ഭക്ഷണം കഴിച്ചു തുടങ്ങിയിട്ടില്ലാത്ത തൻ്റെ ചെറിയ കുഞ്ഞിനെയും കൊണ്ട് ഉമ്മു ഖൈസ് ബിൻത് മിഹ്സൻ (رضي الله عنها) നബി (ﷺ) യുടെ അടുത്ത് വന്നു. നബി (ﷺ) ആ കുട്ടിയെ തന്റെ മടിയിലിരുത്തി. ആ കുട്ടി നബി (ﷺ) യുടെ വസ്ത്രത്തിൽ മൂത്രമൊഴിച്ചു. അപ്പോൾ അവിടുന്ന് വെള്ളം കൊണ്ടു വരാൻ ആവശ്യപ്പെടുകയും, ആ വെള്ളം തൻ്റെ വസ്ത്രത്തിൽ കുടയുകയും ചെയ്തു; അവിടുന്ന് തൻ്റെ വസ്ത്രം കഴുകിയില്ല.

• നബി (ﷺ) യുടെ ഉന്നതമായ സ്വഭാവവും അവിടുത്തെ വിനയവും.
• നല്ല പെരുമാറ്റവും, വിനയവും, കുട്ടികളോടുള്ള ദയയുമെല്ലാം പ്രോത്സാഹിക്കപ്പെട്ട സ്വഭാവഗുണങ്ങളാണ്. അതുപോലെ, കുട്ടികളെ ആദരിക്കുന്നതിലൂടെയും അവരെ മടിയിലിരുത്തുന്നതിലൂടെയും അവരുടെ മാതാപിതാക്കളുടെ മനസ്സിന് സന്തോഷം പകരുക എന്നതും നല്ല സ്വഭാവമാണ്.
• ഭക്ഷണം ആഗ്രഹത്തോടെ കഴിച്ചു തുടങ്ങിയിട്ടില്ലാത്ത ആൺകുട്ടിയുടെ മൂത്രം നജസ് (അശുദ്ധി) ആണ്.
• നബി (ﷺ) മൂത്രം വൃത്തിയാക്കിയ രൂപത്തിന് 'നദ്ഹ്' എന്നാണ് പറയുക. ഭക്ഷണം കഴിച്ചു തുടങ്ങിയിട്ടില്ലാത്ത ചെറിയ ആൺകുട്ടിയുടെ മൂത്രം കഴുകുന്ന കാര്യത്തിൽ മാത്രമുള്ള പ്രത്യേക ഇളവാണ് ഈ ഹദീഥിലുള്ളത്. എന്നാൽ, പെൺകുട്ടിയുടെ മൂത്രമാണെങ്കിൽ -തീരെ ചെറിയ കുട്ടിയാണെങ്കിൽ പോലും- അവളുടെ മൂത്രം കഴുകിത്തന്നെ വൃത്തിയാക്കുക എന്നത് നിർബന്ധമാണ്.
• ഉമ്മയുടെ പാൽ മാത്രം ആഹാരമാക്കുന്ന ആൺകുട്ടിയുടെ മലവും മറ്റു നജസുകളെ പോലെ കഴുകി വൃത്തിയാക്കുക തന്നെ വേണം.
• നദ്ഹ് എന്നാൽ കേവലം വെള്ളം എത്തിക്കൽ മാത്രമാണ്; കഴുകുക (ഗുസ്ൽ) എന്നാൽ അതിന് മേൽ അധികമായി ചെയ്യേണ്ട പ്രവർത്തിയാണ്.
• നജസായ സ്ഥലം പെട്ടെന്ന് ശുദ്ധീകരിക്കുന്നതിന് മുൻഗണന നൽകണം; അശുദ്ധിയിൽ നിന്ന് വേഗത്തിൽ മുക്തനാവാനും പിന്നീട് അത് വൃത്തിയാക്കുന്ന കാര്യം മറന്നുപോകാതിരിക്കാനും വേണ്ടിയാണിത്.

1. മെയിൻ പേജ്
2. കർമ്മശാസ്ത്രവും, കർമ്മശാസ്ത്ര അടിസ്ഥാനങ്ങളും
3. ആരാധനയുടെ കർമ്മശാസ്ത്രം
4. ശുദ്ധീകരണം
5. നജസുകൾ നീക്കം ചെയ്യൽ
6. ഹദീസ്

• സുബ്ഹാനല്ലാഹ്! തീർച്ചയായും ഒരു മുഅ്മിൻ അശുദ്ധിയാവുകയില്ല
• നബി -ﷺ- വിസർജ്ജന സ്ഥലത്തേക്ക് പ്രവേശിക്കുമ്പോൾ ഞാനും എന്നെ പോലുള്ള മറ്റൊരു കുട്ടിയും ഒരു പാത്രത്തിൽ വെള്ളവും ഒരു കുന്തവും വഹിച്ചു നിൽക്കുമായിരുന്നു. അവിടുന്ന് ആ വെള്ളത്തിൽ നിന്നായിരുന്നു ശുദ്ധി വരുത്തിയിരുന്നത്...
• നിങ്ങൾ വിസർജന സ്ഥലത്ത് വന്നെത്തിയാൽ ഖിബ്‌ലക്ക് നേരെയോ, ഖിബ്‌ലക്ക് പിന്തിരിഞ്ഞു കൊണ്ടോ ഇരിക്കരുത്. മറിച്ച് നിങ്ങൾ കിഴക്ക് ഭാഗത്തേക്കോ പടിഞ്ഞാറ് ഭാഗത്തേക്കോ തിരിഞ്ഞിരിക്കുക...
• ഞാൻ ധാരാളമായി മദ്‌യ് (രേതസ്സ്) വന്നിരുന്ന വ്യക്തിയായിരുന്നു. നബി -ﷺ- യുടെ മകളുമായുള്ള എൻ്റെ (വിവാഹ)ബന്ധം കാരണത്താൽ അവിടുത്തോട് ഇക്കാര്യത്തെ കുറിച്ച് ചോദിക്കാൻ എനിക്ക് ലജ്ജയായിരുന്നു. അതിനാൽ മിഖ്ദാദ് ബ്നു അസ്‌വദിനോട് ഞാൻ പറഞ്ഞതു പ്രകാരം അദ്ദ...