Nagbigay-babala ang Propeta (basbasan siya ni Allāh at pangalagaan) laban sa panunumpa at pagpaparami nito kahit pa man naging tapat sa pagtitinda at pagbili. Nagpabatid siya na ito ay isang kadahilanan ng pagkamabili ng paninda at inilalako subalit ito ay isang kakulangan at isang pagpapawalang-saysay sa pagpapala sa tubo at kita. Maaaring magpangibabaw si Allāh (napakataas Siya) dito ng mga pangyayaring sisira sa mga ito, na maaaring pagnanakaw o pagkasunog o pagkalubog o pagkamkam o pagdambong o mga iba pang insidenteng sisira sa ari-arian.

• Ang pagdakila sa nauukol sa pagsumpa kay Allāh at na ito ay hindi ginagawa kundi dahil sa isang pangangailangan.
• Ang kitang bawal, kahit pa dumami ang kantidad nito, ay inalisan ng pagpapala, na walang kabutihan dito.
• Nagsabi si Al-Qāri': Ang pagkaalis ng pagpapala sa kinita ay maaaring dahil sa pagkasirang sumasapit sa kanya sa ari-arian niya, o dahil sa paggugol niya sa hindi nanunumbalik ang pakinabang nito sa kanya sa Mundo o ang gantimpala sa kanya sa Kabilang-buhay, o nanatili ito sa piling niya at ipinagkait naman ang pakinabang nito, o nagmana nito ang hindi nagpapahalaga nito.
• Nagsabi si Imām An-Nawawīy: Nasaad dito ang pagsaway laban sa dalas ng panunumpa sa pagtitinda sapagkat tunay na ang panunumpa nang walang pangangailangan ay kinasusuklaman. Nagpapakinabang sa kanya ang pagsasamabili ng paninda at marahil malinlang ang mamimili dahil sa pagsumpa.
• Ang dalas ng panunumpa ay isang kakulangan sa pananampalataya at isang kakulangan sa Tawḥīd dahil ang dalas ng panunumpa ay humahantong sa pagwawalang-bahala roon at kawalan ng pagbibigay-pansin. Ang ikalawang usapin ay ang pagsisinungaling sapagkat tunay na ang sinumang dumami ang mga panunumpa niya ay nasasadlak sa pagsisinungaling. Kaya naman nararapat ang magpakakaunti roon at ang hindi magparami ng mga panunumpa. Dahil dito, nagsabi si Allāh (5:89): {Pag-ingatan ninyo ang mga panunumpa ninyo.}

1. Ang Pangunahin
2. Ang mga Kainaman at ang mga Kaasalan
3. Ang mga Kaasalang Ayon sa Sharī`ah
4. Ang mga Kaasalan ng Pagsasalita at Pananahimik
5. Ang ḥadīth

• Nakaaalam ba kayo kung ano ang panlilibak?" Nagsabi sila: "Si Allāh at ang Sugo Niya ay higit na maalam." Nagsabi siya: "[Ito] ang pagbanggit mo ng kapatid mo hinggil sa anumang kasusuklaman niya
• Ang mananampalataya ay hindi ang palapanirang-puri, ni ang palasumpa, ni ang mahalay, ni ang bastos."}
• Narinig ng Propeta-pagpalain siya ni Allah at pangalagaan-ang isang lalaki na nagbibigay puri sa isang lalaki at nagmamalabis siya sa pagpuri niya,Nagsabi siya: ((Sinawi ninyo o pinutol ninyo ang likod ng isang lalaki
• Kapighatian sa nagsasalita at nagsisinungaling upang matawa ang mga tao! Kapighatian sa kanya, pagkatapos ay kapighatian sa kanya!