တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူခဲ့သည်မှာ - အကယ် ၍ ကိုယ်တော်သည် မိမိအွမ္မသ်‌နောက်လိုက်သားများအနက် မုအ်မင်န်ယုံကြည်သူများအခက်အခဲနှင့် ရင်ဆိုင်ရမည်ကို စိုးရိမ်ခြင်းမရှိခဲ့လျှင်၊ကိုယ်တော်သည် ၎င်းတို့အား ဆွလားသ်တိုင်းအတွက် မိစ်ဝါက်သုံးစွဲရန် မဖြစ်မနေ တာဝန်ပေးအပ်ပြဋ္ဌာန်းခဲ့မည် ဖြစ်သည်။

• ၁။ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် မိမိ၏အွမ္မသ်နောက်လိုက်သားများအပေါ် အလွန်သနားကြင်နာတော်မူပြီး၊ ၎င်းတို့ အခက်အခဲနှင့် ရင်ဆိုင်ရမည်ကို စိုးရိမ်တော်မူခြင်း။
• ၂။ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ၏ မိန့်မှာချက်သည် မဖြစ်မနေလုပ်ဆောင်ရမည့် တာဝန်အဖြစ် ညွှန်ပြသည်။ သို့ရာတွင် ထိုသို့မဟုတ်ကြောင်း (ဖရဿ်ွတာဝန်မဟုတ်ဘဲ) နဖိလ်(ပြုလုပ်လျှင် အကျိုးစဝါးဗ်ရပြီး မလုပ်လျှင် အပြစ်မထိုက်သည့် အမလ်) သာလျှင်ဖြစ်ကြောင်း သက်သေပြသည့် အထောက်အထားရှိလျှင်မူ ၎င်းအား နဖိလ်အဖြစ် သတ်မှတ်နိုင်သည်။
• ၃။ ဆွလာသ်တိုင်းအတွက် မိစ်ဝါးက်သုံးစွဲခြင်းသည် မွတ်စ်သဟဗ်ဖြစ်ခြင်းနှင့် ယင်း၏အကျိုးကျေးဇူးများ။
• ၄။ အိဗ်နုဒကီကိလ်အီဒ်က ဤသို့ ဖွင့်ဆိုခဲ့သည် - ဆွလာသ်ဝတ်ပြရန်အတွက် ထသောအချိန်တွင် မိစ်ဝါးက်တံပူဖြင့် တိုက်ခြင်းသည် မွတ်စ်သဟဗ်ဖြစ်ရခြင်း၏ ဟိက်မသ်ဉာဏ်အမြှော်မြင်မှာ ဆွလာသ်သည် အလ္လာဟ်အရှင်မြတ်ထံ နီးစပ်ရန် ချဉ်းကပ်ရသောအခြေအနေဖြစ်သောကြောင့်၊ အိဗာဒသ်ခဝပ်ဆည်းကပ်မှု၏ ထူးကဲမြင့်မြတ်မှုကို ထင်ရှားစေရန် အတွက် ပြည့်ဝစုံလင်ခြင်းနှင့် သန့်ရှင်းခြင်း အခြေအနေ၌ ဖြစ်ရန်လိုအပ်သည်။
• ၅။ ဤဟဒီးဆ်၏ ယေဘုယျအဓိပ္ပာယ်တွင် ဆွိယာမ်ဥပုသ်‌စောင့်ထိန်းထားသူများအတွက်လည်း မစ်ဝါးက်တံပူတိုက်ခြင်း ပါဝင်ပါသည်။ ထိုသို့ မစ်ဝါးက်တံပူတိုက်ခြင်းကို မွန်းလွဲချိန် နောက်ပိုင်းတွင်လည်းပြုလုပ်နိုင်သည်။ ဥပမာ ဇုဟုရ်နှင့်အဆွရ် ဆွလားသ်များတွင်လည်း မိစ်ဝါးက်တံပူ တိုက်နိုင်သည်။

1. ပင်မစာမျက်နှာ
2. အတ္ထုပ္ပတ္တိနှင့် သမိုင်း။
3. တမန်တော်မြတ် (ﷺ)၏ အတ္ထုပ္ပတ္တိ။
4. တမန်တော်မြတ်(ﷺ)၏ ရုပ်ဆင်းအင်္ဂါတော်။
5. ဟဒီးဆ်

• အလ္လာဟ်အရှင်မြတ်၏ တမန်တော် (ဆွလ္လလ္လာဟုအလိုင်ဟိဝစလ္လမ်) သည် နှာချေသောအခါတွင် မိမိ၏လက်ကို ( သို့မဟုတ် မိမိ၏အဝတ်ကို) ပါးစပ်ပေါ် တင်ထားမူပြီး၊ ၎င်း( လက် (သို့) အဝတ် ) ဖြင့် မိမိ၏အသံကို နှိမ့်ချတော်မူလေသည် ( သို့မဟုတ် ဖုံးဖိတော်မူလေသည် )။...