വിശ്വാസികളുടെ മാതാവായ ഹഫ്‌സയോട് (رضي الله عنها) നബിയുടെ (ﷺ) ഖുർആൻ പാരായണം എങ്ങനെയായിരുന്നുവെന്ന് ചോദിക്കപ്പെട്ടു. അപ്പോൾ അവർ പറഞ്ഞു: "നിങ്ങൾക്ക് അതുപോലെ ചെയ്യാൻ സാധിക്കില്ല." അപ്പോൾ അവരോട് ചോദിക്കപ്പെട്ടു: "ഞങ്ങൾക്ക് അത് പറഞ്ഞുതന്നാലും." നാഫിഅ് പറയുന്നു: നബിയുടെ (ﷺ) പാരായണരീതി അവർക്ക് വിവരിച്ചുകൊടുക്കാൻ വേണ്ടി ഇബ്നു അബീ മുലൈക്ക ഞങ്ങൾക്ക് സാവധാനം ഓതിത്തന്നു. അദ്ദേഹം {അൽഹംദു ലില്ലാഹി റബ്ബിൽ ആലമീൻ} എന്ന് ഓതി, ശേഷം പാരായണം നിർത്തി; എന്നിട്ട് {അർറഹ്മാനീ റഹീം} എന്ന് ഓതി. ശേഷം പാരായണം നിർത്തി; എന്നിട്ട് {മാലിക്കി യൗമിദ്ദീൻ} എന്ന് ഓതി.

• നബിയുടെ (ﷺ) ഖുർആൻ പാരായണരീതി.
• നബിയുടെ (ﷺ) പാരായണരീതി എപ്രകാരമായിരുന്നു എന്ന് പ്രായോഗികമായി ഈ ഹദീഥിലൂടെ കാണിച്ചു തന്നിരിക്കുന്നു.
• ഖുർആൻ പാരായണം ചെയ്യുമ്പോൾ സാവധാനം ഓതുകയും (തർതീൽ), നിർത്തി നിർത്തി ഓതുകയും വേണം. ആയത്തുകളുടെ അർത്ഥം ചിന്തിക്കാൻ ഈ രീതിയാണ് കൂടുതൽ സഹായകം.
• മുൻഗാമികൾ (സലഫുകൾ) വിശുദ്ധ ഖുർആനും നബിയുടെ (ﷺ) പ്രവൃത്തികളും സ്വായത്തമാക്കാൻ കാണിച്ചിരുന്ന ശ്രദ്ധയും താൽപ്പര്യവും.
• തജ്‌വീദ് നിയമങ്ങളും ഖുർആൻ വിജ്ഞാനീയങ്ങളും പഠിക്കേണ്ടതിന്റെ പ്രാധാന്യം.

1. മെയിൻ പേജ്
2. വിശുദ്ധ ഖുർആനും, ഖുർആനിക വിജ്ഞാനങ്ങളും
3. പാരായണരീതികളും ഉച്ചാരണ നിയമങ്ങളും
4. ഖുർആൻ പാരായണ നിയമങ്ങൾ
5. ഹദീസ്

• നബി -ﷺ- യിൽ നിന്ന് അവർ പത്ത് ആയത്തുകളായിരുന്നു ഓതിക്കേൾപ്പിച്ചു തരാൻ ആവശ്യപ്പെട്ടിരുന്നത്. അതിലുള്ള വിജ്ഞാനവും പ്രവർത്തനങ്ങളും മനസ്സിലാക്കുന്നത് വരെ അവർ അടുത്ത പത്ത് വചനങ്ങൾ (പഠിക്കാനായി) എടുക്കാറുണ്ടായിരുന്നില്ല...
• അനസ് (رضي الله عنه) വിനോട് ചോദിക്കപ്പെട്ടു: "നബിയുടെ (ﷺ) ഖുർആൻ പാരായണം എങ്ങനെയായിരുന്നു?" അപ്പോൾ അദ്ദേഹം പറഞ്ഞു: "അവിടുന്ന് നീട്ടിയാണ് പാരായണം ചെയ്തിരുന്നത്...