జిబ్రయీల్ అలైహిస్సలాం, ప్రవక్త (సల్లల్లాహు అలైహి వసల్లం) వద్దకు వచ్చి వారిని ఇలా అడిగినారు: “ఓ ముహమ్మద్ సల్లల్లాహు అలైహి వసల్లం ! మీరు అనారోగ్యంతో ఉన్నారా?” దానికి ఆయన సల్లల్లాహు అలైహి వసల్లం “అవును” అన్నారు. అపుడు జిబ్రయీల్ అలైహిస్సలాం ఇలా ప్రవక్త సల్లల్లాహు అలైహి వసల్లం పై అస్వస్థతగా ఉన్న వారి కొరకు పఠించే ఒక ప్రార్థన (రుఖయహ్) ను పఠించారు: (బిస్మిల్లాహి) అల్లాహ్ నామమున, ఆయన సహాయాన్ని కోరుతూ, (అర్’ఖీక) మీ కొరకు ఆయన శరణు వేడుకుంటూ మీ కొరకు ఒక ప్రార్థనను – రుఖయహ్ ను – పఠిస్తున్నాను. (మిన్ కుల్లి షైఇన్ యు’జీక) మీకు హాని కలిగించే ప్రతి విషయము నుండి – అది చిన్నది గానీ, పెద్దది గానీ -; (మిన్ షర్రి కుల్లి నఫ్సిన్) ప్రతి చెడు ఆత్మ యొక్క చెడు నుండి; (ఔ ఐని హాసిదిన్) లేదా అసూయపడే వారి కంటి నుండి, అది కలిగించే చెడు నుండి, అల్లాహ్ మిమ్మల్ని (యష్ఫీక) స్వస్థపరుచు గాక, ఆయన మిమ్మల్ని అన్ని వ్యాధుల నుండి రక్షించు గాక, కాడుగాక, (బిస్మిల్లాహి అర్’ఖీక) అల్లాహ్ నామమున నేను మీపై ఒక ప్రార్థనను (రుఖయహ్’ను) పఠిస్తున్నాను”. జిబ్రయీల్ (అలైహిస్సలాం) దానిని నొక్కి చెప్పడం కొరకు ఆ పదాలను పునరావృతం చేసినారు. ఆయన ఆ ప్రార్థనను ఆ పదాలతోనే ప్రారంభించినారు మరియు ఆ పదాలతోనే ముగించినారు; నిశ్చయంగా ఆయన (సర్వ స్తోత్రములకు అర్హుడైన అల్లాహ్) తప్ప ప్రయోజనం కలిగించే వారెవరూ లేరు అని సూచిస్తూ.

• పరిస్థితి యొక్క వాస్తవికతను తెలియజేయడానికి, ఆవేదనా పూర్వకంగానో, లేక ఫిర్యాదు చేస్తున్నట్లుగానో లేక కోపముతోనో కాకుండా తన అనారోగ్యపు స్థితిని ఇతరులకు తెలియజేయుటకు అనుమతి ఉన్నది.
• రుఖయహ్ ఈ క్రింది షరతులతో అనుమతించబడుతుంది: 1. రుఖయహ్ ను ఖుర్ఆన్ మరియు సర్వశక్తిమంతుడైన అల్లాహ్ యొక్క స్మరణతో మరియు, దాని సూచించ బడిన ప్రార్థనలతో (దుఆలతో) నిర్వహించాలి; 2. రుఖయహ్ ను అరబీ భాషలో నిర్వహించాలి; లేదా అర్థం తెలిసిన, అర్థం చేసుకోగల ఇతర భాషలలో కూడా నిర్వహించవచ్చును. 3. రుఖయహ్ దానంతట అదే స్వయంగా ఎటువంటి ప్రభావాన్ని చూపలేదని, అది కేవలం ఒక మధ్యమం మాత్రమేనని మరియు దాని ప్రభావం సర్వశక్తిమంతుడైన అల్లాహ్ అనుమతి ద్వారా మాత్రమే సాధ్యమని విశ్వసించాలి. 4. రుఖయహ్ నిర్వహణలో ఏ విధమైన షిర్క్ (బహుదేవతారాధన), నిషేధించబడిన పద్ధతులు, లేదా ‘బిద్’అత్’ (ధర్మములో నూతన ఆవిష్కరణలు) లేదా వాటికి దారి తీసే ఏ విషయమూ ఉండరాదు.
• ఈ హదీథు ‘దిష్టి’ తగలడం వల్ల కలిగే హానిని మరియు అది వాస్తవమని ధృవీకరిస్తున్నది, కనుక దాని నుండి రుఖయహ్ ద్వారా స్వస్థత పొందుట అనుమతించబడినది.
• హదీథులో పేర్కొనబడిన విధంగా రుఖయహ్ ను నిర్వహించుట అభిలషణీయము.
• ప్రవక్త సల్లల్లాహు అలైహి వసల్లం మానవమాతృడే, ఇతరులు అనారోగ్యానికి గురి అయినట్లే ఆయన సల్లల్లాహు అలైహి వసల్లం కూడా అనారోగ్యానికి గురి అయినారు.
• అల్లాహ్ తన ప్రవక్తలను, సందేశహరులను రక్షిస్తాడు, అందుకు ఆయన తన దూతలను (దైవదూతలను) ఈ పని కొరకు నియోగిస్తాడు

1. హోమ్
2. ఫిఖ్ మరియు దాని నియమాలు
3. వైద్యము,ఔషధం మరియు ధర్మపరమైన మంత్రించటం
4. షరఈ రుఖయ్య
5. హదీస్

• మరణ సమయం ఇంకా సమీపించని రోగిని సందర్శించి, అతని సమక్షంలో ఎవరైనా ఏడుసార్లు ఇలా అంటే అల్లాహ్ అతనిని ఆ వ్యాధి నుండి నయం చేస్తాడు: 'అస్’అలల్లాహుల్-‘అజీమ్ రబ్బుల్-‘అర్షిల్-‘అజిమ్ అన్ యష్ఫియక్ (నిన్ను నయం చేయమని నేను గొప్ప సింహాసనానికి అధిపతి అయి...
• అద్-హిబిల్-బాస, రబ్బన్నాస్, వష్ఫి, అంత అష్షాఫీ, లా షిఫాఅ’ ఇల్లా షిఫాఉక, షిఫా’అన్ లా యుగాదిరు సఖమా." (ప్రజల ప్రభువా! బాధను తొలగించు. నీవే ఆరోగ్యదాతవు. నీ ఆరోగ్యమే నిజమైన ఆరోగ్యం. నీ ఆరోగ్యం తప్ప మరొకటి లేదు. అలాంటి ఆరోగ్యాన్ని ప్రసాదించు — అ...
• “నీ శరీరంలో ఏభాగములోనైతే నొప్పి పెడుతున్నదో దానిపై నీ చెతిని ఉంచు, తరువాత “బిస్మిల్లాహ్” (అల్లాహ్ నామముతో) అని మూడుసార్లు పఠించు; తరువాత ఏడుసార్లు “అఊదుబిల్లాహి, వ ఖుద్రతిహి మిన్ షర్రిమా అజిదు వ ఉహాదిర్” అని పఠించు” (నేను అనుభవిస్తున్న మర...
• “నిశ్చయంగా చేతబడి (మంత్రతంత్రాలు), తాయెత్తులు, వశీకరణ మొదలైనవన్నీ బహుదైవారాధనలే”