ఈ హదీథులో అబూ సయీద్ అల్-ఖుద్రీ (రదియల్లాహు అన్హు) ఒక వృత్తాంతాన్ని ఇలా ప్రస్తావిస్తున్నారు: ఒక వ్యక్తి - మరొక వ్యక్తి రాత్రంతా “ఖుల్ హువల్లాహు అహద్..” సూరహ్ ను, దానికి ఇంకేమీ జోడించకుండా, కేవల ఆ ఒక్క సూరానే పునరావృతం చేస్తూ పఠించడం విన్నాడు. మర్నాడు ఉదయం ఆ వ్యక్తి రసూలుల్లాహ్ (సల్లల్లాహు అలైహి వసల్లం) వద్దకు వచ్చి ఆయన సల్లల్లాహు అలైహి వసల్లంతో ఈ విషయం చెప్పాడు. అతడు చెప్పడం – ఆ వ్యక్తి చేసినది చాలా తక్కువగా ఉందని భావిస్తున్నట్లుగా ఉంది. దానికి ప్రవక్త (సల్లల్లాహు అలైహి వసల్లం) నొక్కి చెబుతున్నట్లుగా ప్రమాణం చేస్తూ మరీ ఇలా అన్నారు: “ఎవరి చేతిలోనైతే నా ఆత్మ ఉన్నదో, ఆయన సాక్షిగా, అది ఖుర్’ఆన్ లో మూడో వంతుకు సమానం.”

• ఇందులో సూరతుల్ ఇఖ్లాస్ యొక్క ఘనత మరియు అది ఖుర్’ఆన్ లో మూడో వంతుకు సమానం అని తెలుస్తున్నది.
• రాత్రి నమాజు సమయంలో (తహజ్జుద్’లో పూర్తి సూరాలు, పెద్దపెద్ద ఆయతులు కాకుండా) కొన్ని ఆయతులే అయినా సరే పఠించడానికి అనుమతి ఉన్నది, అవి చిన్న ఆయతులే అయినప్పటికీ వాటినే పునరావృతం చేయడానికి అనుమతి ఉన్నది, అయితే దానిని తగ్గించరాదు.
• అల్ మాజిరీ (రహిమహుల్లాహ్) ఇలా అన్నారు: “కొంతమంది ధార్మిక పండితులు (ఉలమాలు) ఇలా అన్నారు: “దీని అర్థం ‘ఖుర్’ఆన్ మూడు భాగాలుగా ఉన్నది; గాథలు, ఆదేశాలు మరియు అల్లాహ్ యొక్క నామములు మరియు గుణవిషేషణాలు. “ఖుల్ హువల్లాహు అహద్... (ఓ ప్రవక్తా! ఇలా అను: "ఆయనే అల్లాహ్‌! ఏకైకుడు...) ఇది పూర్తిగా, సంపూర్ణంగా అల్లాహ్ యొక్క గుణవిషేషణాలకు సంబంధించినది. అంటే మూడు భాగాలలో ఒక భాగం.” మరికొంతమంది ఉలమాలు ఇలా అన్నారు: “దీని అర్థము: దీని పఠనం వల్ల వచ్చే ప్రతిఫలం, అదనపు హెచ్చింపు లేకుండా మూడింట ఒక వంతు ఖుర్’ఆన్ పఠనం వల్ల వచ్చే ప్రతిఫలానికి సమానం అవుతుంది.”

1. హోమ్
2. పవిత్ర ఖుర్ఆన్ మరియు దాని శాస్త్రాలు
3. ఖుర్ఆన్ సుగుణాలు
4. సూరాలు మరియు ఆయతుల ప్రాముఖ్యతలు.
5. హదీస్

• “మీ ఇళ్ళను స్మశానాలు గా మార్చకండి. నిశ్చయంగా ఏ ఇంటిలోనైతే సూరతుల్ బఖరహ్ పారాయణం చేయబడుతుందో ఆ ఇంటినుండి షైతాను పారిపోతాడు.”...
• మీకు ప్రసాదించబడుతున్న రెండు కాంతి పుంజముల శుభవార్తను స్వీకరించండి; మీకు ముందు ఏ సందేశహరునికీ ఇవి ఇవ్వబడలేదు: ‘ఫాతిహతుల్ కితాబ్’ (సూరహ్ ఫాతిహా), మరియు సూరహ్ అల్ బఖరహ్ యొక్క చివరి ఆయతులు. దాని నుండి మీరు ఒక్క అక్షరం పఠించినా అది (దాని ప్రతిఫ...
• ఓ అబుల్ ముంజిర్! నీ దగ్గర ఉన్న అల్లాహ్ యొక్క దివ్య గ్రంథములో ఏ ఆయతు అన్నింటి కంటే అత్యంత గొప్పది మరియు ఘనమైనదో నీకు తెలుసా?” అని ప్రశ్నించినారు. అపుడు నేను “అల్లాహు లా ఇలాహ ఇల్లా హువల్ హయ్యుల్ ఖయ్యూం” (సూరహ్ అల్ బఖరహ్ 2:255) (అల్లాహ్‌! ఆయన ...
• “సర్వోన్నతుడైన అల్లాహ్ ఇలా ప్రకటించాడు: “నేను సలాహ్ ను (నమాజును) నాకూ మరియు నా దాసునికి మధ్య రెండు సమభాగాలుగా చేసినాను. మరియు నా దాసుని కొరకు అతడు అర్థించినది (తప్పక) ప్రసాదించబడుతుంది...