lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ...

Yii a Ʋmar ɭbn Al-hattaab nengẽ, -Wẽnd yard be a yĩnga-, a yeelame: Raar a yembr tõnd sẽn da zĩ Wẽnd Tẽn-tʋʋm nengẽ, -Wẽnd pʋʋsg la A tɩlgr be a yĩnga-, la raoa sẽn puk tõnd nengẽ, t'a futã peelem yaa wʋsgo, t'a zugã zoobd sablem yaa wʋsgo, b ka ne sor vũun a zug ye, ned baa a yembr me ka mi-a tõnd pʋgẽ, halɩ t'a wa tʋg n zĩnd Nabiyaama nengẽ, -Wẽnd pʋʋsg la A tɩlgr be a yĩnga-, n tik a rũm a yiibã n teeg Nabiyaamã rũmã, n rɩk a nus tal a yiibã n rogl a gε a yiibã zugu, n yeele: « Mʋhammade, wilg maam lɩslaang sẽn yaa a soaba, t'a yeele: « tɩ Wẽnd Tẽn-tʋʋma, -Wẽnd pʋʋsg la a tɩlgr be a yĩnga-, yeele: « lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ». La a yeele: « f togs sɩda». T'a Ʋmar yeele: «tɩ tõnd maan yel-solemd ne-a, a sẽn sokd Nabiyaamã la a leb n sɩdgd-a wã». La raoa yeele: « bɩ f kõ maam kibare sɩd-kũun sẽn yaa a soaba»,Tɩ Nabiyaamã yeele: « yaa f kõ sɩd ne Wẽnde, la A malεgsã la A Gaf-rãmbã la A Tẽn-tʋʋmbã la Yaoolem Raarã, la f kõ sɩd ne Pʋlengã, a wẽnga la a sõma». La a yeele: « f togsa sɩda». T'a yeele: « bɩ f togs maam manegre». La a yeele: «yaa fo tũ Wẽnde, tɩ yaa wala fo ne-A lame, bala fo sã n yɩ n ka ne-A, ad A ne-f lame». T'ɑ yeele: «bɩ f togs mɑɑm dũni yikr wɑkato», lɑ ɑ yeele: «ɑd fo pɑ mi-ɑ mɑ me kɑ mi-ɑ», t'ɑ yeele: « bɩ f togs mɑɑm ɑ tɑgms-rãmbɑ». T'ɑ yeele: «yɑɑ yamb poɑkɑ sẽn nɑ n wɑ rog ɑ zu-soɑbɑ, lɑ fo sẽn nɑ n wɑ yã nɑ-zɑɑlã rãmbɑ sẽn yɑɑ bεεlɑ rãmbɑ sẽn yɑɑ tɑlsã n yɑɑ rũm-gũudbã, tɩ b wogend meebã». Rẽ poorẽ t'ɑ looge tɩ mɑm zĩnd woko, rẽ poorẽ tɩ Nɑbiyɑɑmɑ yeele: « Ʋmɑru! Fo mii ned ning lɑ sokdɑ bɩɩ?» Tɩ mɑm yeele: «Wẽnd la A Tẽn-tʋʋmɑ n yɩɩd minim». T'ɑ yeele: « ɑd yɑɑ a Gibriilɑ, ɑ wɑɑme n wilgd yãmbɑ y dĩinã».
