Profeti ﷺ në këtë hadith tregon se kush ka më shumë se një grua dhe nuk mban drejtësi mes tyre, sa të ketë mundësi, duke i trajtuar njësoj në aspektin e mbështetjes financiare, strehimit, veshjes dhe qëndrimit të natës, gjysma e trupit të tij do të jetë e shtrembër në Ditën e Gjykimit, si dënim për të. Ky shtrembërim është pasojë e padrejtësisë së tij dhe pasqyrë e trajtimit të pabarabartë, që u ka bërë grave të tij.

• Burri duhet ta ndajë kohën e tij në mënyrë të drejtë mes grave të tij, qoftë dy apo më shumë. Është e ndaluar që ai të anojë nga njëra më shumë se nga tjetra në ato gjëra që janë brenda mundësive të tij, siç janë mbajtja financiare, qëndrimi i natës, sjellja e mirë, e kështu me radhë.
• Barazia është e detyrueshme kur bëhet fjalë për ndarjen e kohës dhe gjërat e tjera që njeriu i ka në dorë. Mirëpo dashuria dhe prirja emocionale, të cilat janë jashtë kontrollit të njeriut, nuk përfshihen në këtë hadith. Kjo është ajo që nënkuptohet në fjalën e Allahut: "Ju nuk do të mund të silleni drejt midis grave tuaja, edhe sikur të dëshironi." (En Nisa, 129)
• Dënimi është sipas llojit të veprës; prandaj, kur një burrë anon në këtë botë nga njëra grua më shumë se nga tjetra, ai do të vijë në Ditën e Gjykimit me njërën anë të trupit të tij të varur.
• Rëndësia e respektimit të të drejtave të të tjerëve qëndron në faktin se ato nuk anashkalohen dhe as nuk falen lehtësisht, sepse janë të ndërtuara mbi kërkimin e hollësishëm të së drejtës.
• Preferohet që njeriu ta ketë vetëm një grua, nëse frikësohet se nuk do të mund të sillet drejtësisht me gratë e tij, në mënyrë që të mos bëhet neglizhent në fe. Allahu i Lartësuar thotë: “... e, nëse frikësoheni se nuk do të jeni të drejtë ndaj të gjithave njësoj, atëherë mjaftohuni me një grua...” (En Nisa, 3)

1. Ballina
2. Fikhu dhe usuli-fikh (bazat e fikhut)
3. Fikhu i familjes
4. Martesa
5. Jeta bashkëshortore
6. Hadithi

• Besimtari me besimin më të plotë është ai që ka moral më të mirë. Më të zgjedhurit prej jush janë ata që janë më të mirët me gratë e tyre
• ka thënë: ''O i Dërguar i Allahut, cila është e drejta e gruas ndaj burrit të saj?'' Ai tha: “Ta ushqesh kur ushqehesh vetë, ta veshësh kur vesh veten ose kur fiton të ardhura, mos ta godasësh në fytyrë, mos e fyej dhe mos e lër (në shpërfi...
• Të gjithë ju jeni barinj dhe secili është përgjegjës për tufën e tij