ఈ హదీథులో ప్రవక్త సల్లల్లాహు అలైహి వసల్లం ఇలా తెలియ జేస్తున్నారు: ఒక ముస్లిం తన తోటి ముస్లిం కొరకు అతను తన దగ్గర లేనపుడు (అతని పరోక్షంలో) చేసే దుఆకు సమాధానం లభిస్తుంది; ఎందుకంటే అది అతని పట్ల గొప్ప నిజాయితీని ప్రదర్శిస్తుంది. దుఆ చేసే వ్యక్తి తల వద్ద ఒక దైవదూత ఉంటాడు, అతను తన సోదరుడికి మంచి జరగాలని దుఆ చేసినప్పుడల్లా ఆ దైవదూత ఇలా అంటాడు: “ఆమీన్, మరియు నీవు కూడా అదే పొందుతావు”.

• ఇందులో విశ్వాసులు ఒకరి పట్ల ఒకరు దయగా ఉండాలని, కరుణ కలిగి ఉండాలనే ప్రోత్సాహం ఉన్నది, చివరికి దుఆ చేయునపుడు కూడా.
• వారి వీపు వెనక వారి మంచి కొరకు దుఆ చేయడం అనేది విశ్వాసం మరియు సోదరభావం యొక్క నిజాయితీని స్పష్టంగా ప్రదర్శిస్తుంది.
• దుఆను వారి సమక్షంలో లేనప్పుడు వారి కొరకు చేయడానికే పరిమితం చేయడం, మీ నిజాయితీని మరియు వారి పట్ల మీ హృదయం ఎప్పుడూ హాజరుగా ఉండడాన్ని మరింత ప్రభావవంతంగా ప్రదర్శిస్తుంది.
• దులు స్వీకరించబడటానికి ఒక కారణం ఏమిటంటే, ఒక ముస్లిం తన సోదరుడు తన దగ్గరగా లేనప్పుడు అంటే అతని పరోక్షములో అతని కోసం ప్రార్థించడం.
• ఇమాం అన్-నవవి రహిమహుల్లాహ్ ఇలా అన్నారు: "ఒక ముస్లిం సోదరుడు తన దగ్గరగా లేనప్పుడు అతని కోసం దుఆ చేయడంలో ఒక ఘనత ఉన్నది. ఒక్కరి కొరకు మాత్రమే కాకుండా, ఎవరైనా ముస్లింల సమూహం కొరకు లేదా ముస్లిం సమాజం కొరకు దుఆ చేసినా, ఈ పుణ్యం లభిస్తుంది. అలాగే అందరు ముస్లింల కొరకు ఎవరైనా వేడుకుంటే (దుఆ చేస్తే) కూడా, ఈ ఘనత లభిస్తుంది." పూర్వ ముస్లింలలో కొందరు తమ స్వయం కొరకు దుఆ చేయాలని అనుకున్నపుడు, వారు తోటి ముస్లిం సోదరుని కొరకు కూడా ఆ దుఆ చేసేవారు, ఎందుకంటే ఆ దుఆకు సమాధానం ఇవ్వబడుతుంది మరియు ఆ కారణంగా తమకు కూడా అదే ప్రసాదించబడుతుంది అని.
• ఈ హదీథులో దైవదూతలకు నిర్దేశించబడిన కొన్ని పనుల యొక్క వివరణ ఉన్నది. మరియు వారిలో కొందరు హదీథులో చెప్పబడిన ఈ పని కొరకు నియమించబడినారు అని అర్థమవుతున్నది.

1. హోమ్
2. అఖీద
3. దైవ దూతలపై విశ్వాసం.
4. హదీస్

1. హోమ్
2. సద్గుణాలు మరియు పద్దతులు
3. ఫజాయిల్
4. దుఆ ప్రాముఖ్యతలు
5. హదీస్

• “మనిషి చనిపోయినపుడు అతని ఆచరణలు ముగిసిపోతాయి; మూడు (ఆచరణలు) తప్ప: కొనసాగుతూ ఉండే దానము; ప్రయోజనకరమైన ఙ్ఞానము; అతని కొరకు దుఆ చేసే ధార్మికుడైన కుమారుడు.”...
• “దుఆ (అల్లాహ్ ను వేడుకొనుట) యే అసలు ఇబాదత్ (ఆరాధన)
• నిశ్చయంగా, మీలో ఒకరి సృష్టి అతని తల్లి కడుపులో నలభై రోజులు నీటి బిందువు (స్పెర్మ్)గా సేకరించబడుతుంది...
• “అల్లాహ్ ఎదుట అత్యంత గౌరవనీయమైనది ‘దుఆ’ తప్ప మరింకేమీ లేదు”