-কবজ, মন্ত্র পঢ়ি গাঁঠি লগোৱা সূতা আদি সকলো হৈছে শ্বিৰ্কৰ অন্তর্ভুক্ত।