දුර්වලකම නිසා ඉටු කිරීමට නොහැකි වන තරමට අතිරේක පිළිවෙත් වැඩි වී ඇති බව පවසමින් මිනිසෙකු නබි (සල්ලල්ලාහු අලයිහි වසල්ලම්) තුමාණන් වෙත පැමිණිලි කළේය. පසුව හෙතෙම තමන්ට බැඳී සිටිය හැකි, පිළිපැදිය හැකි, එමගින් අධික ලෙස කුසල් හිමිකර ගත හැකි පහසු ක්‍රියාවක් තමන්ට පෙන්වා දෙන මෙන් එතුමාණන්ගෙන් ඉල්ලා සිටියේය. එවිට එතුමාණෝ ඔහුට පෙන්වා දුන්නේ, අල්ලාහ්ව සුවිශුද්ධ කිරීම, ඔහු ගැන ගුණ ගායනා කිරීම, ඔහුගෙන් පාපක්ෂමාව අයදීම, ප්‍රාර්ථනා කිරීම යනාදියෙන් සෑම වේලාවකම හා සෑම අවස්ථාවකම සර්වබලධාරී අල්ලාහ්ව මෙනෙහි කරමින් ඔහුගේ දිව නිරන්තරයෙන් සක්‍රීයව තබා ගන්නා මෙනි.

• සර්වබලධාරී අල්ලාහ්ව නිරතුරුවම මෙනෙහි කිරීමේ මහිමය.
• අල්ලාහ්ගේ අතිමහත් භාග්‍යය වනුයේ කුසල් සඳහා වන හේතු සාධක පහසු කර දීමය.
• ධර්මිෂ්ඨකමේ සහ යහපත්කමේ දොරටු, මිනිසුන් ඒවා ලැබීමේ දී එකිනෙකට වෙනස් වේ.
• අල්ලාහ්ව සුවිශුද්ධ කොට තස්බීහ් පවසමින් ද ඔහුව ප්‍රශංසා කොට තහ්මීද් පවසමින් ද, ඔහුගේ ඒකීයත්වය පිළිගෙන තහ්ලීල් පවසමින් ද, ඒ හැර වෙනත් ගුණ ගායනාවන්හි නිරත වෙමින් ද, නිහතමානී සිතකින් යුතුව නිතර අල්ලාහ්ව අධිකව සිහිපත් කිරීම අධික ලෙස අමතර පිළිවෙත් කිරීමේ ස්ථානයේ පවතී.
• ප්‍රශ්න කරන්නන් ගැන නබි (සල්ලල්ලාහු අලයිහි වසල්ලම්) තුමාණන් සැළකිලිමත් වෙමින් ඔවුනොවුනට ගැලපෙන ආකාරයෙන් පිළිතුරු දීම.

1. මුල් පිටුව
2. මහිමයන් සහ ආචාරධර්ම
3. මහිමයන්
4. (දික්ර්) තෙපලීම් හා බැඳුණු මහිමයන්
5. නබි වදන

• කවරෙකු දිනකට සිය වාරයක්, لاَ إِلَهَ إِلَّا اللَّهُ، وَحْدَهُ لاَ شَرِيكَ لَهُ، لَهُ المُلْكُ وَلَهُ الحَمْدُ، وَهُوَ عَلَى كُلِّ شَيْءٍ قَدِيرٌ "ලා ඉලාහ ඉල්ලල්ලාහු, වහ්දහූ ලා ෂරීක ලහූ, ලහුල් මුල්කු වලහුල් හම්දු, වහුව අලා කුල්ලි ෂෙයිඉන් කදීර...
• අල්ලාහ්ව මෙනෙහි කිරීමට වඩා අල්ලාහ්ගේ දඬුවමින් ආරක්ෂා කරන වෙනත් කිසිදු ක්රියාවක් ආදම්ගේ පුතණුවන් සිදු නොකරයි....
• එවිට එතුමාණන් (සල්ලල්ලාහු අලයිහි වසල්ලම්): “නුඹලා පුණ්‍ය කටයුතුවල නිරතවන දෑ අල්ලාහ් නුඹලාට ඇති නොකළේ ද? (සුබ්හානල්ලාහ් - -අල්ලාහ් සුවිශුද්ධය- යැයි පවසන) සෑම තස්බීහයක්ම දානයකි. (අල්ලාහු අක්බර් - අල්ලාහ් අතිශ්රේෂ්ඨය- යැයි පවසන) සෑම තක්බීරයක්ම...
• මුඅද්දින් (සලාතය සඳහා ඇරයුම් කරන්නා) 'අල්ලාහු අක්බර්, අල්ලාහු අක්බර්' යැයි පැවසූ විට ඔබ අතරින් කවරෙකු 'අල්ලාහු අක්බර්, අල්ලාහු අක්බර්' යැයි පවසන්නේ ද...