တမန်တော်မြတ် (ဆွလ္လလ္လာအလိုင်ဟိဝစလ္လမ်) မိန့်ကြားတော်မူသည်− ကျမ်းမြတ်ကုရ်အာန်ကို ရွတ်ဖတ်သူ၊ ယင်းအား ကောင်းစွာကျက်မှတ်ထားသူ၊ခိုင်ခိုင်မာမာ အလွတ်ရထားသူ၊ ကျွမ်းကျင်စွာ ရွတ်ဖတ်တတ်သူသည် အာခိရသ်နောင်မလွန်တွင် ၎င်း၏အဆင့်အတန်းမှာ ဂုဏ်ရှိ‌ပြီးမြင့်မြတ်‌သော ၊ မှတ်တမ်းတင်ရေးမှတ်သော ကောင်းကင်တမန်တော်များနှင့်အတူရှိမည့် အကျိုးကို ရရှိမည်။ ကုရ်အာန်ကျမ်းမြတ်ကို ဖတ်ရွတ်သူဖြစ်သော်လည်း ကျက်မှတ်နိုင်မှု အားနည်း၍ ထစ်ထစ်ငေါ့ငေါ့၊ တုံ့တုံ့ဆိုင်းဆိုင်းခက်ခဲစွာ ရွတ်ဖတ်ရသော်လည်း၊ ယင်းကို အမြဲရွတ်ဖတ်လေ့ရှိပြီး၊ မိမိအပေါ် ဒုက္ခအခက်ခဲရှိသော်လည်း စိတ်ရှည်သည်းခံကာ ဖတ်ရွတ်သူအတွက်မူ အကျိုးဆုလဒ်နှစ်ဆ ရှိမည်။ (ပထမအကျိုးဆုလဒ်မှာ) ကုရ်အာန်ဖတ်ရွတ်ခြင်း၏အကျိုးဖြစ်ပြီး (ဒုတိယအကျိုးဆုလဒ်မှာ) ခက်ခဲပင်ပန်းမှုနှင့် တုံ့ဆိုင်းစွာ ဖတ်ရွတ်ခြင်း၏အကျိုးဖြစ်သည်။

• အကျိုးကုသိုလ်နှင့် ဆုလဒ်များရရှိရန်အတွက် ကျမ်းတော်မြတ်ကုရ်အာန်ကို အာဂုံဆောင်ခြင်း၊ ယင်းအား တိတိကျကျခိုင်ခိုင်မာမာ အလွတ်ရရှိအောင်ကျက်မှတ်ခြင်းနှင့် များမြောင်စွာရွတ်ဆိုရန် တိုက်တွန်းထားခြင်းနှင့် ယင်းသို့ပြုလုပ်သူ၏ အဆင့် အတန်းမြင့်မားပုံကို ရှင်းလင်းတင်ပြထားခြင်း။
• ကာဿွီအေယာဿ်ွက မိန့်ဆိုသည်မှာ “ဤဟဒီးစ်တော်၏ အလိုသဘောမှာ ကုရ်အာန်ကို ထစ်ထစ်ငေါ့ငေါ့ရွတ်ဖတ်သူသည် ကျွမ်းကျင်စွာရွတ်ဖတ်သူထက် အကျိုးကုသိုလ် ပို၍များပြားလှသည်ဟု ဆိုလိုခြင်းမဟုတ်ပေ။ စင်စစ် ကျွမ်းကျင်စွာရွတ်ဖတ်သူသည် အကျိုးကုသိုလ် ပို၍များပြားလှသည်။ အကြောင်းမှာ ထိုသူသည် ရေးမှတ်သောကောင်းကင်တမန်များနှင့်အတူရှိပြီး အလွန်များပြားသောအကျိုး ကျေးဇူးများကို ရရှိသောကြောင့်ဖြစ်သည်။ ဤကဲ့သို့ မြင့်မား‌သောအဆင့်အတန်းကို ၎င်းမှအပ အခြားသူအတွက် ဖော်ပြထားခြင်းမရှိပါ။ အလ္လာဟ်အရှင်မြတ်၏ ကျမ်းတော်ကို ဂရုမစိုက်ခြင်း၊ ကျက်မှတ်ခြင်း၊ ကျွမ်း ကျင်အောင်လုပ်ခြင်း၊ များစွာရွတ်ဖတ်ခြင်းနှင့် နက်နက်နဲနဲ သိရှိနားလည်ခြင်းတို့ကို အလေးမထားသူသည်၊ ထိုအရာများကို အလေးထားသူအား မည်သို့မျှလိုက်မှီနိုင်မည် မဟုတ်ချေ။
• အိဗ်နုဘာဇ်က မိန့်ဆိုသည်မှာ - အကြင်သူသည် ကုရ်အာန်ကျမ်းတော်မြတ်ကို ဖတ်ရွတ်ပြီး ၎င်းတွင် ကျွမ်းကျင်သူဖြစ်ကာ၊ ၎င်းကို ကောင်းမွန်စွာ ဖတ်တတ်ပြီး၊ ကောင်းမွန်စွာ ကျက်မှတ်ထားသူဖြစ်လျင် ထိုသူသည် ဂုဏ်ရှိ‌ပြီးမြင့်မြတ်‌သော ၊ မှတ်တမ်းတင်ရေးမှတ်သော ကောင်းကင်တမန်တော်များနှင့် အတူရှိမည်။ ဆိုလိုသည်မှာ သူသည် ကုရ်အာန်ကို အသံထွက်ဖတ်ခြင်းနှင့် လက်တွေ့ကျင့်သုံးခြင်း နှစ်မျိုးစလုံးဖြင့် ဆောင်ရွက်မည်ဆိုလျှင် ဖြစ်သည်။ ရွတ်ဖတ်ရုံမျှသာ မဟုတ်ဘဲ ဖတ်ရွတ်ရာတွင် ကျွမ်းကျင်ပြီး ယင်းအတိုင်း လိုက်နာကျင့်သုံးမည်ဆိုပါက ထိုသူသည် စကားလုံးအရရော အနက်အဓိပ္ပာယ်အရပါ ကုရ်အာန်ကို စွဲမြဲစွာကျင့်သုံးသူ ဖြစ်သည်။

