മുഅ്മിനീങ്ങളുടെ മാതാവ്, ആഇശാ -رَضِيَ اللَّهُ عَنْهَا- അറിയിക്കുന്നു: സുബ്ഹ് നിസ്കാരത്തിൻ്റെ തൊട്ടുമുൻപുള്ള രണ്ട് റക്അത്ത് സുന്നത്തുകൾ നിർവ്വഹിക്കുന്നതിൽ നബി -ﷺ- മറ്റൊരു സുന്നത്ത് നിസ്കാരത്തിൻ്റെ കാര്യത്തിലും പുലർത്താത്ത വിധത്തിലുള്ള ശ്രദ്ധയും താൽപ്പര്യവും കാണിച്ചിരുന്നു.

• ഫർദ്വായ നിസ്കാരങ്ങൾക്ക് പുറമെയുള്ള നിസ്കാരങ്ങൾക്കാണ് സുന്നത്ത് / നവാഫിൽ നിസ്കാരങ്ങൾ എന്ന് പറയുക. ഇവിടെ ഹദീഥിൽ ഉദ്ദേശിക്കുന്നത് നിർബന്ധ നിസ്കാരത്തിനോട് ചേർന്നു കൊണ്ടുള്ള സുന്നത്തുകളായ റവാത്തിബ് നിസ്കാരങ്ങളാണ്.
• ഫജ്‌റിന് മുൻപ് രണ്ട് റക്അത്തുകൾ, ദ്വുഹ്റിന് മുൻപ് നാല് റക്അത്, ദ്വുഹ്റിന് ശേഷം രണ്ട് റക്അത്തുകൾ, മഗ്രിബിന് ശേഷം രണ്ട് റക്അത്തുകൾ, ഇശാഇന് ശേഷം രണ്ട് റക്അത്തുകൾ എന്നിങ്ങനെയാണ് റവാത്തിബ് നിസ്കാരങ്ങൾ.
• സുബ്ഹിൻ്റെ മുൻപുള്ള രണ്ട് റക്അത്ത് സുന്നത്ത് നിസ്കാരം യാത്രകളിലും അല്ലാത്ത സമയങ്ങളിലും നിസ്കരിക്കാവുന്നതാണ്. എന്നാൽ ദ്വുഹ് റിൻ്റെയും മഗ്‌രിബിൻ്റെയും ഇശാഇൻ്റെയും റവാത്തിബുകൾ യാത്രകളിലല്ലാത്ത സമയങ്ങളിലേ നിർവ്വഹിക്കേണ്ടതുള്ളൂ.
• സുബ്ഹിൻ്റെ രണ്ട് റക്അത്തുകൾ പ്രത്യേകം ഊന്നിപ്പറയപ്പെട്ട സുന്നത്തുകളാണ്. അവ ഉപേക്ഷിക്കുന്നതും അവഗണിക്കുന്നതും ശരിയല്ല.

1. മെയിൻ പേജ്
2. കർമ്മശാസ്ത്രവും, കർമ്മശാസ്ത്ര അടിസ്ഥാനങ്ങളും
3. ആരാധനയുടെ കർമ്മശാസ്ത്രം
4. സ്വലാത് (നിസ്കാരം)
5. (സ്വലാതു തത്വവ്വുഅ്) സുന്നത്ത് നമസ്കാരം
6. റവാതിബ് സുന്നത്തുകൾ
7. ഹദീസ്

• ആരെങ്കിലും ദ്വുഹ്റിന് മുൻപുള്ള നാല് റക്അത്തുകളും ശേഷമുള്ള നാലു റക്അത്തുകളും (നഷ്ടമാകാതെ) സൂക്ഷിച്ചാൽ അല്ലാഹു അവന് നരകം ഹറാമാക്കുന്നതാണ്...
• നബി -ﷺ- ദ്വുഹ്റിന് മുൻപുള്ള നാല് റക്അത്തുകളും ഫജ്റിന് മുൻപുള്ള രണ്ട് റക്അത്തും ഉപേക്ഷിക്കാറില്ലായിരുന്നു...