ነቢዩ (የአላህ ሰላትና ሰላም በእርሳቸው ላይ ይስፈን) ከአማኞች ሰባት አይነት ሰዎችን ከአላህ ጥላ ውጪ ሌላ ጥላ በሌለበት ቀን አላህ ከዐርሹ ጥላ ስር እንደሚያስጠልላቸው አበሰሩ። አንደኛ: ወንጀለኛ ባለመሆን በራሱ ላይ ፍትሃዊ የሆነ፤ የሚመራቸውንም ህዝቦች ባለመበደል በህዝቦቹ መካከል ፍትሃዊ የሆነ መሪ ነው። ይህም ትልቅ ስልጣን የተሸከመ ሰው ነው። በተመሳሳይም የሙስሊሞችን ጉዳይ የሚመራ ፍትሃዊ የሆነ ሰው ሁሉ እዚህ ውስጥ ይካተታል። ሁለተኛ: አላህን በማምለክ ያደገ ወጣት፤ እስኪሞት ድረስም ወጣትነቱንና የንቃት እድሜውን በዚሁ ሁኔታ የጨረሰ ሰው ነው። ሶስተኛ: ቀልቡ ወደ መስጂድ የተንጠለጠለ ሰውዬ ነው። መስጂድን በደንብ ስለሚወድና አብዝቶ መስጂድ ውስጥ ስለሚያሳልፍ ከመስጂድ በወጣ ቁጥር ወደ መስጂድ እስኪመለስ ድረስ ይጓጓል። ከመስጂድ ውጪ ሆኖ አካሉ የሆነ ነገር ቢያጋጥመው እንኳ ቀልቡ መስጂድ ላይ እንደሆነ የሚቀጥል ነው። አራተኛ: በትክክል ለአላህ ብለው የተዋደዱ ሁለት ሰዎች በእምነታዊ ውዴታ ላይ ሆነውም የዘወተሩ፤ በአካል ወይም በርቀት ባይገናኙ እንኳ በመካከላቸው ሞት እስኪለያያቸው ድረስ በአለማዊ ጉዳይ ያልተቆራረጡ ናቸው። አምስተኛ: የጥሩ ዘር፣ የልቅና፣ የክብር፣ የገንዘብ፣ የቁንጅና ባለቤት የሆነች ሴት ከርሷ ጋር ዝሙት እንዲፈፅም ፈልጋው እኔ አላህን እፈራለሁ በማለት እምቢ ያለ ሰውዬ ነው። ስድስተኛ: ቀኙ የምትሰጠውን ግራው እስከማታውቅ ድረስ በመደበቅና ይዩልኝ ውስጥ ሳይገባ ትንሽም ይሁን ብዙ ምፅዋትን የመፀወተ ሰው ነው። ሰባተኛ: ከሰዎች ገለል ብሎ አላህን በቀልቡ በማስታወስ ወይም በምላሱ ዚክር በማለት ያወሳና አላህን በመፍራትና በማላቅ ሁለት አይኖቹ ያነቡ ሰው ነው።