1. ပင်မစာမျက်နှာ
2. ကျမ်းတော်မြတ်ကုရ်အာန်နှင့် ၎င်း၏ ပညာရပ်များ။
3. ကျမ်းမြတ် ကုရ်အာန်၏ ထွတ်မြတ်မှုများ။
4. ကျမ်းမြတ်ကုရ်အာန်ကို အလေးအမြတ်ထားခြင်း၏ ထွတ်မြတ်မှု။
5. ဟဒီးဆ်

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. ထွတ်မြတ်မှုများ။
4. ကုရ်အာန်ကျမ်းမြတ်၏ ထွတ်မြတ်မှုများ။
5. ဟဒီးဆ်

• မည်သူမဆို အလ္လာဟ်အရှင်မြတ်၏ကျမ်းတော်မှ အက္ခရာတစ်လုံးကို ရွတ်ဖတ်ခဲ့လျှင် ထိုသူသည် ကောင်းမှုတစ်ခု ရရှိမည်ဖြစ်သည်။ ကောင်းမှုတစ်ခုသည် ကောင်းမှုဆယ်ခုနှင့်ညီမျှသည်။...
• သင်တို့အနက် ကုရ်အာန်ကျမ်းမြတ်အား သင်ယူပြီးနောက် သင်ကြားပေးသူသည် အမွန်မြတ်ဆုံးဖြစ်သည်။...
• ကုရ်အာန်ကျမ်းမြတ်ကို အသံကျယ်စွာ ဖတ်ရွတ်သူသည် လူသိရှင်ကြား ဆွဒ်ကဟ်အလှူဒါနပြုသူကဲ့သို့ဖြစ်သည်။ ကုရ်အာန်ကျမ်းမြတ်ကို တီးတိုးစွာ ဖတ်ရွတ်သူသည် တိတ်တဆိတ် ဆွဒ်ကဟ်အလှူဒါနပြုသူကဲ့သို့ဖြစ်သည်။...
• အသင်တို့သည် ကုရ်အာန်ကျမ်းမြတ်ကို စွဲမြဲစွာ ရွတ်ဖတ်ကြပါ။ အကြင်အရှင်၏ လက်တော်တွင် မုဟမ္မဒ်၏ အသက်ဝိညာဉ်ရှိပြီး ထိုအရှင်မြတ်အား တိုင်တည်၍ပြောမည် ကြိုးပြေ၍ ထွက်ပြေးသွားသည့် ကုလားအုတ်ထက် ကုရ်အာန်ကျမ်းမြတ်သည် ပိုမိုလျင်မြန်စွာ မေ့လျော့သွားတတ်သည်။...