Enesi (Allahu qoftë i kënaqur me të!) tregon se Profeti ﷺ i theri me dorën e tij në ditën e Bajramit të Kurbanit, dy desh me brirë të bardhë të përzier me të zezë dhe tha: "... duke thënë: "Bismilah, Allahu ekber" dhe duke ua vendosur këmbën në qafë.

• Përligjja e therjes së kurbanit dhe se muslimanët janë të pajtuar njëzëri për këtë.
• Më mirë është që kurbani të jetë i atij lloji që ka bërë kurban Profeti ﷺ, për shkak të pamjes së tij të bukur dhe për shkak se dhjami e mishi i tij janë më të këndshëm.
• Neveviu ka thënë: "Ky hadith tregon se është e pëlqyeshme që njeriu ta marrë përsipër therjen e kurbanit të tij vetë dhe të mos e autorizojë askënd për therjen e tij, përveç në rast arsyeje, e në atë rast është e pëlqyeshme që ai të jetë dëshmitar gjatë therjes së tij. Atij që autorizon një musliman për therjen e kurbanit të tij, i lejohet kjo gjë pa asnjë mospajtim mes dijetarëve."
• Ibën Haxheri ka thënë: "Ky hadith tregon se është e pëlqyeshme thënia: "Allahu ekber" së bashku me besmelen gjatë therjes dhe vendosja e këmbës në qafë, në anën djathtë të kurbanit. Dijetarët janë të pajtimit që kafsha të shtrihet në anën e majtë, kështu që kasapi ta vendosë këmbën e tij në anën e djathtë, në mënyrë që ta ketë më të lehtë ta marrë thikën me të djathtën dhe ta mbajë kokën e tij me dorën e majtë."
• Është e pëlqyeshme që kurbani të jetë me brirë, por lejohet të bëhet edhe nëse nuk ka.

1. Ballina
2. Fikhu dhe usuli-fikh (bazat e fikhut)
3. Ushqimet dhe pijet
4. Therja
5. Hadithi

• Me të vërtetë, Allahu ka urdhëruar mirësinë në çdo çështje
• Vërtet Allahu e ka bërë të detyrueshme mirësinë në çdo çështje