Nabiyaamã -Wẽnd pʋʋsg la A tɩlgr be a yĩnga- vẽnegame tɩ ad bũmb ka be, tũud-rãmbã pʋgẽ, sõmblem Wẽnd nengẽ n yɩɩd kosg ye, bala kosgã pʋgẽ, reeg-m-zug n be a pʋgẽ ne Wẽnd sek-m-mengã, A Naam yɩlgame n zẽke, la f leb n reeg f zugẽ tɩ yamb yaa koangda, a leb n tara tʋlsem ne Wẽnde.

• Wẽnd kosgo yɩɩdlem ning sẽn be a pʋgẽ, la ned ning sẽn kosda Wẽnde, mikdame tɩ yaa ned sẽn zɩsgd Wẽnde, a leb n reega a zugẽ tɩ Wẽnd la sek-m-meng Naaba, yɩlgem be ne Wẽnde, rẽnd talga b ka kot-a ye, leb n wilgdame t'A yaa wʋmda bala wʋnga b ka kot-a ye, leb n wilgdame t'A yaa kõata, bala beed-soaba b ka kot-a, leb n wilgdame t'A yaa yolsda bala keelem soaba b ka kot-a ye, leb n wilgdame t'A yaa tõogda bala koangda b ka kot-a ye, wilgdame t'A pẽeme bala sẽn zãra a ka wʋmd ye, la zẽng sẽn ka yɩ ne rẽ, sẽn yaa waoor la ra-sãndlem sɩf-rãmba, n kõt Wẽnde, A Naam yɩ wagell n zẽke.