پیاوێک پرسیاری لە پێغەمبەر كرد -صلى الله عليه وسلم-؛ لە کاتێکدا ئەو لەسەر مینبەر وتاری دەدا، ووتی: ئەی پێغەمبەری خودا، فێرم بکە چۆن شەونوێژ ئەنجام بدەم؟ پێغەمبەر -صلى الله عليه وسلم- فەرمووی: نوێژ دەکەیت و سەلام دەدەیتەوە لە پاش هەموو دوو ڕکاتێک، ئەگەر ترسای لە هەڵهاتنی بەیان، ئەوا یەک ڕکات نوێژ ئەنجام بدە؛ کە بەهۆیەوە بە ژمارەی تاك کۆتایی دەهێنیت بە نوێژەكانت، و پێغەمبەر -صلى الله عليه وسلم- ئامۆژگاری دەکرد بەوەی کە کۆتا نوێژی شەو؛ نوێژی ویتر بێت.

• بنچینە لە شەونوێژدا ئەوەیە لە پاش هەموو دوو ڕکاتێک سەلام بداتەوە، جگە لە نوێژی ویتر نەبێت.
• ژمارەی ڕکاتەکانى شەونوێژ دیاریکراو نییە بە ژمارەیەک ؛ چونکە دەستەواژەکە ڕەهایە.
• نەوەوی دەڵێت: كاتێك دەفەرموێت: (نوێژی شەو وڕۆژ دوو -ڕکات- دوو -ڕکات- ئەنجامدەدرێت)؛ ئەم فەرموودەیە وا لێكدەدرێتەوە بۆ ڕوونکردنەوەی باشترین شێوازە، کە ئەویش ئەوەیە لە پاش هەموو دوو ڕکاتێک سەلام بدرێتەوە، جا نوێژە سوننەتەکانی شەو بێت یان ڕۆژ؛ سوننەتە لە پاش هەموو دوو ڕکاتێک سەلام بدرێتەوە.
• نەوەوی دەڵێت: فەرموودەكە بەڵگەیە لەسەر ئەوەی کە سوننەت وایە نوێژی ویتر بخرێتە کۆتا نوێژی شەو، و کاتی نوێژی ویتر نامێنێت وكۆتایی دێت بە دەرکەوتنی بەرەبەیان، و ئەمە بۆچوونی بەناوبانگە لە مەزهەبی ئێمەدا (مەزهەبی شافیعی)، و زۆرینەی زانایانیش هەمان قسەیان کردووە.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. نوێژ
5. نوێژی سونەت (خۆبەخش)
6. شەو نوێژکردن
7. فەرموودە

• ئەی عائیشە چاوەکانم دەخەون، بەڵام دڵم ناخەوێت
• باشترین ڕۆژووگرتن لە دوای ڕۆژووگرتنی مانگی ڕەمەزان؛ ڕۆژووگرتنی مانگی خودایە (مانگی موحەرەم)، وباشترین نوێژکردن لە پاش نوێژە فەرزەکان؛ شەو نوێژکردنە...
• لە هەموو بەشەکانى شەو پێغەمبەر -صلى اللە علیە وسلم- نوێژی ویتری دەکرد، لە سەرەتای شەو، وناوەڕاستی شەو، وکۆتایی شەو، ولە کاتى سەحەر نوێژی ویتری تەواو دەکرد...
• ئەگەر هەرکەسێک خەوت؛ پێش ئەوەى نوێژی ویتر بکات، یان لەبیری چوو؛ ئەوا با ئەنجامی بدات ئەگەر بیری کەوتەوە