നബി (ﷺ) മിമ്പറിൽ ഖുതുബ നിർവ്വഹിക്കുമ്പോൾ ഒരാൾ ചോദിച്ചു: "അല്ലാഹുവിന്റെ റസൂലേ, രാത്രി നിസ്കാരം എങ്ങനെയാണ് നിർവഹിക്കേണ്ടതെന്ന് എന്നെ പഠിപ്പിക്കാമോ?" അപ്പോൾ നബി (ﷺ) പറഞ്ഞു: "ഓരോ രണ്ട് റക്അത്തുകൾ കഴിയുമ്പോഴും നീ സലാം വീട്ടുക. പുലരി ആകുമെന്ന് നീ ഭയപ്പെട്ടാൽ, ഒരു റക്അത്ത് നിസ്കരിക്കുക. എങ്കിൽ നീ ഇതു വരെ നിസ്കരിച്ചതിനെ അത് ഒറ്റയാക്കിത്തീർക്കും." നബി (ﷺ) രാത്രിയിലെ നിസ്‌കാരത്തിൽ അവസാനത്തേത് വിത്ർ (ഒറ്റയാക്കാൻ) ആക്കാൻ ഉപദേശിക്കാറുണ്ടായിരുന്നു.

• രാത്രി നിസ്കാരത്തിന്റെ അടിസ്ഥാന രൂപം, ഓരോ രണ്ട് റക്അത്തുകൾ കഴിയുമ്പോഴും സലാം വീട്ടുക എന്നതാണ്. വിത്റിൽ മാത്രമാണ് ഇത് ബാധകമല്ലാത്തത്.
• രാത്രി നിസ്‌കാരത്തിന് നിശ്ചിത എണ്ണം ഇല്ല; നബി (ﷺ) 'ഈരണ്ട് വീതം റക്അത്തുകൾ നിസ്കരിക്കുക' എന്ന് പറയുകയും, ഒരു പരിധി നിശ്ചയിക്കുകയും ചെയ്യാത്തതിൽ നിന്ന് അതാണ് മനസ്സിലാകുന്നത്.
• ഇമാം നവവി പറഞ്ഞു: "രാത്രിയിലെയും പകലിലെയും നിസ്‌കാരം രണ്ട് വീതമാണ്" എന്ന ഹദീസ്; ഈ നിസ്കാരങ്ങളുടെ ഏറ്റവും ശ്രേഷ്ഠമായ രീതിയാണ് അറിയിക്കുന്നത്. അതായത്, ഓരോ രണ്ട് റക്അത്തുകൾ കഴിയുമ്പോഴും സലാം വീട്ടുകയാണ് വേണ്ടത് എന്നർത്ഥം. രാത്രിയിലെയും പകലിലെയും ഐച്ഛിക നിസ്കാരങ്ങളിൽ ഓരോ രണ്ട് റക്അത്തുകൾ കഴിയുമ്പോഴും സലാം വീട്ടുന്നതാണ് അഭികാമ്യം."
• ഇമാം നവവി പറഞ്ഞു: രാത്രി നിസ്‌കാരത്തിൻ്റെ അവസാനത്തിൽ വിത്ർ നിസ്കരിക്കുന്നതാണ് സുന്നത്ത് എന്നും, പുലരിയുടെ ഉദയത്തോടെ അതിന്റെ സമയം അവസാനിക്കുമെന്നും ഈ ഹദീസ് അറിയിക്കുന്നു. ഇതാണ് നമ്മുടെ മദ്ഹബിലെ (ശാഫിഈ) പ്രസിദ്ധമായ അഭിപ്രായം. ഭൂരിപക്ഷം പണ്ഡിതന്മാരും ഈ അഭിപ്രായക്കാരാണ്."

1. മെയിൻ പേജ്
2. കർമ്മശാസ്ത്രവും, കർമ്മശാസ്ത്ര അടിസ്ഥാനങ്ങളും
3. ആരാധനയുടെ കർമ്മശാസ്ത്രം
4. സ്വലാത് (നിസ്കാരം)
5. (സ്വലാതു തത്വവ്വുഅ്) സുന്നത്ത് നമസ്കാരം
6. രാത്രി നിസ്കാരം
7. ഹദീസ്

• ജനങ്ങളേ! സലാം പറയുന്നത് വ്യാപിപ്പിക്കുക! ഭക്ഷണം നൽകുക! കുടുംബബന്ധങ്ങൾ ചേർക്കുക! ജനങ്ങൾ ഉറങ്ങിക്കിടക്കുമ്പോൾ രാത്രിയിൽ നിസ്കരിക്കുക! സമാധാനത്തോടെ നിങ്ങൾക്ക് സ്വർഗത്തിൽ പ്രവേശിക്കാം...
• ലൈലതുൽ ഖദ്റിൽ ആരെങ്കിലും വിശ്വാസത്തോടെയും പ്രതിഫലേഛയോടെയും നിന്നു നിസ്കരിച്ചാൽ അവൻ്റെ മുൻകഴിഞ്ഞ പാപങ്ങൾ അവന് പൊറുത്തു നൽകപ്പെടുന്നതാണ്...