پێغەمبەر -صلى اللە علیە وسلم- پێمان ڕادەگەیەنێت كە ئەگەر الله بەندەیەکی ئیمانداری خۆش بوێت كە فەرمانەكانی جێبەجێ دەكات وخۆی لە نەهی لێكراوە بە دوور دەگرێت، پەروەردگار بانگی جبریل دەکات: الله فڵانی خۆشدەوێت؛ تۆیش خۆشت بوێ. جبریلیش خۆشی دەوێت كە گەورەی فریشتەكانە -علیه السلام-، وجبریل لە نێو فریشتەكانی ئاسماندا بانگ دەکات: پەروەردگارتان فڵانی خۆشدەوێت؛ ئێوەیش خۆشتان بوێ، بۆیە نیشتەجێبووانی ئاسمانیش خۆشیان دەوێ، وپاشان قبوڵبوونی پێدەبەخشرێت لە دڵی ئیمانداراندا بە خۆشویستنی ونزیك بوونەوە وڕازیبوون لێی. وئەگەر الله ڕقی لە بەندەیەک بێتەوە، بانگی جبریل دەکات ودەفەرموێت: من ڕقم لە فڵانە، تۆیش ڕقت لێی بێتەوە، بۆیە جبریلیش ڕقی لێی دەبێتەوە، پاشان جبریل بانگی نیشتەجێبووانی ئاسمان دەکات: پەروەردگارتان ڕقی لە فڵانە، ئێوەیش ڕقتان لێی بێتەوە، وپاشان تووشی كینە وڕق لێبوونەوە دەبێت لە دڵی ئیمانداراندا.

• ئەبو موحەمەدی كوڕی ئەبی جەمرە دەڵێت: پێشخستنی جبریل لە فەرمانپێكردندا پێش فریشتەكانی تر؛ ئاماژەیە بۆ بەرزی پلەی لە لای الله -سبحانه وتعالی- بەسەر ئەوانی ترەوە.
• هەرکەسێک خواى گەورە خۆشی بوێت ئەوا خوڵقێنراوەكانی ئاسمان وزەوی خۆشیان دەوێت، وهەرکەسێک خواى گەورە ڕقی لێی بێت ئەوا خوڵقێنراوەكانی ئاسمان وزەوی ڕقیان لێی دەبێت.
• سیندی دەڵێت: كاتێك فەرمووی: (وپاشان ڕەزامەندی پێدەبەخشرێت لەسەر زەویدا)؛ مەبەست لێی بە شێوەیەكی گشتی نیە بەڵكو بەو ئەندازەیەی خوای گەورە خواستی لەسەرە بۆ بەخشینی ڕەزامەندی پێی لەسەر زەویدا، ئەگینا دژایەتیكردنی چاكەكاران لەلایەن خراپەكارانەوە زانراوە.
• هاندان بۆ ئەنجامدانی جۆرە جیاوازەكانی كردەوە چاكەكان؛ فەرز وسونەتیان، وهۆشداربوون سەبارەت تاوان وبیدعەكان؛ چونكە هۆكاری توڕەیی پەروەردگارن.
• ئیبن حەجەر دەڵێت: ئاماژەیە بۆ ئەوەی خۆشەویستنی كەسێك لە دڵی خەڵكی چاكەكاردا نیشانەی خۆشەویستی خوای گەورەیە بۆ ئەو بەندەیە، وگێڕانەوەیەك كە سەبارەت بە جەنازە هاتووە پشتیوانی ئەم مانایە دەكات: (ئێوە شاهێدیدەری خوای گەورەن لەسەر زەوی).
• ئیبن عەرەبی ئەلمالیكی دەڵێت: مەبەست لە (نیشتەجێبووانی زەوی)؛ ئەو خەڵكانەیە كە دەیناسن نەك ئەوانەی نایناسن وسەبارەتی نەیان بیستووە.

1. سه‌ره‌كی
2. عەقیدە (بیروباوەڕ)
3. باوەڕهێنان بە خوای گەورە
4. تاکبوونی خودا لە ناو و سیفاتەكانیدا
5. فەرموودە

• هەر بەندەیەک عەیب وهەڵەی بەندەیەکی تر بپۆشێت -سیتر بكات- لە دونیادا؛ ئەوا خوای گەورەیش لە رۆژی قیامەتدا ئەو بەندەیە دەپۆشێت
• هەریەکێک لە ئێوە پەروەردگاری قسەی لەگەڵدا دەکات (بە ڕاستەوخۆ) وهیچ کەسێک لە نێوان ئەو وپەروەردگاری نابێت
• دوو سیفەتت تێدایە خواى گەورە خۆشی دەوێن: ژیری و لەسەرخۆیی
• ئەی بەندەکانم، من ستەمم لە سەر نەفسی خۆم حەرامکردووە، ولەنێوان ئێوەشدا بەحەڕامم داناوە، بۆیە ستەم لە یەکتری مەکەن