အာအိရှဟ် (ရဿွိယလ္လာဟုအန်ဟာ) က ပြောပြခဲ့သည်မှာ အလ္လာဟ်အရှင်မြတ်၏ ရစူလ်တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် အာသီး (အာခေါင်နှင့် ကပ်‌နေသောအသားတစ်ခု) ပေါ်လာအောင် အလွန်အမင်း ရယ်မောခြင်းမျိုး မပြုခဲ့ပါ။ ကိုယ်တော်သည် ပြုံးရုံသာ ပြုံးတတ်ပါသည်။

• အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်) သည် တစ်စုံတစ်ရာကို နှစ်သက်မိသောအခါ သို့မဟုတ် ကြိုက်နှစ်သက်သောအခါ၊ ပြုံးရုံသာ ပြုံးတတ်ပါသည်။ ကိုယ်‌တော်၏ ရယ်မောမှုပုံစံသည် ပြုံးရုံသာဖြစ် သည်။
• အိဗ်နု ဟဂျရ် (ဤဟဒီးစ်၏ အဓိပ္ပာယ်ကို ရှင်းလင်းရာတွင်) ဆိုသည်မှာ - ကျွန်ုပ်သည် အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်) အား ထိုသို့ အကျယ်ကြီး ရယ်မောနေသည်ကို မတွေ့ဖူးပါ။ ကိုယ်‌တော်၏ ခန္ဓာကိုယ်တစ်ခုလုံးသည် ရယ်မောခြင်းတွင် လုံးဝနှစ်မြုပ်သွားလောက်အောင် ရယ်မောနေခြင်းမျိုးကို မမြင်ဖူးပါဟု ဆိုလိုခြင်းဖြစ်သည်။
• အလွန်အကျူး ရယ်မောခြင်းနှင့် ကျယ်လောင်စွာ ဟားတိုက်ရယ်မောခြင်းသည် သူတော်စင်များ၏ စရိုက်လက္ခဏာများထဲမှ မဟုတ်ပါ။
• အလွန်အကျူး ရယ်မောခြင်းသည် လူအများအကြားတွင် လူတစ်ဦး၏ ဂုဏ်သိက္ခာနှင့် ရိုကျိုးပြီး ကြောက်ရွံ့ထိုက်သော စရိုက်ကို ပျောက်ဆုံးစေပါသည်။