တမန်တော်မြတ် ( ဆွလ္လလ္လာဟုအလိုင်ဟိဝစလ္လမ်) တောင်းဆိုခဲ့သည့် ဒုအာများထဲမှ တစ်ခုမှာ- (အိုအလ္လာဟ်အရှင်မြတ်၊ ကျွန်တော်မျိုး ခိုလှုံပါ၏) တစ်နည်း ကာကွယ်စောင့်ရှောက်ခြင်းကို တောင်းခံပါ၏၊ (အသင့်ထံတော်၌) အသင့်အပြင် အခြားတစ်စုံတစ်ဦးထံမဟုတ်၊ (မကောင်းသော) တစ်နည်း အလ္လာဟ်အရှင်မြတ်နှင့် ထိုအရှင်၏ရစူလ်တမန်တော်က တားမြစ်ထားသော၊ (အကျင့်စာရိတ္တများမှ) ဥပမာ - မုန်းတီးခြင်း၊ မနာလိုဝန်တိုခြင်း၊ မောက်မာခြင်း စသည့်အရာများမှ၊ (ထို့ပြင်) မကောင်းသော (လုပ်ရပ်များ) ဥပမာ - ဆဲရေးတိုင်းထွာခြင်း၊ ကဲ့ရဲ့ ရှုံချခြင်း စသည်မှ၊ (ထို့ပြင်) မကောင်းသော (အလိုဆန္ဒအားလုံမှ) ယင်းအား စိတ်မှလိုလားတောင့်တသော်လည်း ရှရီအသ်တရားတော်နှင့် ဆန့်ကျင်သောအရာများမှ။ (အရှင်မြတ်ထံ ခိုလှုံပါ၏)

• ဤဒုအာ၏ အကျိုးကျေးဇူးတော်နှင့် ၎င်းအား ရွတ်ဖတ်ခြင်းသည် မွတ်စ်သဟဗ် ဖြစ်ခြင်း။
• မုအ်မင်န်ယုံကြည်သူသည် ယုတ်ညံ့သော အကျင့်စာရိတ္တများနှင့် မကောင်းသော လုပ်ရပ်များမှ ရှောင်ကြဉ်ရန် ကြိုးပမ်းအားထုတ်၏၊ ထို့ပြင် အလိုဆန္ဒများ၏ နောက်ကိုလိုက်ခြင်းနှင့် ရမ္မက်ဆန္ဒများအတွင်း ကျရောက်ခြင်းမှ သတိထားရှောင်ကြဉ်၏။
• အကျင့်စာရိတ္တ၊ လုပ်ရပ်နှင့် အလိုဆန္ဒများအား မအ်ရူးဖ် (ကောင်းသောအရာ)နှင့် မွန်ကရ် (မကောင်း သောအရာ) ဟူ၍ ခွဲခြားသတ်မှတ်ထားခြင်း။