ነቢዩ -የአላህ ሰላትና ሰላም በእርሳቸው ላይ ይስፈንና- ቁርአንን ሽምደዳውን አሳምሮ፤ አስተማማኝ በሆነ መልኩ፤ ውብና ቆንጆ አድርጎ የሚያነብ ሰው በመጪው ዓለም ያለው ምንዳ ደረጃው ታዛዥና የተከበሩ ከሆኑ መላእክቶች ጋር እንደሆነ፤ ቁርአንን የመሸምደድ አቅሙ ደካማ ስለሆነ ቁርአን ማንበብ በርሱ ላይ ከባድና አስቸጋሪ ሆኖበት እየተንተባተበና እየመላለሰ የሚያነብ ከመሆኑም ጋር ሳያቋርጥ ዘውትር የሚያነብ ሰው ደሞ ለርሱ ሁለት ምንዳ እንዳለው ተናገሩ። አንዱ ምንዳ የማንበቡ ምንዳ ሲሆን ሌላኛው ደግሞ የመላለሰበትና ተቸግሮ የማንበቡ ምንዳ ነው።

• ምንዳና አጅርን ለማግኘት ቁርአንን በመሸምደድ፤ አሳምሮ በመቅራትና አብዝቶ በማንበብ ላይ መነሳሳቱን፤ ይህንን የፈፀመ ሰውም ደረጃው ከፍ ያለ መሆኑን መገለፁን እንረዳለን።
• ቃዲ እንዲህ ብለዋል: "ትርጉሙ ቁርአንን እየመላለሰና እየተንተባተበ ያነበበው አሳምሮ ካነበበው የበዛ ምንዳ አለው ማለት አይደለም። ይልቁኑም አሳምሮ የሚያነበው የበዛና የበለጠ ምንዳ ነው የሚያገኘው። እርሱ ከመልአኮች ጋር ነዋ! ስለሆነም በርካታ ምንዳ ያገኛል። ይህ ደረጃ ደሞ ለማንም አልተወሳም። የአላህን መጽሐፍ ለማንበብ፣ ለመሸምደድ፣ ለማሳመር፣ አብዝቶ ለማንበብና ለማወቅ ትኩረት ያላደረገው አሳምሮ ለማንበብ እስኪበቃ ድረስ ትኩረት እንዳደረገው ሰው እንዴት ሊሆን ይችላል?!"
• ኢብኑ ባዝ እንዲህ ብለዋል: "ቁርአንን አሳምሮ በመቅራትና ጥሩ አድርጎ በመሸምደድ በቁርአን ላይ ጎበዝ የሆነ ሰው ታዛዥና የተከበሩ ከሆኑ መልአኮች ጋር ነው። ይህም ማለት በአቀራሩም በተግባሩም ቁርአንን የሚያንፅባርቅ ከሆነ ነው እንጂ በአፉ በማንበቡ ብቻ አይደለም። ይልቁንም አሳምሮ ያነበዋልም በርሱም ይተገብራል። በዚህም እርሱ በቃልም መልዕክቱንም የተገበረ ይሆናል ማለት ነው።"

1. ዋና ገፅ
2. የተከበረው ቁርአንና ከቁርአን ጋር የተያያዙ እውቀቶች
3. የቁርአን ትሩፋቶች
4. ለቁርአን ትኩረት የመስጠት ትሩፋት
5. ሓዲሥ

1. ዋና ገፅ
2. ትርፍ ተግባራትና ስነ-ስርዓት
3. ደረጃ ያላቸው ስራዎች
4. የተከበረው ቁርአን ትሩፋቶች
5. ሓዲሥ

• አንዳችሁ ወደ ቤተሰቡ የተመለሰ ጊዜ ሶስት ትላልቅ የሰቡ እርጉዝ ግመሎችን ቢያገኝ ያስደስተዋልን?
• አላህ የቀጥተኛውን መንገድ ምሳሌ አደረገ
• ቁርኣንን ድምፁን ከፍ አድርጎ የሚያነብ ምፅዋትን በይፋ እንደሚመፀውት አምሳያ ነው፤ ቁርኣንን በዝግታ የሚያነብ ምፅዋትን በድብቅ እንደሚመፀውት አምሳያ ነው።...
• ለቁርኣን ባለቤት "አንብብ! (ደረጃን) ውጣ! በዱንያ ውስጥ አሳምረህ ታነብ እንደነበርከው አሳምረህ አንብብ! (ጀነት ውስጥ) ያንተ ስፍራ የምታነበው የመጨረሻው አንቀፅ ዘንድ ነው።" ይባላል።...