ফিৰিস্তা জিব্ৰীল আলাইহিচ্ছালাম নবী চাল্লাল্লাহু আলাইহি অছাল্লামৰ ওচৰতে বহি আছিল, এনেতে আকাশৰ পৰা অহা দুৱাৰ খোলাৰ দৰে এটা শব্দ শুনা পালে। এই শুনি জিব্ৰীল আলাইহিচ্ছালামে আকাশৰ ফালে মূৰ দাঙি চালে আৰু নবী চাল্লাল্লাহু আলাইহি অছাল্লামক অৱগত কৰিবলৈ ক’লে: এই শব্দটো হৈছে আকাশৰ এটা দুৱাৰ খোলাৰ শব্দ, যিটো আজিয়ে খোলা হৈছে, ইয়াৰ আগতে কেতিয়াও খোলা হোৱা নাছিল। তাৰ পৰা এজন ফিৰিস্তা নামি আহিছে - তেওঁ ইয়াৰ আগতে কেতিয়াও পৃথিৱীলৈ অহা নাছিল। সেই ফিৰিস্তাজনে নবী চাল্লাল্লাহু আলাইহি অছাল্লামক ছালাম দি ক’লে: আপুনি সুসংবাদ গ্ৰহণ কৰক, আপোনাক এনেকুৱা দুটা নূৰ প্ৰদান কৰা হৈছে, যিটো ইতিপূৰ্বে কোনো নবীকেই প্ৰদান কৰা হোৱা নাছিল। সেই নূৰ দুটা হৈছেঃ ছুৰা আল-ফাতিহা আৰু ছুৰা আল-বাক্বাৰাৰ শেষৰ দুই আয়াত। ইয়াৰ পিছত ফিৰিস্তাজনে ক'লেঃ যিয়ে এই দুটাৰ পৰা এটা আখৰো পাঠ কৰিব, মহান আল্লাহে ইয়াৰ মাজত থকা প্ৰতিটো কল্যাণ, দুআ আৰু প্ৰাৰ্থনা কবুল কৰি তাক প্ৰদান কৰিব।

• হাদীছটোত ছুৰা আল-ফাতিহা আৰু ছুৰা আল-বাক্বাৰাৰ শেষৰ দুই আয়াতৰ ফজীলত বৰ্ণিত হৈছে। লগতে এই দুটাক পঢ়িবলৈ আৰু ইয়াৰ প্ৰতি আমল কৰিবলৈ উৎসাহিত কৰা হৈছে।
• আকাশৰো বহুতো দুৱাৰ আছে, সেইবোৰেৰে আল্লাহৰ আদেশ-নিষেধ অৱতীৰ্ণ হয়। লগতে সেইবোৰ কেৱল আল্লাহৰ আদেশক্ৰমেহে খোলা হয়।
• হাদীছটোত নবী চাল্লাল্লাহু আলাইহি অছাল্লামৰ মৰ্যাদা বৰ্ণিত হৈছে যে, তেখেতৰ প্ৰতিপালকে তেখেতক এনেকুৱা দুটা নূৰ প্ৰদান কৰি সন্মানিত কৰিছে, যিটো আগৰ কোনো নবীকেই দিয়া হোৱা নাছিল।
• আল্লাহৰ প্ৰতি আহ্বানৰ অন্যতম এটা মাধ্যম হৈছে কল্যাণৰ সুসংবাদ দিয়া।

1. মুখ্য পৃষ্ঠা
2. আল-কোৰআনুল কাৰীম আৰু ইয়াৰ সৈতে সংশ্লিষ্ট জ্ঞানসমূহ
3. কোৰআনৰ ফজিলত
4. ছুৰা আৰু আয়াতসমূহৰ ফজিলত
5. হাদীছ

1. মুখ্য পৃষ্ঠা
2. আক্বীদাহ
3. ফিৰিস্তাসকলৰ প্ৰতি ঈমান
4. ফিৰিস্তাসকল
5. হাদীছ

• সেই সত্তাৰ শপত! যাৰ হাতত মোৰ প্ৰাণ আছে। এই ছুৰাটো হৈছে সমগ্ৰ কোৰআনৰ এক তৃতীয়াংশৰ সমান।
• যিয়ে ছুৰা আল-কাহাফৰ প্ৰথম দহ আয়াত মুখস্থ কৰিব, তেওঁক দাজ্জালৰ (ফিতনাৰ) পৰা ৰক্ষা কৰা হ'ব।" আন এটা বৰ্ণনাত আছে যে, "যিয়ে ছুৰা কাহাফৰ শেষৰ দহ আয়াত মুখস্থ কৰিব।...
• বৰং তোমালোকে কোৱা যে, ‘আমি শুনিলোঁ আৰু মানি ল'লোঁ। হে আমাৰ প্ৰতিপালক! তোমাৰ ওচৰত ক্ষমা প্ৰাৰ্থনা কৰোঁ আৰু তোমাৰ পিনেই আমাৰ প্ৰত্যাৱৰ্তনস্থল’।...
• (ৰহমতৰ) ফিৰিস্তাহ সেই ভ্ৰমণকাৰী দলৰ সৈতে নাথাকে যিসকলৰ লগত কুকুৰ আৰু ঘণ্টা থাকে।