ৰাছুলুল্লাহ চাল্লাল্লাহু আলাইহি অছাল্লামে মিম্বৰত থিয় হৈ খুতবা দি আছিল, সেই সময়তে এজনে প্ৰশ্ন কৰিলে যে, হে আল্লাহৰ ৰাছুল! তাহাজ্জুদ কেনেকৈ পঢ়িব লাগে মোক শিকাই দিয়ক? তেতিয়া তেখেতে ক'লেঃ প্ৰত্যেক দুই ৰাকাতৰ শেষত ছালাম ফিৰাবা। যদি প্ৰভাত হোৱাৰ আশংকা হয় তেন্তে অতিৰিক্ত এক ৰাকাত আদায় কৰিবা, যাতে এইটো ৱিতিৰ হৈ যায়। এইদৰে তেখেত চাল্লাল্লাহু আলাইহি অছাল্লামে উপদেশ দিছিল যে, তোমালোকে ৱিতিৰক ৰাতিৰ একেবাৰে শেষৰ নামাজ হিচাপে আদায় কৰিবা।

• ৱিতিৰ নামাজৰ বিপৰীতে ৰাতিৰ নামাজৰ মূল হৈছে প্ৰত্যেক দুই ৰাকাতৰ পিছত ছালাম ফিৰোৱা।
• ৰাতিৰ নামাজ কোনো নিৰ্দিষ্ট সংখ্যাত সীমাবদ্ধ নহয়। কাৰণ হাদীছৰ শব্দবোৰ ব্যাপকভাৱে উল্লেখ হৈছে।
• নাৱাৱীয়ে কৈছেঃ ৰাতি আৰু দিনৰ নামাজ হৈছে দুই দুই ৰাকাত। এই হাদীছটো উত্তম পদ্ধতি ব্যাখ্যা কৰাৰ ক্ষেত্ৰত কোৱা হৈছে যে, উত্তম হৈছে প্ৰত্যেক দুই ৰাকাতৰ পিছত ছালাম ফিৰোৱা। ৰাতিৰ নফল নামাজ হওক অথবা দিনৰ নফল নামাজ, প্ৰত্যেক দুই ৰাকাতৰ পিছত ছালাম ফিৰোৱাটো হৈছে মুস্তাহাব।
• ইমাম নাৱাৱীয়ে কৈছেঃ ইয়াৰ দ্বাৰা প্ৰমাণিত হয় যে, ৱিতিৰক একেবাৰে ৰাতিৰ নামাজৰ শেষত আদায় কৰাটো ছুন্নত। ৱিতিৰৰ শেষ সময় হৈছে ফজৰৰ সময় হোৱালৈকে। এইটোৱে আমাৰ মজহবৰ প্ৰসিদ্ধ মত। অধিকাংশ উলামাসকলেও এই মতটোৱে পোষণ কৰিছে।

1. মুখ্য পৃষ্ঠা
2. ফিক্হ আৰু উচুলে ফিক্হ
3. ইবাদাত সম্পৰ্কীয় ফিক্হ
4. নামাজ
5. নফল চালাত
6. তাহাজ্জুদ
7. হাদীছ

• হে মানৱজাতি! তোমালোকে ছালাম প্ৰচাৰ কৰা, মানুহক আহাৰ কৰোৱা আৰু আত্মীয়তাৰ বন্ধন অটুট ৰখা। ৰাতিত যেতিয়া সকলোৱে টোপনিত যায় তেতিয়া উঠি চালাত আদায় কৰা। (এনেকুৱা কৰিলে) সহজে জান্নাতত প্ৰৱেশ কৰিব পাৰিবা।...
• যি ব্যক্তিয়ে ঈমানৰ সৈতে ছোৱাবৰ আশাত লাইলাতুল কদৰত কিয়াম (অৰ্থাৎ চালাত আদায়) কৰিব, সেই ব্যক্তিৰ অতীতৰ গুনাহসমূহ মাফ কৰি দিয়া হয়।...