Sahih/Authentic. - Muslim

A Ʋmar kõta kibare -Wẽnd yard be a yĩnga- t'a Gibriila, a puka Sahaabsẽ wã -Wẽnd yard be b yĩnga- t'a yaa sẽn rɩk rao naande, tɩ b ka mi-a ye, la a sɩfã yaa t'a fuugã yaa peell wʋsgo, t'a zoobdã yaa sabell wʋsgo, b ka ne sor tagmas a zug sẽn yaa yaamse, la wubsgu la zoobd zũndgr la futã rẽgd ye, ned baa a yembr ka mi-a zĩndbã pʋgẽ ye, tɩ bãmb zĩ Nabiyaamã nengẽ -Wẽnd pʋʋsg la A tɩlgr be a yĩnga- t'a zĩnd Nabiyaamã taoore, tɩ yaa karen-biig zĩndgu, n sok-a lɩslaangã yelle, tɩ Nabiyaamã loek-a ne zeng raad-kãensã sẽn kʋmde, reeg-f-zugẽ ne sahd a yiiubã la gũus wakat a nu wã, la kõ Zakã b rãmbã, la Ramadaanã no-loeerã maanego, la hagiimdã farilã maaneg ne tõogda. Tɩ soakdã yeele: «f togs sɩda». Tɩ sahaabsã maan yel-solemde, a sẽn sokd tɩ yaa a sẽn ka mi sokre, rẽ poorẽ t'a yaool n sɩdgd-a wã. Rẽ poorẽ t'a sok-a sɩd-kũunã yelle, t'a loek-a ne zeng raad-kãensã a yoobã, sẽn kʋmbde, kõ sɩd ne Wẽnde belmã, A Naam yɩ wagelle, la A sɩf-rãmbã la f leb n welg n kõ-A tʋʋm ning sẽn yaa Yẽ tʋʋma, wala naanegã, la f leb n welg n kõ-A tũudumã, la f kõ sɩda tɩ malεgsã b naan-b lame ne nuura, tɩ b yaa yembs b sẽn waooge, b ka kɩɩsd Wẽnde, A Naam yɩ wagell n zẽke, la yaa Wẽnd sagellã la b tʋmda, la f kõ sɩda ne gaf-rãmb nins sẽn sig tẽn-tʋʋmbã zugã, sẽn yi Wẽnd nengẽ wã, A Naam yɩ wagelle, wala Alkʋrãanã la Tawraatã la Lingiilã la sẽn wõnd rẽ, la kõ sɩd ne tẽn-tʋʋmb nins sẽn taasd dĩinã Wẽnd yĩngã, sẽn be b pʋgẽ yaa a Nuuhu, la a ɭbraahɩɩma, la a Muusa la a ɭɩsa la b baasdgã yaa a Mohammade, -Wẽnd pʋʋsg la A tɩlgr be a yĩnga- la zẽng sẽn ka bãmba sẽn yaa nabiyaam-rãmb la tẽn-tʋʋmbã, la kõ sɩd ne yaoolem raarã la yεl nins sẽn be kũumã poorẽ wã, kẽeda yẽnda pʋgẽ, sẽn yaa kabr nango la vɩɩm ning sẽn be yaadẽ wã, la f kõ sɩd tɩ ninsaalã b yikd-a lame kũumã poorẽ, n geel a tʋʋmã, t'a kẽngr zĩigẽ, arzãnã maa Bugmẽ. La kõ sɩd tɩ Wẽnd korda yεlã n zems wala Wẽnd bãngrã sẽn dag n reng taoor tɩ na n yɩɩme wã, la A sẽn gʋls rẽndã la A tʋlsmã, la a sẽn na yɩ wala A sẽn kord-a to-to ningã. Rẽ poorẽ t'a sok-a manegrã yelle, tɩ Nabiyaamã kõ-a kibar tɩ ad manegre, yaa fo tũ Wẽnde, tɩ yaa wala fo ne-A lame, rẽnd f sã n ka paam sor n na n ta dargε-kãngã bɩ f tũ tɩ yaa wala Wẽnd nee foom, rẽnd rẽenem yaa seedg la ges dargε, ning f yamẽ tɩ yaa wala fo nee Wẽndã, yẽnda la rẽenem dargε, yẽ me n leb n zẽk n