တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က အလ္လာဟ်အရှင်မြတ်နှစ်သက်ရန်အတွက် သီးသန့် ရည်စူး၍ မွတ်စ်လင်မ်များနှင့် ကာဖိရ်များကြား နယ်စပ်ဒေသတွင် မွတ်စ်လင်မ်များကို ကာဖိရ်များထံမှ ကာကွယ်ရန်အတွက် တစ်ရက်တာ တပ်စွဲနေထိုင်ခြင်း (ကင်း‌စောင့်ခြင်း)သည် ဤလောကနှင့် ၎င်းတွင်ရှိသမျှအရာအားလုံးထက် ပို၍ကောင်းကြောင်း၊ အလ္လာဟ်အရှင်၏ လမ်းတော် (ဂျီဟာဒ်)တွင် အသုံးပြုသည့် ကြာပွတ်တစ်ချောင်းစာ နေရာသည် ဂျန္နသ်သုခဘုံတွင် ဤလောကနှင့် ၎င်းတွင်ရှိသမျှအရာအားလုံးထက် ပို၍ကောင်းကြောင်း၊ ထို့ပြင် မနက်ခင်းအစမှ ဇုဟုရ်စတင်ဝင်‌ ရောက်ချိန်အထိ သို့မဟုတ် နေ့လယ်မှ ညအထိ အလ္လာဟ်အရှင်မြတ်၏လမ်းတော်၌ တစ်ကြိမ် ခရီးသွားခြင်း၏ အကျိုးနှင့် ကောင်း မှုသည် ဤလောကနှင့် ၎င်းတွင်ရှိသမျှအရာအားလုံးထက် ပို၍ကောင်း၏။

• ၁။ အလ္လာဟ်အရှင်မြတ်၏လမ်းတော်တွင် ကင်းစောင့်ခြင်း (နယ်ခြား၌ စောင့်ကြပ်ခြင်း)၏ မွန်မြတ်မှု။ အကြောင်းမှာ ၎င်းတွင် မိမိအသက်ကို စတေးရခြင်း၊ အလ္လာဟ်အရှင်မြတ်၏ကလိမဟ်တော်ကို မြှင့်တင်ခြင်းနှင့် အရှင်မြတ်၏သာသနာကို ကူညီခြင်းတို့ ပါဝင်သောကြောင့် ဖြစ်သည်။ သို့ဖြစ်၍ (နယ်ခြား၌ ကင်းစောင့်ခြင်း၏) တစ်ရက်တည်းသော ကောင်းမှုအကျိုးသည် လောကနှင့် ၎င်းတွင်ရှိသော အရာအားလုံးထက် ပို၍ကောင်းမြတ်ခြင်းဖြစ်သည်။
• ၂။ နောင်တမလွန်ဘဝနှင့်ယှဥ်လျင် ဒွန်ယာလောကသည် မပြောပြလောက်အောင်ပင် သေးသိမ်လှသည်။ အဘယ် ကြောင့်ဆိုသော် ဂျန္နသ်သုခဘုံ၌ ကြာပွတ်တစ်‌ချောင်းစာနေရာသည် လောကီနှင့် ၎င်းရှိအရာအားလုံးထက် ပို၍မြတ်၏။
• ၃။ အလ္လာဟ်အရှင်မြတ်၏လမ်းတော်တွင် စစ်ပြုခြင်း (ဂျိဟာဒ်)၏ မွန်မြတ်မှုနှင့် ယင်း၏ကြီးမားသော ကောင်းမှုအကျိုး (ကို ဖော်ပြထားသည်။) အဘယ်ကြောင့်ဆိုသော် ညနေခင်း သို့မဟုတ် မနက်ခင်းအချိန်တွင် အလ္လာဟ်အရှင်မြတ်၏လမ်းတော်၌ တစ်ကြိမ်ထွက်ခွာသွားခြင်း၏ အကျိုးသည် လောကီနှင့် ၎င်းရှိအရာအားလုံးထက် ပို၍မြတ်၏။
• ၄။ "في سبيل الله" (အလ္လာဟ်အရှင်မြတ်၏လမ်းတော်တွင်) ဟူသော စကားသည် အိခ်လာစ် (စိတ်ရင်းဖြူစင်မှု) ၏ အရေးပါမှုကို ညွှန်ပြပြီး အဆိုပါကောင်းမှုအကျိုးသည် ယင်းစိတ်ရင်းဖြူစင်မှုအပေါ်တွင် မူတည်ကြောင်း ဖော်ပြထားသည်။

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. ထွတ်မြတ်မှုများ။
4. ကောင်းမြတ်သည့် အမလ်ကျင့်ဆောင်မှုများ၏ ထွတ်မြတ်မှုများ။
5. ဟဒီးဆ်

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. ဂျိဟာဒ်။
5. ဂျိဟာဒ်၏ ထွတ်မြတ်မှု။
6. ဟဒီးဆ်

• အကြင်သူသည် ဂျိဟာဒ်အလ္လာဟ်လမ်းတွင် စစ်တိုက်ရန်ထွက်ခွါမည့်စစ်သည်တော်အား လိုအပ်သည့်ပစ္စည်းများစီစဉ်ပေးပါက သူသည် ဂျိဟာဒ်သွားသည့်ကုသိုလ်ရရှိမည်။ အကြင်သူသည် ဂျိဟာဒ်အလ္လာဟ်အရှင်မြတ်လမ်း‌တော်တွင် စစ်တိုက်ရန်ထွက်ခွါမည့်သူ၏ကျန်ရစ်ခဲ့သောမိသားစုကို ကော...
• ငါကိုယ်တော် အသင်တို့အား အလ္လာဟ်အရှင်မြတ်က အပြစ်များကိုပယ်ဖျက်ပေးပြီး၊ အဆင့်အတန်းများကို မြှင့်တင်ပေးသောအရာကို မညွှန်ပြရဘူးလား...
• 'အလ္လာဟ်အရှင်မြတ်သည် သူမ၏ ဤလုပ်ရပ်ကြောင့် သူမအတွက် ဂျန္နတ်သုခဘုံကို ဝါဂျိဗ်အဖြစ်သတ်မှတ် (သေချာစေတော်မူ )ခဲ့သည်။ သို့မဟုတ် ဂျဟန္နမ်ငရဲမှ လွတ်မြောက်ခွင့် ပေးသနားတော်မူခဲ့သည်။...
• အသင်တို့သည် အသင်တို့အား ဖန်ဆင်းမွေးမြူတော်မူသော အရှင်မြတ်အပေါ် သက္ကဝါတရားထားကြပါ၊ အသင်တို့၏ ဆွလာသ်ငါးကြိမ်ကို ဆောက်တည်ကြပါ၊ အသင်တို့(ရမဿွာန်)လ၏ ဆွိယာမ်ဥပုသ်ကို စောင့်ထိန်းကြပါ၊ အသင်တို့ ဥစ္စာပစ္စည်းများမှ ဇကာသ် ပေးဆောင်ကြပါ၊ အသင်တို့အား အုပ...