رسول الله صلی الله علیه وسلم هغه څوک لدې کار څخه منع کړی چې په یوه جامه کې لمونځ کوي او د اوږو او غاړې تر منځ ځای یې لوڅ وي او هېڅ شی یې پرې نه وي اچولی چې اوږې یې پټې کړي؛ که څه هم اوږې عورت نه دی، خو پټول یې د عورت د پټولو لپاره اړین دي او پدې سره الله تعالی ته په ښه توګه درناوی او تعظیم کېږي؛ کله چې بنده د هغه پر وړاندې ودرېږي.

• په یوه جامه کې لمونځ کول هغه وخت روا دي چې هغه ځایونه یې پټ کړي وي چې پټول یې اړین دي.
• په دوو جامو کې د لمانځه جواز، چې یوه یې پورته بدن پټ کړي او بله یې لاندې.
• لمونځ کوونکي ته مستحب دي چې ښایسته مظهر ولري.
• په لمانځه کې د یوې یا دواړو اوږو پټول واجب دي، که چېرته دا کار ممکن و، او داسې هم ویل شوي چې دا نهي د تنزیه لپاره ده (یعنې ښه کار ندی چې لوڅې اوږې لمونځ وشي)
• حدیث پدې دلیل دی چې صحابه وو په لاس کې لږ څه درلودل، تر دې چې ځینو یې دوه جامې هم نه درلودې.
• نووي د دې حدیث په معنا کې ویلي: پدې کې حکمت دا دی چې کله یې ترې ازار وتاړه او په اوږو یې څه شی نه و نو لرې نه ده چې عورت یې لوڅ شي، خو که داسې وکړي چې یوه برخه یې ازار او پر بله یې اوږې پټې کړي ښه ده، بله دا چې کېدی شي اړتیا پيدا کړي چې په یو یا دواړو لاسونو یې ټینګ ونیسي نو په دې سره به په لمانځه کې مشغول شي، او د سینې لاندې ښی لاس پر چپ لاس د اېښودلو سنت به ترې پاتې شي او په هغو ځایونو کې د لاسونو پورته کول به ترې هم پاتې شي چې پورته کول یې روا دي او داسې نور، ځکه پدې کار سره د بدن پورته برخه او د زینت ځای لوڅ پاتې کېږي، حال دا چې الله تعالی فرمایلي: { خُذُوا ‌زِينَتَكُمْ عِنْدَ كُلِّ مَسْجِدٍ } [الأعراف: 31] یعنې: «د هر عبادت په وخت كښې په خپله ښكلا سينګار اوسئ».

1. کور‌پاڼه
2. فقه او اصول یې
3. د عبادتونو فقه
4. لمونځ
5. د لمانځه شرطونه
6. حدیث

• رُفِعَ الْقَلَمُ عن ثلاثة: عن النائم حتى يَسْتَيْقِظَ، وعن الصبي حتى يَحْتَلِمَ، وعن المجنون حتى يَعْقِلَ». "له درې ډوله خلکو څخه قلم پورته شوی دی: له ویده څخه تر هغه پورې چې راویښ شي، له کوچني څخه تر هغه پورې چې زلمی (بالغ) شي او له لیوني...
• په قبرونو د پاسه مه کېنئ او لمونځ ورته مه کوئ