နဗီတမန်တော်မြတ် (ဆွလ္လလ္လာဟုအလိုင်ဟိဝစလ္လမ်) မိန့်ကြားခဲ့သည်မှာ - မည်သူမဆို တစ်ဦးထက်ပိုသော ဇနီးများရှိပြီး ၎င်းတို့အကြား ငွေကြေးသုံးစွဲမှု၊ နေအိမ်၊ အဝတ်အစားနှင့် ညအတူနေထိုင်ခြင်းစသည့် လက်တွေ့ကျသော ကိစ္စရပ်များတွင် ဖြစ်နိုင်သမျှတရားမျှတမှုကို မဆောင်ရွက်ပါက ကိယာမသ်နေ့တွင် ၎င်း၏ကိုယ်ခန္ဓာတစ်ခြမ်းမှာ စောင်းနေမည်ဖြစ်ပြီး၊ ဤသည်မှာ လောကီဘဝ၌ (ဇနီးများကြား ဆက်ဆံရာတွင်) မညီမျှမှုပြုခဲ့သည့် အတွက် အပြစ်ဒဏ်ပေးခြင်း ဖြစ်သည်။

• ၁။ ဇနီးနှစ်ဦး (သို့မဟုတ်) နှစ်ဦးထက်ပို ရှိပါက ၎င်းတို့ကြား မျှတမှုဖြင့် (အခွင့်အရေးများ) ခွဲဝေပေးရန် လင်ယောက်ျားအပေါ် တာဝန်ရှိသည်။ အခြားဇနီးများကို စွန့်လွှတ်ပြီး တစ်ဦးတည်းဘက်သို့ ယိမ်းညွှတ်ခြင်းသည် ဟရာမ်ဖြစ်သည်။ ထိုသို့သော ယိမ်းညွှတ်မှုသည် ၎င်းတတ်စွမ်းနိုင်သော ကိစ္စရပ်များဖြစ်သည့် ငွေကြေးသုံးစွဲမှု၊ ညအတူ‌ကုန်ဆုံးမှု၊ ကောင်းမွန်စွာ ဆက်ဆံခြင်း စသည်တို့တွင် ဖြစ်သည်။
• ၂။ လူတစ်ဦး လုပ်နိုင်စွမ်းရှိသည့် ရက်စဉ်အလှည့်ကျနေထိုင်ခြင်း စသည့်ကိစ္စရပ်များတွင် (ဇနီးများကြား) တန်းတူညီမျှစွာ ပြုလုပ်ရန် အရေးကြီးသည်။ ချစ်ခြင်းမေတ္တာနှင့် နှလုံးသား၏ ယိမ်းညွှတ်မှုကဲ့သို့သော အရာများသည် လူသား၏ ထိန်းချုပ်နိုင်စွမ်းအတွင်း မရှိသောကြောင့် ဤဟဒီးဆ်တွင် (ဖော်ပြထားသောပြစ်ဒဏ်တွင်) မပါဝင်ပါ။ ဤသည်ပင်လျှင် အလ္လာဟ်အရှင်မြတ်၏ မိန့်ကြားချက်တွင်လာရှိသည့် - "ထို့ပြင် အကယ်၍ အသင်တို့သည် (မည်မျှပင် တရားမျှတရန်) ဆန္ဒထားကြလျှင်လည်း အသင်တို့သည် ဇနီးမိန်းမများ၏ ကြားတွင် (ဘက်ပေါင်းစုံမှ) တရားမျှတအောင်မူ လုံးဝ ပြုနိုင်ကြမည်မဟုတ်ပေ။" (ဆူရာဟ်နိဆာအ် ၄:၁၂၉) ဟူသော အာယသ်တော်၏ အလိုသဘော ဖြစ်သည်။
• ၃။ အကျိုးဆက်သည် ပြုမူခဲ့သည့်အရာ၏ အမျိုးအစားနှင့်အညီ ဖြစ်ပေါ်လာသည် - လောကီဘဝတွင် ဇနီးတစ်ဦးထံ ယိမ်းညွှတ်ခဲ့သူသည် ကိယာမသ်နေ့တွင် ၎င်း၏ကိုယ်ခန္ဓာမှာ တစ်ခြမ်းစောင်းနေသောအခြေအနေဖြင့် ရောက်ရှိလာလိမ့်မည်။
• ၄။ ဟူကူကွလ်အိဗာဒ် (လူသားတို့ကြား ရှိသည့် ဝတ္တရားများ) ကို အလွန်ကြီးကျယ်မြင့်မြတ်ကြောင်း ဖော်ပြထားပြီး ၎င်းတို့ကို (ပျက်ကွက်ခြင်းသည်) ခွင့်လွှတ်ခြင်းခံရမည်မဟုတ်ပေ။ အဘယ့်ကြောင့်ဆိုသော် ဤဝတ္တရားများသည် အလွန်တွန့်တိုစေးနှဲမှုနှင့် ချို့တဲ့စွာ ပေးဆပ်ခြင်းပေါ်တွင် အခြေခံသောကြောင့်ဖြစ်သည်။
• ၅။ လင်ယောက်ျားအနေဖြင့် မိမိဇနီးများကြား မျှတမှု မပြုနိုင်မည်ကို စိုးရိမ်ပါက ဇနီးတစ်ဦးတည်းဖြင့်ရောင့်ရဲခြင်းသည် မွတ်စ်သဟဗ်ဖြစ်သည်။ အကြောင်းမှာ သာသနာ့ကိစ္စရပ်တွင် ပျက်ကွက်မှု မဖြစ်စေရန်အတွက် ဖြစ်သည်။ အလ္လာဟ်အရှင်မြတ်က မိန့်တော်မူသည် - "ထို့နောက် အကယ်၍ အသင်တို့သည် (မိန်းမ တစ်ဦးထက်ပို၍ ထိမ်းမြားရာ၌) တရားမမျှတနိုင်မည်ကို စိုးရိမ်ရလျှင် (ဇနီးမိန်းမ) တစ်ဦးတည်းနှင့်သာ (နေရမည်)။" (ဆူရာဟ်နိဆာအ် ၄:၃)

