Ибн Умар (ага Аллах ыраазы болсун) айтат: Аллахтын элчиси аны ийнинен кармап: Бул дүйнө жашоосунда бөтөн жерлик адамдай бол. Ал башка жерден келген, жашаганга турагы жок, Жаратуучуга ибадат кылуудан алагды кыла турган бала-чака, үй-бүлөсү да жок. Же андан да өткөн өз мекение бара жаткан жолоочу сыяктуу бол. Бөтөн жерлик адам бөтөн жерде отурукташып жашап калышы мүмкүн. Ал эми мекенине бара жаткан жолоочу андай эмес. Ал эч жерге токтобойт, мекенине батыраак жетүүгө аракет кылат. Ошондой эле жолоочу киши өзүнүн жолуна жеткидей каражаттан ашык каражатка да муктаж эмес. Ошол сыяктуу ыймандуу адам дагы бул дүйнө жашоосунда жашоосуна жеткидей каражаттан ашыкчага муктаж эмес. Ибн Умар бул насаатка амал кылып аны иш жүзүндө аткарып: Таңды аттырсаң, кечти, кечти киргизсең таңды күтпөгүн. Өзүңдү кабырдагылардын биримин деп эсепте (ошого даярдан). Анткени, өмүрдө ооруу-сыркоо деген болот - дечү. Ооруп калганга чейин дени карды соо күндөрүңдө ибадат кылып кал. Тирүүлүгүңдү пайдаланып, өлгөндөн кийин пайдасы тие турган амалдарды аткарып кал.

• Мугалимдин окуучунун көңүлүн буруп, тынчтандыруу үчүн анын ийнине колун койуп таалим бергени жакшы.
• Шариятта өзү талап кылбаган адамга да насаат айтып, туура жол көрсөтүүгө уруксат берилет.
• Пайгамбардын (ага Аллахтын тынчтыгы жана мактоосу болсун) эң сонун таалим-тарбия ыкмасы анын: “Бул дүйнөдө чоочун же жолоочу сыяктуу бол” деген сөздөрүндөй ынандырарлык мисалдарды келтирүү болгон.
• Адамдардын акыретке болгон сапары ар түрдүү болот: бөтөн жерлик адамга караганда жолоочу адамдын даражасы жогору турат.
• Үммүттү кыска кылуу жана өлүмгө даярдануу зарыл.
• Хадис ырыскы талап кылуудан жана дүйнө жашоосунун ырахаттарынан баш тартууга үндөбөйт. Болгону, дүйнөгө берилип кетпөөгө жана азайтууга кызыктырат.
• Жакшы амалдарды аткарууга шашылуу зарыл. Анткени, ооруу же өлүм келип калса аткарууга шарт болбой калат.
• Пайгамбарыбыздан (ага Аллахтын тынчтыгы жана мактоосу болсун) бул насаатты угуп таасирленген Абдуллах бин Умардын (аларга Аллах ыраазы болсун) артыкчылыгы.
• Ыймандуулардын турагы бейиш. Ал бул дүйнөдө бөтөн жерлик, акыретке сапар кылып бара жатат. Бөтөн бирөөнүн жерине бир нерсени жүрөгүнө киригизип албайт. Анын жүрөгү кайтып бара турган мекенине байланган. Анын бул дүйнөдө турушу, убактылуу гана милдеттерин бүтүрүп, мекенине кайтууга даярдануусу үчүн.

1. home
2. Артыкчылыктар жана адептер
3. Жүрөк жибитүүчү сөздөр жана кайрылуулар
4. Напсини тазалоо
5. hadith

• Аллах Таалага таза, күнөөсү жок жолугуусу үчүн ыймандуу эркектин жана ыймандуу аялдын өзүнө, балдарына жана мал-мүлкүнө ар кандай балээ, сыноолор боло берет...
• «Бир адам Пайгамбар, саллаллаху алейхи уа салламдын, алдына келип: «Оо, Аллахтын Элчиси, менде кулдарым бар, алар мага жалган айтышат, мага кыянат кылышат жана менин сөзүмдү угушпайт. Алардын алдында менин абалым кандай болот» - деп сурады....
• Аллахтын элчисинен (ага Аллахтын тынчтыгы жана мактоосу болсун) кокустан арамга көз салып алуу тууралуу сурадым. Ал көзүмдү дароо буруп кетүүгө буйруду...
• мага Исламдагы бир сөздү үйрөт, ал жөнүндө сенден башка эч кимден сурабаймын, - дедим. Ал: "Аллахка ыйман келтирдим" дегин, анан түз жүргүн" - деди...