रसूल (सल्लल्लाहु अलैहि वसल्लम) ले अपमान, हीनता र क्षतिको रूपमा तीन प्रकारका मानिसहरू अपमानित होस् भनेर सराप्नुभएको छ: पहिलो: ती व्यक्तिहरू हुन्, जसको उपस्थितिमा रसूल (सल्लल्लाहु अलैहि वसल्लम) को नाम उल्लेख गरिन्छ, तर उनीहरूले ‘सल्लल्लाहु अलैहि वसल्लम’ आदि शब्द उच्चारण गरी उहाँमाथि दरूद पठाउँदैनन्। दोस्रो: जसले रमजानको महिना त पायो, तर आज्ञापालन र उपासनाका कार्यहरूमा आफ्नै लापरबाहीका कारण क्षमा प्राप्त गर्न सकेन र रमजान महिना सकिएर गयो। तेस्रोः जसले आफ्ना बाबुआमालाई वृद्धावस्थामा पायो तर तिनीहरूको सम्मान र हक पूरा गर्ने कर्तव्य पूरा गरेन र फलस्वरूप स्वर्ग प्राप्त गर्न सकेन।

• सिन्दीले भने: निष्कर्ष यो हो कि यी प्रत्येक व्यक्तिले यस्तो अवसर प्राप्त गरेका थिए, जसप्रति यदि उनीहरूले लापरबाही नगरेका भए, त्यसबाट असीम कल्याण एवं भलाइ प्राप्त गर्न सक्ने थिए। तर जब उनीहरूले लापरबाही गरे र त्यो अवसर गुमाए, तब उनीहरू अन्ततः असफल सावित भए र ठूलो नोक्सानीमा परे।
• नबी (सल्लल्लाहु अलैहि वसल्लम) को नाम उच्चारण हुँदा हरेक पटक उहाँमाथि दरुद पठाउन प्रोत्साहन गरिएको छ।
• रमजानको पवित्र महिनामा उपासना प्रति विशेष निष्ठा, लगनशीलता र कडा परिश्रम गर्न प्रोत्साहित गरिएको छ।
• विशेष गरी बुढेसकालको अवस्थामा आमाबाबुको सम्मान, आदर एवं सेवा गर्न विशेष प्रोत्साहन दिइएको छ।

1. Home
2. सद्गुण र आचरण
3. दुआ र जिक्र (स्तुति) को न्यायशास्त्र
4. दु:ख पर्दा गरिने दुआहरू
5. Hadith

• के म तिमीहरूलाई त्यो कुरा सिकाइदिऊँ, जुन तिमीहरूले माग गरेको सेवकभन्दा उत्तम छ? जब तिमीहरू आफ्नो ओछ्यानमा जान्छौ, तब ३३ पटक ‘सुब्हानल्लाह’, ३३ पटक ‘अल्हम्दुलिल्लाह’ र ३४ पटक ‘अल्लाहु अकबर’ भन्ने गर। यो कार्य तिमीहरू दुवैका निम्ति एउटा सेवक ...
• तिमीहरूले हावालाई गाली नगर। यदि तिमीहरूले हावाको कारणले कुनै कष्ट वा मन नपर्ने कुरा देख्यौ भने यो प्रार्थना गर: हे अल्लाह! हामी तपाईंसँग यो हावाको राम्रो पक्ष, यसमा लुकेको राम्रो कुरा र यसलाई दिइएको आदेशको शुभफल माग्दछौँ। र हामी यो हावाको न...
• जो कोही कुनै ठाउँमा ओर्लन्छ र यो दुआ पढ्छ: 'अऊजु बिकलिमातिल्लाहि-त्ताम्माति मिन् शर्रि मा खलक् ।’ (म अल्लाहको पूर्ण वचनहरूद्वारा सृष्टिको प्रत्येक हानीनोक्सानी बाट शरण चाहन्छु ।) त्यो ठाउँमा बसुन्जेल उसलाई कुनै पनि कुराले हानि गर्न सक्दैन ।...
• जसले खाना खायो र भन्यो: 'अल्हम्दुलिल्लाहिल्लजी अत्अमनी हाजा व रजक़नीहि मिन ग़ैरि हौलिन मिन्नी वला कुव्वह्' (सम्पूर्ण प्रशंसा अल्लाहकै लागि हो, जसले मलाई यो खाना खुवाउनुभयो र मेरो कुनै शक्ति वा सामर्थ्य बिना नै मलाई यो प्रदान गर्नुभयो), उसका...