Абу Ҳурайра разияллоҳу анҳудан ривоят қилинади: Расулуллоҳ соллаллоҳу алайҳи ва саллам: «Сизлардан қай бирингиз ўз аҳлига қайтиб келганида хонадонида бўғозлик даврининг ярми ўтиб қолган семиз ва баҳайбат туяларни кўришни ёқтиради?",- деб сўрадилар. Биз: Албатта, ҳаммамиз ёқтирамиз дедик. Шунда Расулуллоҳ соллаллоҳу алайҳи ва саллам: " Сизлардан бирингизнинг намозида уч оят ўқиши, унга бўғозлик даврининг ярми ўтган семиз ва баҳайбат туялари бўлишидан кўра яхшироқдир»,- дедилар.
Sahih/Authentic. - Muslim
Пайғамбаримиз Муҳаммад соллаллоҳу алайҳи ва саллам намозда уч оят ўқилиб олинган савоб одамнинг ўз хонадонида семиз ва ҳайбатли бўғоз туялари бўлишидан кўра яхшироқ эканини баён қилдилар.
Ҳадиснинг фойдалари
Намозда Қуръон тиловат қилишликнинг фазилати.
Солиҳ амаллар, дунёнинг фоний матоҳларидан кўра яхшироқ ва абадийдир.
Бу фазилат учта оятни ўқишнинг ўзигагина чекланган эмас. Аксинча, қанча кўп оят ўқилса унинг савоби оятлар сонича бўлган семиз, баҳайбат бўғоз туялар сонидан кўра яхшироқдир.
