نبي ﷺ هغو کسانو ته خبرداری ورکړی چې په لمانځه کې د دعا او یا بل څه پر مهال سترګې اسمان ته پورته کوي (پورته ګوري)، بیا یې په دې اړه سخت ممانعت وکړ او ګواښ یې وکړ، چې څوک دا کار کوي، د هغوی د سترګو په اړه وېره شته چې ناڅاپه ترې واخیستل شي، په داسې چټکۍ سره چې هغوی به خبر هم نه شي مګر دا چې د بینایۍ نعمت به یې له لاسه ورکړی وي.

• د نبي ﷺ د بلنې او د حق د بیانولو ښکلا، چې هغه ﷺ له مخالفت کوونکي کس څخه پرده نه ده پورته کړې؛ ځکه موخه د حق څرګندول و او هغه تر لاسه شول، بل دا چې پدې کې د مقصر انسان د پټ ساتلو مصلحت دی چې دا کار د وعظ د منلو لپاره ډېر اغېزمن دی.
• د هر هغه چا قطعي ممانعت او ورته سخت اخطار چې د لمانځه پرمهال سترګې اسمان ته پورته کوي.
• په (عون المعبود) کې يې ویلي: د دې علت دا دی چې کله لمونځ کوونکی سترګې اسمان ته پورته کړي، نو د قبلې له سمت څخه وځي او ترې مخ اړوي، او د لمانځه له حالت او طریقې څخه هم اوړي.
• په لمانځه کې د سترګو پورته کول له خشوع سره په ټکر کې عمل دی.
• د لمانځه لوی مقام، او دا چې لمونځ کوونکی پکې باید د الله جل جلاله سره د بشپړ ادب پابند وي.

1. کور‌پاڼه
2. فقه او اصول یې
3. د عبادتونو فقه
4. لمونځ
5. د لمونځ کوونکو تېروتنې
6. حدیث

• په خلکو کې تر ټولو بد غل هغه دی چې هغه خپل لمونځ غلا کوي» هغه وفرمایل: څنګه خپل لمونځ غلا کوي؟ ویې فرمايل چې: «نه یې رکوع بشپړوي، او نه یې سجده...
• له چا څخه چې لمونځ هېر شو، نو هغه مهال دې وکړي کله چې وریاد شو، لدې پرته یې بله کفاره نشته
• هغه مهال لمونځ کول نه صحیح کېږي چې خواړه د خوراک لپاره چمتو وي او نه هغه مهال چې د وړوکي او یا لوی اودس ماتي له امله یې اودس تنګ وي