Nambaran’ny Mpaminany (S.A.W) fa fepetra takina mba hahatomombana ny fivavahana swalat : dia ny fahadiovana, ka izay te hivavaka dia tsy maintsy manao Ouzou rehefa nanao zavatra manafoana ny ouzou. Toy ny fivoahana, na fipipizana, na torimaso lalina sns...

• Swalat-n'ny olona nivoahan'ny loto dia tsy azo ekena raha tsy mandro noho ny loto lehibe ary ouzou kosa raha loto kely.
• Ny ouzou dia ny fakana rano, fanontsanana azy ao am-bava ary mamoaka izany, avy eo misintona ny rano amin'ny fofonainy mankany anaty orony, avy eo mamoaka izany, avy eo manasa ny tavany intelo, dia manasa tànana hatreo amin'ny kiho in-telo, dia safoina indray mandeha ny lohany iray manontolo, ary manasa ny tongony roa hatreo amin’ny kitrokeliny intelo.