yɩɩda, yiib soaba yaa gũus Wẽndã dargε sẽn ta zĩig ninga. Rẽ poorẽ t'a sok-a dũni wã yikr yaa rabʋre? Tɩ Nabiyaamã -Wẽnd pʋʋsg la A tɩlgr be a yĩnga- vẽneg n wilg tɩ ad dũni wã yikri yaa bũmb ning Wẽnd sẽn bas a bãngrã A nangẽ, rẽnd bon-naandg baa a yembr ka mi-a ye, b sẽn sokd a soabã la soakdã meng me ka mi ye. Rẽ poorẽ t'a sok-a dũni wã yikr tagmas-rãmbã? Tɩ Nɑbiyɑɑmã vẽneg n wilgi -Wẽnd pʋʋsg la A tɩlgr be a yĩnga- tɩ sẽn be ɑ tɑgmes-rãmbã pʋgẽ yɑɑ yem-pogs wʋsgre lɑ b koɑmbã. mɑɑ koɑmbã sẽn nɑmsd b mɑ-rãmbã sẽn nɑ n wʋsge, tɩ b tʋmd ne b mɑ-rãmbã wɑlɑ yem-pogse, tɩ lɑ rũm-kɩɩmbã lɑ tɑlsã b nɑ n wɑ lebgɑ arzεgs rãmbɑ zãmɑɑn yɑoog wɑkɑto, tɩ b pugd tɑɑbɑ ne rot nɑgsgo lɑ b tombo (meebo). Rẽ poorẽ Nabiyaamã -Wẽnd pʋʋsg la A tɩlgr be a yĩnga- kõ kibare tɩ ad sokdã yaa a Gibriila, a waame n na n wilg sahaabsã dĩin-kãngã sẽn yaa tẽeg tɩrg dĩinã.

  1. Hadiisã wilgda Nabiyaamã -Wẽnd pʋʋsg la A tɩlgr be a yĩnga- zʋg sõngã sẽn ta zĩig ninga, n wilgdẽ t'a zĩi ne Sahaabsã, tɩ b zĩ ne-a.
  2. Wilgda sari wã sẽn kõ sor tɩ b sõmb n maana bʋg-bʋg ne sokda la b pẽneg-a t'a faseme, sẽn na yɩlẽ t'a tõog n leok sokrã tɩ rabeem ka be ye.
  3. Hadiisã wilgda zʋgd maaneg ne karen-saamba, wala a Gibriil -Tɩlgr be a yĩng- sẽn maan Nabiyaamã, bala a zĩnda Nabiyaamã -Wẽnd pʋʋsg la A tɩlgr be a yĩnga- taoore, zʋgd soab zĩndig buudu, sẽn na yɩl n paam n reeg bãngre a nengẽ.
  4. Yaa tɩ lɩslaangã zeng raad yaa a nu la sɩd-kũunã yẽga yaa a yoobe.
  5. Sɩd-kũunã la lɩslaangã sã n wa tʋg n lagem taab bũmb a yembr zugu, b welgda lɩslaangã ne tʋʋm nins sẽn be yɩnga, la b rɩk sɩd-kũunã ne tʋʋm nins sẽn be pʋgẽ wã.
  6. Wilgdame tɩ dĩinã a yaa dargε-rãmb sẽn yõs taaba, rẽnd dargε rẽengã yaa lɩslaango, la yiib soaba yaa sɩd-kũuni, tãab soaba yaa manegre, yẽnd n tʋg n zẽk n yɩɩda.
  7. Yaa tɩ yẽgrã soakda yɩta minim kaalgo, la zɩɩlmã me n yɩt sabab tɩ b sokã, rẽ n kɩt tɩ sahaabsã maan yel-solemd ne a sẽn sokd la a sɩdgdẽ wã.
  8. Hadiisã wilgdame tɩ b sõmb n sɩnga ne yell ning sẽn pak n yɩɩda n yaool n ges sẽn pʋgde, bala a sɩnga ne sahd a yiibã lɩslaangã welgsg pʋgẽ, la a sɩng ne Wẽnd yembgã ne sɩd-kũunã welsg zĩigẽ.
  9. Wilgda b sẽn na n sok bãngdã bũmb ning soakda sẽn ka zɩ, tɩ yaa sẽn na n wilg a to sẽn ka mi, t'a bãnge.
  10. Wilgdame tɩ dũni wã yikr yaa minim-rãmb nins A sẽn welg ne A Meng toor zalle.

Successfully sent!