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. မိသားစုဆိုင်ရာ ဖိကဟ်။
4. ထိမ်းမြားခြင်း။
5. ဇနီးမောင်နှံကြား ပေါင်းသင်းဆက်ဆံရေး။
6. ဟဒီးဆ်

• ကျွန်ုပ်က‌ လျှောက်ထားမေးမြန်းခဲ့သည်မှာ - အို- အလ္လာဟ်အရှင်မြတ်၏ ရစူလ်တမန်တော်၊ ကျွန်တော်မျိုးတို့ထဲမှ တစ်ဦးဦးအပေါ်၌ ၎င်း၏ဇနီးမိန်းမနှင့် ပတ်သတ်၍ မည်သည့်ဝတ္တရားရှိပါသနည်း။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) က မိန့်ကြားတော်မူသည်-"အသင်...
• သင်တို့အားလုံးသည် အုပ်ထိန်းသူများဖြစ်ကြပြီး၊ မိမိ၏ လက်အောက် ငယ်သားများနှင့် ပတ်သတ်ပြီး မေးမြန်းခြင်းခံကြရမည် ဖြစ်သည်...
• - "မုဟမ္မဒ်(ဆွလ္လလ္လာဟုအလိုင်ဟိဝစလ္လမ်)၏ ဇနီးသည်များအနားတွင် အမျိုးသမီးအများအပြားသည် ၎င်းတို့၏ လင်‌ယောက်ကျားများအကြောင်း တိုင်ကြားလျှောက်ထားရန် ဝိုင်းရံလာခဲ့ကြသည်။ ထိုကဲ့သို့ (ဇနီးများကို ရိုက်နှက်သော) သူတို့သည် အသင်တို့ထဲတွင် အကောင်းဆုံးသူ...
• မုအ်မင်န် သက်ဝင်ယုံကြည်သူများအနက် အီမာန် ယုံကြည်မှုအားဖြင့် အပြည့်ဝဆုံးသူမှာ ကိုယ်ကျင့်တရား အကောင်းဆုံးသူပင်ဖြစ်သည်။ သင်တို့အနက် အကောင်းဆုံးသူမှာ အသင်တို့၏ အမျိုးသမီးများအပေါ် အကောင်းဆုံးသူပင် ဖြစ်သည်။...