Ang talbiyah ng Propeta (basbasan siya ni Allāh at pangalagaan), kapag nagnais siya ng pagpasok sa gawain ng ḥajj o `umrah, ay ang magsabi ng: "Labbayka -llāhumma labbayka; (Bilang pagtugon sa Iyo, O Allāh, bilang pagtugon sa Iyo;)" Bilang pagsagot sa Iyo matapos ng pagsagot sa ipinaanyaya Mo sa amin na pagpapakawagas, Tawḥīd, pagsasagawa ng ḥajj, at iba pa sa mga ito. "labbayka lā sharīka laka labbayk. (bilang pagtugon sa Iyo, walang katambal sa Iyo, bilang pagtugon sa Iyo.)" sapagkat Ikaw, tanging Ikaw, ang karapat-dapat sa pagsamba: walang katambal sa Iyo sa pagkapanginoon Mo, pagkadiyos Mo, at mga pangalan Mo at mga katangian Mo. "Inna -lḥamda (Tunay na ang papuri)" at ang pasasalamat at ang pagbubunyi. "wa-nni`mata (at ang pagbibiyaya)" ay mula sa Iyo at Ikaw ay tagapagbigay nito. "laka. (ukol sa Iyo.)" Ibinabaling ito sa bawat kalagayan. "wa-lmulka, (at ang paghahari;)" Gayon din ukol sa Iyo. "la sharīka lak. (walang katambal sa Iyo.)" sapagkat ang lahat ng mga ito ay ukol sa Iyo – tanging sa Iyo. Si `Abdullāh bin `Umar noon (malugod si Allāh sa kanilang dalawa) ay nagdaragdag dito ng: "Labbayka labbayka wa-sa`dayka, (Bilang pagtugon sa Iyo, bilang pagtugon sa Iyo, at bilang pagpapaligaya Mo,) Magpaligaya Ka sa akin ng isang pagpapaligaya matapos ng isang pagpapaligaya. "wa-lkhayru bi-yadayk. ([at] ang kabutihan ay nasa mga kamay Mo.)" Ang kabuuan nito at mula sa kabutihang-loob Mo. "Labbayka wa-rragbā'u ilayka (Bilang pagtugon sa Iyo, at ang pagkaibig ay sa Iyo)" Ang paghiling at ang paghingi ay sa Kanya na nasa kamay Niya ang kabutihan. "wa-l`amal. (at ang paggawa.)" Sapagkat Ikaw ang Karapat-dapat sa pagsamba.

• Ang pagkaisinasabatas ng pagsambit ng talbiyah sa ḥajj at `umrah at ang pagkatiyak nito doon dahil ito ay ang natatanging sagisag niyon kung paanong ang takbīr ay sagisag ng ṣalāh.
• Nagsabi si Ibnu Al-Munīr: Sa pagkaisinasabatas ng pagsambit ng talbiyah ay may pagtawag-pansin sa pagpaparangal ni Allāh (napakataas Siya) sa mga lingkod Niya dahil ang pagdating nila sa Bahay Niya ay dahil sa isang pagpapatawag lamang mula sa Kanya (kaluwalhatian sa Kanya at napakataas Siya).
• Ang pinakamainam ay ang pananatili sa pagsambit ng talbiyah ng Propeta (basbasan siya ni Allāh at pangalagaan). Walang masama sa pagdagdag dahil sa pagkilala ng Propeta (sumakanya ang basbas at ang pangangalaga) dito. Nagsabi si Ibnu Ḥajar: Ito ang pinakamakatarungan sa mga pamamaraan. Kaya magbubukod-tangi siya sa pagbigkas ng anumang nasaad na nakaugnay sa Propeta. Kapag pumili siya ng sabi ng nasaad na nakaugnay sa Kasamahan o bumuo siya mismo mula sa ganang sarili niya, na naaangkop, magsasabi siya nito ayon sa pagkabukod-tangi nito nang sa gayon hindi mahalo ito sa nakaugnay sa Propeta. Ito ay kawangis sa kalagayan ng panalangin sa tashahhud sapagkat tunay na nagsabi rito: "Pagkatapos mamili siya mula sa paghingi at pagbubunyi ng anumang niloob niya." Ibig sabihin: Matapos na nakatapos siya sa pagsambit ng nakaugnay sa Kasamahan.
• Ang pagsasakaibig-ibig ng pagtaas ng tinig sa pagsambit ng talbiyah. Ito ay sa panig ng lalaki. Hinggil naman sa babae, magbababa siiya ng tinig niya bilang pagkatakot sa tukso.

1. Ang Pangunahin
2. Ang Fiqh at ang mga Batayan Nito
3. Ang Fiqh ng mga Pagsamba
4. Ang Ḥajj at ang `Umrah
5. Ang mga Patakaran ng Iḥrām
6. Ang ḥadīth

• Dumating kami kasama ang Propeta -Pagpalain siya ni Allah at pangalagaan- nang kami ay nagsabi: Nandito na kami upang sadyain at isagawa ang hajj. At inutusan kami ng Propeta -Pagpalain siya ni Allah at pangalagaan- at ginawa namin siyang u...