നബിയുടെ (ﷺ) ഖുർആൻ പാരായണരീതി എങ്ങനെയായിരുന്നുവെന്ന് അനസ് ബ്നു മാലികിനോട് ചോദിക്കപ്പെട്ടു. അപ്പോൾ അദ്ദേഹം പറഞ്ഞു: അവിടുന്ന് പാരായണം ചെയ്യുമ്പോൾ ശബ്ദം നീട്ടുമായിരുന്നു. (ഉദാഹരണത്തിന്) 'അല്ലാഹു' എന്നതിലെ 'ഹ' ക്ക് മുമ്പുള്ള 'ലാം' അവിടുന്ന് നീട്ടിയിരുന്നു. 'അർ-റഹ്മാൻ' എന്നതിലെ 'നൂനി'ന് മുമ്പുള്ള 'മീമും', 'അർ-റഹീം' എന്നതിലെ 'ഹ' യും അവിടുന്ന് നീട്ടിപ്പാരായണം ചെയ്തിരുന്നു.

• മദ്ദ് (നീട്ടൽ): അലിഫ്, വാവ്, യാ എന്നീ അക്ഷരങ്ങളെ നീട്ടി ഉച്ചരിക്കുന്നതിനെയാണ് 'മദ്ദ്' എന്ന് പറയുന്നത്. ഇവ സുക്കൂനായിരിക്കുകയും, അവയ്ക്ക് മുമ്പ് അനുയോജ്യമായ ഹറക്കത്ത് (സ്വരചിഹ്നം) വരികയും ചെയ്യുമ്പോഴാണ് ഇപ്രകാരം നീട്ടേണ്ടത്.
• നബിയുടെ (ﷺ) ഖുർആൻ പാരായണരീതി.
• നബിയുടെ (ﷺ) പാരായണരീതി എപ്രകാരമായിരുന്നു എന്ന് പ്രായോഗികമായി അനസ് ബ്നു മാലിക് (رضي الله عنه) ഈ ഹദീഥിലൂടെ കാണിച്ചു തന്നിരിക്കുന്നു.
• ഇമാം സിൻദി പറഞ്ഞു: "(അവിടുന്ന് ശബ്ദം നീട്ടിയിരുന്നു)" എന്നതുകൊണ്ട് ഉദ്ദേശിക്കുന്നത്, നീട്ടാൻ സാധിക്കുന്ന അക്ഷരങ്ങളെ നീട്ടി ഉച്ചരിക്കുക എന്നതാണ്. അത് (ഖുർആനിന്റെ ആശയങ്ങളെക്കുറിച്ച്) ചിന്തിക്കാനും, മനനം ചെയ്യാനും, ഉപദേശങ്ങൾ സ്വീകരിക്കുന്നവർക്ക് ഗുണപാഠങ്ങൾ ഉൾക്കൊള്ളാനും സഹായിക്കും.
• തജ്‌വീദ് നിയമങ്ങളും ഖുർആൻ വിജ്ഞാനീയങ്ങളും പഠിക്കേണ്ടതിന്റെ പ്രാധാന്യം.
• പ്രമാണങ്ങൾ മനസ്സിലാക്കുന്നതിന് പണ്ഡിതന്മാരിലേക്ക് മടങ്ങേണ്ടതുണ്ട്. അനസ് (رضي الله عنه) വിനോട് ചോദിക്കപ്പെട്ടപ്പോൾ അദ്ദേഹം ചോദിച്ചയാൾക്ക് അത് വ്യക്തമാക്കി നൽകിയത് പോലെ.

1. മെയിൻ പേജ്
2. വിശുദ്ധ ഖുർആനും, ഖുർആനിക വിജ്ഞാനങ്ങളും
3. പാരായണരീതികളും ഉച്ചാരണ നിയമങ്ങളും
4. ഖുർആൻ പാരായണ നിയമങ്ങൾ
5. ഹദീസ്

• നബി -ﷺ- യിൽ നിന്ന് അവർ പത്ത് ആയത്തുകളായിരുന്നു ഓതിക്കേൾപ്പിച്ചു തരാൻ ആവശ്യപ്പെട്ടിരുന്നത്. അതിലുള്ള വിജ്ഞാനവും പ്രവർത്തനങ്ങളും മനസ്സിലാക്കുന്നത് വരെ അവർ അടുത്ത പത്ത് വചനങ്ങൾ (പഠിക്കാനായി) എടുക്കാറുണ്ടായിരുന്നില്ല...
• നബിയുടെ (ﷺ) പാരായണത്തെക്കുറിച്ച് ചോദിക്കപ്പെട്ടു