• የተጠቀሱት ሰባት አይነት ሰዎች ያላቸውን ደረጃና እነርሱ የሰሩትን በመከተል ላይ መነሳሳቱን እንረዳለን።
• ኢብኑ ሐጀር "አላህ በጥላው ስር" በሚለው ነቢያዊ ንግግር ዙሪያ እንዲህ ብለዋል: «በዚህ የተፈለገው የዐርሹ ጥላ ነው። ይህንንም የሚጠቁመው በሰዒድ ቢን መንሱር ዘገባ ሐሰን በሆነ ሰነድ ሰልማን ባስተላለፉት ሐዲስ "ሰባት አካላቶችን አላህ በዐርሹ ጥላ ስር ያስጠልላቸዋል።" የሚል መምጣቱ ነው።»
• ኢብኑ ሐጀር እንዲህ ብለዋል: "ፍትሃዊ መሪ የሚለው ከተተረጎመበት ሁሉ የተሻለው ትርጓሜ: ሁሉንም ነገር ያለምንም ወሰን ማለፍና ያለምንም ማጓደል በሚገባው ቦታ በማስቀመጥ አላህ ያዘዘውን የሚከተል ማለት ነው። ከሰባቱ አስቀድመው የጠቀሱትም በርሱ የሚገኘው ጥቅም አጠቃላይ ስለሆነ ነው።"
• ሶላት ከሰገዱ በኋላ ሌላኛውን ሶላት መጠበቅ ያለውን ደረጃ እንረዳለን።
• ነወዊይ እንዲህ ብለዋል: "ይህ ሐዲሥ ለአላህ ብሎ በመዋደድ ላይ ያነሳሳል፤ ያለውንም ትልቅ ደረጃ ይገልፃል።"
• ክብርና ቁንጅና ተለይተው የተጠቀሱት ሰዎች አብዝተው ስለሚፈልጉትና ስለሚጓጉለት እንዲሁም እነርሱንም ለማግኘት ስለሚያስቸግር ነው።
• ከይዩልኝ ከፀዳ፣ ሌሎች ምፅዋት እንዲሰጡ ለማነሳሳት አስቦ፣ ለሌሎች አርአያ ለመሆን አስቦና የእስልምናን መገለጫ ለማጉለት አስቦ ከሆነ ዘካንና ምፅዋትን በገሃድ መስጠትም የተደነገገ ቢሆንም በላጩ ምፅዋት ግን ከይዩልኝ የራቀውና የተደበቀው ነው።
• እነዚህ ሰባት አይነት ሰዎች ይህንን ፀጋ ያገኙት ስራቸውን ለአላህ ከማጥራታቸውም ጋር ስሜታቸውን በመፃረራቸው ምክንያት ነው።
• "ሰባት አይነት ሰዎች አላህ ያስጠልላቸዋል።" በሚለው ነቢያዊ ንግግር በዚህ ቁጥር መገደባቸው የታለመ ጉዳይ አይደለም። ይልቁንም እዚህ ሐዲሥ ውስጥ ከተጠቀሱት ውጪም አላህ ከዐርሹ ጥላ ስር የሚያስጠልላቸው ሌሎች አካላትም መጥተዋል።
• ኢብኑ ሐጀር እንዲህ ብለዋል: "እዚህ ሐዲሥ ውስጥ ወንዶች መጠቀሳቸው ሴቶች አይገቡም ማለት አይደለም። ይልቁንም የተጠቀሱት ስራዎች ወንዶችንም ሴቶችንም በጋራ ይመለከታል። ነገር ግን ፍትሃዊ መሪ በሚለው የተፈለገው ዋና መሪን ብቻ ከሆነ ሴት ልጅ አትካተትም። ፍትሃዊ መሪ ሲባል ሌላውንም የሚያካትት ከሆነ ግን የቤት ሃላፊ ሆና በልጆቿ መካከል ፍትህ የምታሰፍን የሆነች ሴት ፍትሃዊ መሪ በሚለው ውስጥ ልትገባ ትችላለች። ልክ እንደዚሁ ሴት ልጅ መስጂድን አጥብቆ መያዝ ከሚለውም ትወጣለች። ምክንያቱም ሴት ልጅ መስጂድ ከምትሰግደው ሶላት ይልቅ ቤት ውስጥ የምትሰግደው ሶላት ይበልጣልና። ከነዚህ ውጪ ባሉት ስራዎች ግን ሴት ልጅ ከወንድ ጋር ትጋራለች። ሴት ልጅ ለዝሙት የጠራችው ወንድ የሚለው ሳይቀር ለሴትም ይሆናል። ይህም ለምሳሌ ንጉስና ቆንጆ የሆነ ወንድ ለዝሙት ጠርቷት ውስጧ እየፈለገም አላህን በመፍራቷ ምክንያት ከዚህ የታቀበች እንደሆነ ማለት ነው።"

1. ዋና ገፅ
2. ትርፍ ተግባራትና ስነ-ስርዓት
3. የዱዓና አዝካር ፊቅህ
4. አላህን የማውሳት ጥቅሞች
5. ሓዲሥ

1. ዋና ገፅ
2. ትርፍ ተግባራትና ስነ-ስርዓት
3. ቀልብን አርጣቢ ምክሮችና ተግሳጾች
4. ነፍስን ማጥራት
5. ሓዲሥ

1. ዋና ገፅ
2. ፊቅህና የፊቂህ መርሆዎች
3. የአምልኮ ፊቂህ
4. ሶላት
5. የመስጊዶች ህግጋት
6. ሓዲሥ

• ንፅህና የኢማን ግማሽ ነው 'አልሐምዱ ሊላህ' (ምስጋና ለአላህ የተገባ ነው) የሚለው ሚዛን ይሞላል፤ 'ሱብሐነላህ ወል'ሐምዱ ሊላህ' (አላህ ጥራት የተገባው ነው፤ ምስጋናም ሁሉ ለአላህ ነው) የሚለው በሰማያትና በምድር መካከል ያለውን ይሞላሉ ወይም ይሞላል...
• ሐላል (የተፈቀደ) ነገር ሁሉ ግልፅ ነው። ሐራሙም (እርም የተደረገ) ነገር ሁሉ ግልፅ ነው።
• ለአላህ ብሎ መስጂድን የገነባ አላህም ለርሱ አምሳያውን ጀነት ውስጥ ይገነባለታል።›' አለ።
• ሰይጣን አንዳችሁ ዘንድ በመምጣት "ይህን የፈጠረው ማነው? ይህንንስ የፈጠረው?" እያለ ይጠይቃችኋል "ጌታህንስ የፈጠረው ማነው?" ብሎ እስኪጠይቃችሁ ድረስ ይደርሳል፤ ይህ ጥያቄ የደረሰው ጊዜ በአላህ ይጠበቅም ይከልከልም።...