ነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና የአላህ ንግግር የበላይ እንድትሆን በተቻለ መጠን በሁሉም መንገድ ከሃዲያንን ለመታገልና እነርሱን ለመጋፈጥ በአቅም ልክ መታገልን አዘዙ። ከነዚህም መታገያዎች መካከል: የመጀመሪያው: እነርሱን በመታገል ገንዘብ ማውጣት ነው። ይህም መሳሪያ በመግዛት፣ ለሙጃሂዶች ወጪ በማድረግና በመሳሰሉት ነው። ሁለተኛው: ከሃዲያንን ለመፋለምና ለመከላከል በአካልና በነፍስ መውጣት ነው። ሶስተኛው: ወደዚህ ሃይማኖት በምላስ በመጥራት፣ በነርሱ ላይ ማስረጃ በማቆም፣ ከነርሱ በማስጠንቀቅና በነርሱ ላይ በመመለስ ነው።

• አጋርያንን በነፍስ፣ በገንዘብና በምላስ መታገል ላይ መነሳሳቱን እንረዳለን። ሁሉም በአቅሙ ልክ ነው። ጂሃድ በአካል በመዋጋት ላይ ብቻ የተገደበ አይደለምና።
• በጂሃድ የመጣው ትእዛዝ ግዴታን ነው የሚጠቁመው። አንዳንዴ በነፍስ ወከፍ ደረጃ ግዴታ ሲሆን አንዳንዴ ደግሞ በተወሰነ አካል ላይ ብቻ ግዴታ ይሆናል።
• አላህ ጂሃድን ለብዙ ጉዳዮች ደንግጓል: ከነርሱም መካከል: የመጀመሪያ: ሺርክንና አጋርያንን መቃወም። አላህ መቼም ሺርክን አይቀበልምና። ሁለተኛ: ወደ አላህ በሚደረግ ደዕዋ መንገድ የሚጋረጡ ሳንካዎችን ማስወገጃ ነው። ሶስተኛ: የእስልምናን እምነት ከሚፃረሩት ሁሉ ነገሮች መጠበቂያ ነው። አራተኛ: ከሙስሊሞች፣ ከሀገራቸው፣ ከክብራቸውና ከገንዘባቸው መከላከያ ነው።

1. ዋና ገፅ
2. ፊቅህና የፊቂህ መርሆዎች
3. የአምልኮ ፊቂህ
4. ጂሃድ
5. የጂሃድ ብይን
6. ሓዲሥ