له ابو ذر رضي الله عنه څخه روایت دی وایي چې رسول الله صلی الله علیه وسلم فرمایلي: "اې ابوذره، کله چې شوروا پخوې، ډېرې اوبه ور اضافه کړه او له خپلو ګاونډیانو سره یې شریکه کړه". صحيح دی - مسلم روايت کړی دی
explain-icon

تشریح

ابوذر الغفاري رضی الله عنه ته رسول الله صلی الله علیه وسلم وفرمایل چې کله شوروا پخوې، نو اوبه او ښوروا دې زیات کړه، او خپل ګاونډیان دې پرې وپاله.

explain-icon

د حديث له ګټو څخه

  • ګاونډیانو سره ښه چلند ته هڅوونه.
  • د ګاونډیانو ترمنځ د ډالیو د تبادلې مستحبوالی، ځکه چې دا کار مینه زېږوي او مینه کې زیاتوالی راولي، او هغه مهال پدې کار زیات ټینګار کېږي، کله چې خواړه ځانګړې خوشبویي ولري او د ګاونډي اړتیا معلومه شي.
  • ښو کارونو ته هڅوونه او هر هغه څه چې ممکن وي، حتی که لږ هم وي، څو د مسلمانانو زړونو خوشحاله شي.