တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) က ကာဖိရ်တို့အား ဂျိဟာဒ်ပြုရန်နှင့် အလ္လာဟ်အရှင်မြတ်၏ စကားတော် မြင့်မားစေရန် ဖြစ်နိုင်သမျှနည်းလမ်းများဖြင့် ရင်ဆိုင်တိုက်ခိုက်ရန် အမိန့်ပေးတော်မူခဲ့သည်။ ထိုနည်းလမ်းများအနက် အချို့မှာ - ၁။ ၎င်းတို့အား တိုက်ခိုက်ရာတွင် ဥစ္စာပစ္စည်း သုံးစွဲခြင်း၊ (ဥပမာ-) လက်နက်များဝယ်ယူခြင်းနှင့် မုဂျာဟိဒ်များအတွက် သုံးစွဲခြင်း စသည်တို့ဖြစ်သည်။ ၂။ မိမိ၏အသက်နှင့်ကိုယ်ခန္ဓာကို စွန့်၍ ၎င်းတို့နှင့် ရင်ဆိုင်တိုက်ခိုက်ရန်အတွက် ထွက်ခြင်း။ ၃။ နှုတ်လျှာဖြင့် ၎င်းတို့အား ဤအစ္စလာမ်သာသနာဘက်သို့ ဖိတ်ခေါ်ခြင်း၊ (၎င်းတို့မငြင်းနိုင်‌အောင်) ၎င်းတို့အပေါ် သက်သေအထောက်အထားများပြသခြင်း၊ ၎င်းတို့ကို ခြိမ်းခြောက်ခြင်းနှင့် ၎င်းတို့၏ (စောဓကများအား) ပြန်လည်ဖြေကြားခြင်း တို့ဖြစ်သည်။

• မုစ်လင်မ်တိုင်းသည် မိမိ၏ စွမ်းဆောင် နိုင်စွမ်းအားလျော် စွာ မုရှ်ရိက်တို့အား အသက်၊ ဥစ္စာပစ္စည်းနှင့် နှုတ်လျှာဖြင့် ဂျိဟာဒ်ပြုလုပ်ရန် တိုက်တွန်းနှိုးဆော်ထားသည်။ ထို့ပြင် ဂျိဟာဒ်သည် အသက်စွန့်၍ တိုက်ခိုက်ခြင်းတစ်ခုတည်းနှင့် ကန့်သတ်ထားခြင်း မဟုတ်ပါ။
• ဂျိဟာဒ်၏ အမိန့်တော်သည် ဖရဿွဟ် (တာဝန်ဝတ္တရား) အဖြစ် ညွှန်ပြသည်။ ယင်းသည် တစ်ခါတစ်ရံတွင် ဖရဿွ်အိုင်းန် (တစ်ဦးချင်းစီ၏ တာဝန်) ဖြစ်ပြီး တစ်ခါတစ်ရံတွင် ဖရဿ်ွကိဖာယဟ် (လူအချို့ပြုလုပ်ရုံဖြင့် ကျန်သူများထံမှ တာဝန်ကျသွားသည့် တာဝန်) ဖြစ်သည်။
• အလ္လာဟ်အရှင်မြတ်သည် ဂျိဟာဒ်ကို အောက်ပါ ရည်ရွယ်ချက်များအတွက် ပြဋ္ဌာန်းထားတော်မူသည်- ၁။ ရှိရ်က်တုဖက်ကိုးကွယ်ခြင်းနှင့် မုရှ်ရိက်တို့အား တွန်းလန်တိုက်ဖျက်ရန်။ အဘယ်ကြောင့်ဆိုသော် အလ္လာဟ်အရှင်မြတ်သည် ။ ရှိရ်က်တုဖက်ကိုးကွယ်ခြင်းကို လုံးဝလက်ခံတော်မမူသောကြောင့် ဖြစ်သည်။ ၂။ အလ္လာဟ်အရှင်မြတ်ဘက်သို့ ဒအ်ဝသ်ဖိတ်ခေါ်မှုလမ်းကြောင်းတွင် ပေါ်ပေါက်လာသော အဟန့်အတားများကို ဖယ်ရှားရန်။ ၃။ အကီဒဟ်ယုံကြည်ချက်အား ဆန့်ကျင်သော အရာတိုင်းမှ ကာကွယ်ရန်။ ၄။ မုစ်လင်မ်များ၊ ၎င်းတို့၏ နိုင်ငံများ၊ ၎င်းတို့၏ ဂုဏ်သိက္ခာနှင့် ၎င်းတို့၏ ဥစ္စာပစ္စည်းများအား ကာကွယ်ရန်အတွက် စသည်တို့ဖြစ်သည်။