ప్రవక్త సల్లల్లాహు అలైహి వసల్లం మింబర్ (Minbar)పై ఉపన్యాసం ఇస్తుండగా ఒక వ్యక్తి ఆయనను అడిగాడు: 'ఓ రసూలుల్లాహ్! నేను రాత్రి నమాజ్ (ఖియాముల్ లైల్) ఎలా చేయాలో నాకు నేర్పండి? అప్పుడు ఆయన సల్లల్లాహు అలైహి వసల్లం ఇలా సెలవిచ్చారు: ప్రతి రెండు రకాతుల తరువాత సలాం చేయాలి, తెల్లవారుతుందన్న భయం కలిగితే ఒక రకాత్ చదువు, అది నీవు చదివిన నమాజులను బేసి సంఖ్యగా మార్చేస్తుంది, మరియు నిశ్చయంగా ఆయన సల్లల్లాహు అలైహి వసల్లం రాత్రి యొక్క చివరి నమాజును వితర్ గా చేయమని ఉపదేశించేవారు.

• వితర్ నమాజు తప్ప, రాత్రి నమాజులో ప్రతి రెండు రకాతుల తరువాత సలాం చెప్పడమే అసలు నియమం.
• రాత్రి నమాజు రకాతుల సంఖ్యకు పరిమితం కాదు; ఎందుకంటే దాని ప్రస్తావన సాధారణంగా వచ్చింది.
• అన్నవవీ (రహిమహుల్లాహ్) ఇలా అన్నారు: "రాత్రి నమాజులు మరియు పగటి నమాజులు రెండు రెండుగా చదవాలి", ఈ హదీథు శ్రేష్ఠమైన పద్ధతిని తెలియజేస్తున్నది. అదేమిటంటే, ప్రతి రెండు రకాతుల తర్వాత సలాం పలకాలి. రాత్రి మరియు పగటి నఫిల్ నమాజులు రెండింటిలోనూ ప్రతి రెండు రకాతుల తర్వాత సలాం పలకడం అభిలషణీయం.
• ఇమాం అన్నవవీ (రహిమహుల్లాహ్) ఇలా అన్నారు: "వితరును రాత్రి యొక్క చివరి నమాజుగా చేయడం సున్నత్ అని మరియు దాని సమయం ఫజ్ర్ ఉదయంతో ముగిసిపోతుందని ఇది సూచిస్తుంది. మా మధ్’హబ్ లో ఇదే ప్రసిద్ధమైన అభిప్రాయం మరియు అధిక సంఖ్యాక పండితులు కూడా ఇదే చెప్పారు.

1. హోమ్
2. ఫిఖ్ మరియు దాని నియమాలు
3. ఆరాధనల ధర్మశాస్త్ర జ్ఞానం
4. నమాజు
5. నఫిల్ నమాజ్
6. తహజ్జుద్ నమాజ్
7. హదీస్

• “ఓ ప్రజలారా, ‘సలాం’ను (శాంతి, శుభాకాంక్షలను) వ్యాప్తి చేయండి, ఇతరులకు అన్నం పెట్టండి, బంధుత్వ సంబంధాలను కొనసాగించండి మరియు ప్రజలు నిద్రిస్తున్న వేళ ‘ఖియాముల్లైల్ ప్రార్థనలు’ (రాత్రి ప్రార్థనలు) చేయండి మరియు మీరు శాంతితో స్వర్గంలోకి ప్రవేశిస...
• “ఎవరైతే అల్లాహ్ నందు విశ్వాసముతో మరియు కేవలం అల్లాహ్ నుండి మాత్రమే ప్రతిఫలాన్ని ఆశిస్తూ ‘లైలతుల్ ఖద్ర్’ లో (రమజాన్ నెలలోని ఘనమైన రాత్రి) నమాజు ఆచరిస్తూ (అల్లాహ్ ఆరాధనలలో) గడుపుతారో అతడి పూర్వపు పాపాలన్నీ క్షమించి వేయబడతాయి”...