Talbiyyar Annabi - tsira da amincin Allah su tabbata agare shi - ta kasance idan ya yi nufin shiga aikin Hajji ko Umarah ita ce ya ce: (AmsawarKa ya Allah amsawarKa) amsawa ta lazimi gareKa bayan amsawa a cikin abinda Ka kiramu na ikhlasi da tauhidi da hajji da wasunsu, (AmsawarKa baKa da abokin tarayya amsawarKa) Kaine Kai kaɗai wanda ka cancanci a bauta maka, baKa da abokin tarayya a rububiyyarKa da UluhiyyarKa da sunayenKa da siffofinKa, (lallai cewa godiya) da godiya da yabo (da ni'ima) daga gareKa Kaine Mai bada su (gareKa ne) ana juya su a kowane hali, (mulki ma) kamar haka naKa ne, (baKa da abokin tarayya) dukkansu naKa ne Kai kaɗai. Ibnu Umar - Allah Ya yarda da su - ya kasance yana ƙarawa a cikinta: (AmsawarKa amsawarKa da taimakonKa) Ka taimakeni taimako bayan taimako, (alheri yana hannayenKa) dukkansa kuma daga falalarKa ne, (amsawarKa fata gareKa ne) da nema da tambaya zuwa wanda alheri yake a hannunSa, (aiki ma) gareKa ne Kaine wanda ya cancanci a bauta masa.

• Shar’antuwar Talbiyyah a Hajji da Umarah, da ƙarfafuwarta a cikinsa; domin ita Talbiya alamarsa ce keɓantacciya, kamar kabbara alama ce ta sallah.
• Ibnul Munir ya ce: A cikin Shar’antuwar Talbiyyah akwai faɗakarwa akan girmamawa ga Allah - Maɗaukakin sarki - ga bayinSa cewa taruwarsu a ɗakinSa kaɗai ya kasance ne da kira daga gareShi - tsarki ya tabbatar maSa Ya ɗaukaka -.
• Abinda ya fi shi ne lazimtar Talbiyyar Annabi - tsira da amincin Allah su tabbata agare shi -, kuma babu laifi da ƙari dan tabbatarwar Annabi - tsira da aminci su tabbata gare shi - ga karin. Ibnu Hajar ya ce: Wannan shi ne mafi daidaituwar fuskoki, sai a ware abinda ya zo Marfu'i, idan ya zaɓi faɗar abinda ya zo Mauƙufi ko shi ya farar da shi da kansa daga abinda ya dace to ya faɗe shi a ware dan kada ya cakuɗa da Marfu'i, sai ya yi kama da halin addu'a a tahiya, cewa shi ya ce a cikinsa; Sannan ya zaɓi abinda ya so na roƙo da yabo: wato bayan ya gama da Marfu'in.
• An so ɗaga murya a Talbiyya, wannan a haƙƙin namiji ne kadai, amma mace sai ta ƙanƙar da muryarta dan tsoron fitina.

1. Gida
2. Fiqihu da Usulunsa
3. Fiqhun Ibada
4. Hajji da Umra
5. Hukunce Hukuncen Ihrami
6. Hadith

• Mun iso tare da -Manzon Allah tsira da Amincin Allah su tabbata a gare shi- kuma mu cewa: Amsawarka da Hajji to sai Annabi- Manzon Allah tsira da Amincin Allah su tabbata a gare shi- ya Umarce mu sai Muka Maida ita.