ነቢዩ -የአላህ ሰላትና ሰላም በእርሳቸው ላይ ይስፈንና- አላህ አንድን ትእዛዙን ታዛዥና ክልከላውን የሚርቅ አማኝ ባሪያውን የወደደ ጊዜ ጂብሪልን ይጣራል። አላህ እከሌን ይወደዋልና ውደደው። የመልአክቶች አለቃው ጂብሪል ዓለይሂ ሰላም ይወደዋል። ጂብሪልም ለሰማይ መልአክቶች ይጣራል። ጌታችሁ እከሌን ይወደዋልና ውደዱት። የሰማይ ነዋሪዎችም ይወዱታል። ቀጥሎ በአማኞች ቀልብ ውስጥ ለርሱ ውዴታን፣ ወደርሱ የመሳብንና በርሱ የመደሰትን ተቀባይነት እንዲኖረው ይደረጋል። አላህ አንድን ባሪያ የጠላ ጊዜም ጂብሪልን ይጣራል። እኔ እከሌን ጠልቼዋለሁና ጥላው። ጂብሪልም ይጠላዋል። ቀጥሎ ጂብሪል የሰማይን ነዋሪዎች ይጣራል። ጌታችሁ እከሌን ይጠላዋልና ጥሉት። እነርሱም ይጠሉታል። ከዚያም በአማኞች ቀልብ ውስጥ ለርሱ ጥላቻ እንዲኖር ይደረጋል።

• አቡ ሙሐመድ ቢን አቢ ጀምራ እንዲህ ብለዋል: "ከመልአክቶች ሁሉ ከሌላው አስቀድሞ ጉዳዩን በጂብሪል መጀመሩ ከመልአክቶች ሁሉ እርሱ አላህ ዘንድ ያለውን ከፍ ያለ ደረጃ ለመግለፅ ነው።"
• አላህ የወደደውን ሰው የሰማይና የምድር ነዋሪዎችም ይወዱታል። አላህ የጠላው ሰውም የሰማይና የምድር ነዋሪዎችም ይጠሉታል።
• ሲንዲይ እንዲህ ብለዋል: (ምድር ላይ ተቀባይነት ይኖረዋል) የሚለው የግድ ሁሉም ዘንድ ተወዳጅነትን አይጠቁምም። ይልቁንም አላህ በምድር ላይ እንዲኖረው የሻለትን ያህል ቅቡልነት ነው የሚኖረው። ክፉዎችች ለመልካሞች ያላቸው ጠላትነት እየታወቀ እንዴት አጠቃላይ ውዴታ ይኖረዋል?!
• የተለያዩ አይነቶችን መልካም ስራዎች ግዴታም ይሁን ሱና አሟልቶ በመስራት ላይ መነሳሳቱንና ወንጀሎችና ቢድዓዎች የአላህን ቁጣ የሚያመጡ ስለሆኑ መጠንቀቅ እንደሚገባ እንረዳለን።
• ኢብኑ ሐጀር እንዲህ ብለዋል: "ከዚህ ሐዲሥ ከምንወስዳቸው አስተምህሮቶች መካከል በሰዎች ቀልብ መወደድ በአላህ የመወደድ ምልክት ነው። ይህንንም የጀናዛ ምዕራፍ ውስጥ "እናንተ በምድር የአላህ ምስክር ናችሁ።" በሚል የተዘገበው ሐዲሥ ያጠናክረዋል።"
• ኢብኑል ዐረቢ አልማሊኪይ እንዲህ ብለዋል: "የምድር ነዋሪዎች ሲባል የሚፈለገው ሰውዬውን የሚያውቁት ማለት ነው እንጂ የማያውቁትና ስለርሱ ሰምተው የማያውቁትም ይወዱታል ማለት አይደለም።"

1. ዋና ገፅ
2. ዐቂዳ (እምነት)
3. በአላህ ማመን
4. አላህን በስሞቹና በባህሪያቱ መነጠል
5. ሓዲሥ

• ያ በዱንያ ውስጥ እያሉ በሁለት እግራቸው እንዲሄዱ ያደረጋቸው የትንሳኤ ቀን በፊታቸው እንዲሄዱ ማድረግ የሚችል አይደለምን?
• ‹የኔን ወዳጅ (ወሊይ) ጠላት አድርጎ የያዘን ሰው በርግጥም ጦርነት እንዳወጀኩበት አሳውቄዋለሁ። ባሪያዬ ግዴታ ካደረግኩበት በበለጠ ወደ እኔ ተወዳጅ በሆነ በአንዳችም ነገር አይቃረብም።...
• አላህ መልካሞችና ኃጢዐቶችን ፅፏል። ይህንንም አብራርቶታል።
• አላህ ወደ ቅርፃችሁና ገንዘቦቻችሁ አይመለከትም ነገር ግን ወደ ልቦቻችሁና ስራዎቻችሁ ይመለከታል።